Budget 2023 : जातीशिवाय खत नाही; सांगलीतल्या प्रकारावर CM शिंदे म्हणाले, "केंद्राला कळवतो..."

शेतकऱ्यांच्या बाबती अर्थसंकल्पात महत्त्वाचे निर्णय घेतल्याचंही यावेळी मुख्यमंत्री शिंदे यांनी अधोरेखित केलं आहे.
CM Eknath Shinde News
CM Eknath Shinde NewsEsakal

सांगलीतल्या शेतकऱ्यांना खतांसाठी जात सांगावी लागत असल्याचा धक्कादायक प्रकार घडला आहे. या प्रकरणी राज्याच्या अर्थसंकल्पीय अधिवेशनामध्ये चर्चा होत आहे. मुख्यमंत्री एकनाथ शिंदे यांनी या प्रकरणी स्पष्टीकरण दिलं आहे.

विरोधी पक्षनेते अजित पवार यांनी हा मुद्दा विधानसभेत मांडला. अजित पवार म्हणाले, "सांगली जिल्ह्यात रासायनिक खत विकत घ्यायची असेल तर जात सांगावी लागते. तशी नोंद केली जात आहे. पण शेतकऱ्यांना जात नसते. शेतकरी हीच जात असते. खत खरेदी करताना ई-पोस मशिनमध्ये जात का नोंदवावी लागते? जात टाकली नाही तर पुढे जाता येत नाही. जातीचं लेबल पुरोगामी महाराष्ट्रात चिकटवू नका."

CM Eknath Shinde News
Shivsena : "पैशाशी लाचार व्हाल तर शिवरायांचे नाव घेऊ नका"; ठाकरे गटाने शेअर केला बाळासाहेबांचा व्हिडीओ

याबद्दल मुख्यमंत्री एकनाथ शिंदे यांनी उत्तर दिलं आहे. शिंदे म्हणाले, "खत घेताना जातीचा उल्लेख केला जातो, हा विषय विरोधी पक्षनेत्यांनी मांडला. ते पोर्टल केंद्र सरकारचं आहे. शेतकऱ्यांच्या भावना आम्ही लक्षात घेत आहोत आणि केंद्राला तसं सांगत आहोत की जात वगळून टाकावी."

CM Eknath Shinde News
PM Modi News: "नरेंद्र मोदींना नरेंद्र मोदी स्टेडिअमवर नरेंद्र मोदींच्या मित्राच्या मुलाकडून नरेंद्र मोदींचा फोटो भेट"

मुख्यमंत्री शिंदे यांनी काल झालेल्या अर्थसंकल्पाबद्दल बोलताना विरोधकांवर टीकाही केली आहे. शेतकऱ्यांच्या बाबतीत आपण सकारात्मक निर्णय घेतले आहेत. विरोधकांचे भ्रमाचे भोपळे फुटले, त्यामुळे ते चिडले आहेत, असं मुख्यमंत्री म्हणाले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com