Electricity Bill : ऑनलाईन लाईट बिल भरायची भीती वाटते ? अशी घ्या काळजी
Electricity Bill : सध्याच्या घडीला अनेक प्रकारचे व्यवहार ऑनलाइन पद्धतीने केले जातात. डिजिटल व्यवहारांमध्ये मोठ्या प्रमाणात वाढ झालेली पाहायला मिळत आहे. यातच सायबर क्राइममध्येही वाढ झाल्याचे दिसून येत असून, एका चुकीच्या पावलामुळे बँक खाते रिकामे झाल्याच्या अनेक घटना समोर आल्या आहेत. यातच ऑनलाइन वीज भरताना काही गोष्टींचे पालन न केल्यास तुमचेही बँक खाते रिकामे होऊ शकते.
सायबर गुन्हेगारांनी सर्वसामान्यांची फसवणूक करण्याचे नवीन मार्ग शोधले आहेत, जे ऑनलाइन वीजबिलाशी संबंधित असल्याचे सांगितले जात आहे. अनेक वीज कंपन्या आणि पुरवठादार ग्राहकांना बिल जारी झाल्यावर SMS किंवा व्हॉट्सअॅप संदेशाद्वारे रक्कम आणि पेमेंटची तारीख कळवतात. वीजबिलाच्या नावाखाली फसवणूक करण्यासाठी सायबर गुन्हेगार अशाच प्रकारचे संदेश पाठवून लोकांना आपल्या जाळ्यात अडकवत आहेत.
नेमकी काय काळजी घ्यावी?
- जर तुम्हाला असा कोणताही मेसेज आला तर सर्वप्रथम तो मेसेज व्हेरिफाईड आयडी किंवा कोणत्या मोबाईल नंबरवरून पाठवला गेला आहे हे तपासा.
- जर तो मेसेज एखाद्या नंबरवरून पाठवला असेल तर तो फेक आहे, त्यावर अजिबात विश्वास ठेवू नका.
- अशा मेसेजमध्ये दिलेल्या फोन नंबरवर कधीही संपर्क करू नका.
- तुमचे वैयक्तिक किंवा बँकिंग तपशील कोणाशीही शेअर करू नका. अन्यथा, यामुळे तुमचे बँक खाते रिकामे होऊ शकते.
- या सर्व गोष्टींची काळजी घेणे तुमच्यासाठी खूप गरजेचे आहे.
