zp schoolssakal
महाराष्ट्र बातम्या
शिक्षणाधिकाऱ्यांचा इशारा! जिल्हा परिषदेच्या ‘या’ शिक्षकांवर होणार निलंबन, समाप्तीची कारवाई; परस्पर दांडी, दुपारच्या सुटीनंतर गायब, अध्यापनाऐवजी मोबाईलमध्ये व्यस्त असलेल्यांवर विशेष लक्ष
खासगी इंग्रजी माध्यमांच्या शाळांशी स्पर्धा करताना जिल्हा परिषदेच्या शाळांची पटसंख्या कमी होऊ लागली आहे. जिल्ह्यातील १५० हून अधिक शाळांची पटसंख्या दहापेक्षा कमी आहे. या स्पर्धेत टिकून राहण्यासाठी व पटसंख्येअभावी शिक्षक अतिरिक्त होणार नाहीत, याची खबरदारी जिल्हा परिषदेकडून घेतली जात आहे.
तात्या लांडगे
सोलापूर : सोलापूर जिल्ह्यात २०१९-२० मध्ये जिल्हा परिषदेच्या दोन हजार ७९८ शाळा होत्या. सध्या दोन हजार ७७३ शाळा असून पाच वर्षांत पटसंख्येअभावी जिल्हा परिषदेच्या २५ शाळांना कुलूप लावावे लागले आहे. या पार्श्वभूमीवर आता गुणवत्तेवर सर्वाधिक भर दिला जाणार आहे. १२ जूनपासून शिक्षकांच्या शाळापूर्व तयारीसंदर्भातील तालुकानिहाय बैठका होणार असून त्यावेळी शिक्षकांना चांगल्या वर्तणुकीचे व गुणवत्तेसंदर्भातील धडे दिले जाणार आहेत.