Dasara Melava: एकनाथ शिंदेंची 'स्टंटबाजी'! तलवार, खुर्ची अन् चांदीचा धनुष्यबाण

Eknath shinde Stunt News: राज्याचे मुख्यमंत्री एकनाथ शिंदे यांची आता मुंबईतील बीकेसीमध्ये सभा सुरु होण्यापूर्वी त्यांनी केलेल्या वेगवेगळ्या कृतींचे कौतूक होताना दिसतेय. दुसरीकडे त्यावर सोशल मीडियावरुन अनेकांनी त्यांच्यावर टीकाही केली आहे. एकनाथ शिंदे यांनी सुरुवातीला स्टेजवर बाळासाहेब ठाकरे यांनी ज्या खुर्चीत बसून भाषण केले होते त्याची मंत्रोउच्चारात पुजा केली. याशिवाय 20 फुटी तलवारीचे अनावरणही यावेळी करण्यात आले. त्या तलवारीची नोंद लिम्का बुक ऑफ रेकॉर्डसनं घेतल्याचे यावेळी सांगण्यात आले.

सोशल मीडियावर एकनाथ शिंदे यांच्या त्या व्हायरल झालेल्या व्हिड़िओवर वेगवेगळ्या कमेंट नेटकऱ्यांनी दिल्या आहेत. याप्रसंगी एकनाथ शिंदे यांच्या एका पुस्तकाचे अनावरण करण्यात आले. तसेच त्यांनी हातात चांदीचे धनुष्यबाण हाती घेऊन कार्यकर्त्यांना लढण्यासाठी तयार राहण्याचे आवाहन केले. शिंदे यांच्या या हटक्या स्टंटबाजीचं नेटकऱ्यांकडून कौतूक होताना दिसतंय दुसरीकडे अनेकांनी त्यावरुन शिंदे यांना वेगवेगळे प्रश्न विचारले आहेत.