अखेर शिवसेना आणि शिंदे गटाचा दसरा मेळावा पार पडला आहे. शिवसेनेच्या दसरा मेळाव्याला आव्हान देत मुख्यमंत्री एकनाथ शिंदे यांनी बीकेसी मैदानावर शिंदे गटाचा मेळावा घेतला होता. यावेळी जोरदार फटकेबाजी करण्यात आली. या भव्य मेळाव्यानंतर मुख्यमंत्री शिंदे यांनी थेट पोलिस आयुक्तांना फोन केला आणि पोलिसांचे आभार मानले. (Eknath Shinde Called Police Commissioner Vivek Phansalkar After Dasara Melava )
दसरा मेळाव्याच्या दिवशी प्रचंड ताण असुनही मुंबईची कायदा आणि सुव्यवस्था तसेच वाहतूक व्यवस्था सुरळीत ठेवणाऱ्या मुंबई पोलिसांचे मुख्यमंत्री एकनाथ शिंदे यांनी मानले आभार आहेत. कायदा आणि सुव्यवस्था अबाधित राखल्याबद्दल मुख्यमंत्र्यांनी मुंबई पोलिसांचे अभिनंदन केले. पोलीस आयुक्त विवेक फणसाळकर यांना मुख्यमंत्री एकनाथ शिंदे यांनी फोन करून पोलीस दलाचे आभार मानले असल्याचे समजते.
दसऱ्याच्या पार्श्वभूमीवर इतिहासात पहिल्यांदाच काल शिवसेनेचे दोन दसरा मेळावे झाले. माजी मुख्यमंत्री उद्धव ठाकरे यांचा शिवतीर्थावर तर मुख्यमंत्री एकनाथ शिंदे यांचा बीकेसी मैदानावर दसरा मेळावा पार पडला.
शिवाजी पार्कवर एक लाख लोकांची गर्दी जमली असल्याचा दावा काहीजणांकडून करण्यात आला आहे तर बीकेसी मैदानावर दोन लाखांची गर्दी जमा झाल्याचं सांगण्यात येत आहे. पण शिवाजी पार्कची क्षमता ५५ ते ६० हजार लोकांची असून पोलिसांच्या अंदाजानुसार काही लोकं मैदानात तर काहीजण मैदानाच्या बाहेर थांबलेले होते. त्यामुळे शिवाजी पार्कवर ६५ हजारांच्या आसपास लोकं असल्याचा अंदाज पोलिसांनी व्यक्त केला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.