शिंदे गटाचे नेते गोगावलेंचे राऊतांना आव्हान; म्हणाले, सुरक्षेविना येऊन दाखवा

मुंबई : एकनाथ शिंदे हे राज्याचे नवीन मुख्यमंत्री झाले आहेत. दुसरीकडे शिवसेना (Shiv Sena) खासदार संजय राऊत (Sanjay Raut) रायगडमधील महाड येथे सभा घेणार आहेत. मात्र शिंदे गटाचे शिवसेनेचे बंडखोर नेते विकास गोगावले यांनी त्यांना खुले आव्हान दिले आहे. राऊत यांनी आगामी सभेसाठी सुरक्षा कर्मचाऱ्यांविना महाडमध्ये यावे, असे आव्हान गोगावले यांनी त्यांना दिले. ते पुढे म्हणतात, संजय राऊत येथे विनासुरक्षेचे आल्यास त्यांना शिवसैनिक त्यांना 'प्रसाद' देण्यास मागे पुढे पाहणार नाही. (Eknath Shinde Vikas Gogavale Challenge Sanjay Raut Come Without Security)

वास्तविक, राज्यात गेल्या काही दिवसांपासून सुरु असलेल्या राजकीय पेचप्रसंग आता सुटला आहे. २९ जून रोजी उद्धव ठाकरे (Uddhav Thackeray) यांनी राज्यपालांकडे मुख्यमंत्रीपदाचा राजीनामा दिला. त्यानंतर दुसऱ्याच दिवशी म्हणजे ३० जून रोजी एकनाथ शिंदे यांनी मुख्यमंत्रीपदाची शपथ घेतली. यापूर्वी संजय राऊत यांचे एक ट्विट खूपच व्हायरल झाले होते. यात त्यांनी शिंदे गटावर निशाणा साधत म्हटले होते, की कुठपर्यंत गुवाहाटीत लपणार? चौपाटीत यावेच लागेल. (Maharashtra Politics)

दुसरीकडे आता शिंदे गटाचे विकास गोगावले म्हणाले, की त्यांना मी सुरक्ष कर्मचाऱ्यांविना महाडमध्ये येण्याचे आव्हान देतो. माजी मुख्यमंत्री उद्धव ठाकरे यांनी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांना शुभेच्छा दिल्या. ते म्हणाले, मला आशा आहे, की दोन्ही नेते महाराष्ट्रासाठी चांगले काम करतील.