धक्कादायक! महाराष्ट्र दिनी तहसिल कार्यालयात कर्मचाऱ्याने संपवलं जीवन

महाराष्ट्र दिनी तहसिल कार्यालयात एका कर्मचाऱ्याने गळफास घेत आत्महत्या केल्याची धक्कादायक माहिती समोर आली आहे. ही घटना रायगड येथे घडली आहे. या घटनेमुळे परिसरात एकच खळबळ उडाली आहे. (employee committed suicide in the tehsil office raigad )

मिळालेल्या अधिक माहितीनुसार, पोलादपुर तहसिल कार्यालयात ही घटना घडली आहे. गळफास घेऊन आत्महत्या केलेल्या कर्मचाऱ्याचे नाव राजेंद्र केकान (वय वर्ष 30) असे आहे. राजेंद्र मुळचे बीड येथे राहणारे होते.

पोलादपुर तहसिल कार्यालयाच्या मुख्य लोखंडी दरवाजाला त्यांनी गळफास लावला. तहसिल कार्यालयातच त्यांनी आत्महत्या नेमकी का केली? याचे कारण अद्याप स्पष्ट झालेलं नाही.

पोलिसांनी घटनास्थळी दाखल होत मृतदेह ताब्यात घेतला. महाराष्ट्र दिनी कर्मचाऱ्याने आत्महत्या केल्याने एकच खळबळ उडाली आहे.