Accident News: मुंबई-गोवा महामार्गावर ट्रक आणि ST बसचा भीषण अपघात; 18 जखमी, एक प्रवासी गंभीर

अपघातात जखमी झालेल्या सर्व व्यक्तींवर महाडच्या ट्रॉमा केअर युनिटमध्ये उपचार सुरु आहेत
Accident News
Accident NewsEsakal

मुंबई गोवा महामार्गावर महाड शहराजवळ नाते खिंड याठिकाणी ST बस आणि कोळशाची वाहतुक करणाऱ्या ट्रकचा भीषण अपघात झाला आहे. या भीषण अपघातात बसचे फार मोठे नुकसान झाले आहे. तर बसच्या चालक वाहकासह 18 प्रवासी जखमी झाल्याची माहीती समोर आली आहे. (Latest News)

महाड शहराच्याजवळ नाते खिंड येथे हा अपघात झाला. या अपघातात ST बसच्या चालक वाहकासह 18 प्रवासी जखमी झाले असून एक प्रवासी गंभीर जखमी झाला आहे. अपघातात जखमी झालेल्या सर्व व्यक्तींवर महाडच्या ट्रॉमा केअर युनिटमध्ये उपचार सुरु आहेत.

मुंबई महाबळेश्वरवरुन ST बस महाडकडे येताना कोळशाची वाहतुक करणाऱ्या ट्रकची भीषण टक्कर होऊन हा अपघात झाला. या अपघतामध्ये ST बसचे फार मोठ्या प्रमाणत नुकसान झालं आहे. महाड शहर आणि महामार्ग पोलीस घटनास्थळी दाखल झाले असून वाहतुक सुरळीत सुरु आहे.

Accident News
Sharad Pawar: सोलापूर लोकसभेच्या जागेची राष्ट्रवादी फिरविणार भाकरी; संघर्ष टाळण्यासाठी पवारांची सावध भूमिका

या अपघाताबाबत महाड शहर पोलीस ठाण्यात नोंद करण्यात आली असून अपघातामध्ये चूक कोणाची हे अद्याप समोर आलेले नाही.

मुंबई-गोवा महामार्गावर 1 तासापासून मोठी वाहतूक कोंडी

पावसामुळे घाटातील वाहतूक देखील धोक्याची ठरत आहे. त्यामुळे पर्यायी रस्त्यांवर मोठ्या प्रमाणावर वाहतूक कोंडी होत आहे. सर्वसामान्य नागरिकांना आणि चाकरमान्यांना या वाहतूक कोंडीचा प्रचंड त्रास सहन करावा लागत आहे.

Accident News
Sangli Crime: क्रूरतेचा कळस! अनैतिक संबंधास अडसर ठरणाऱ्या सहा वर्षाच्या मुलाला फेकलं विहिरीत

अशात मुंबई गोवा महामार्गावरील गेल्या एक तासापासून वाहतूक ठप्प झाली आहे. पहाटे पडलेल्या मुसळधार पावसामुळे भरावातील मातीचा चिखल रस्त्यावर आल्याने चिपळूणकडे जाणारी वाहतूक बंद करण्यात आली आहे. तसेच परशुराम घाटाचा मार्ग देखील बंद करण्यात आला आहे. परशुराम घाटातील पर्यायी मार्ग म्हणून चाकरमान्यांनी चिरणी आंबडस मार्ग वापरावा असं आवाहन करण्यात आले आहे. त्यामुळे चिरणी आंबडस मार्गावर मोठी वाहतूक कोंडी झाली आहे.

Accident News
Anil Parab: साई रिसॉर्ट प्रकरणात अनिल परब यांना दिलासा?

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com