पोलिसांसाठी आन बान शान आणि अभिमान असलेल्या खाकी वर्दीसाठी शासनाकडून मिळणाऱ्या भत्त्यात वाढ करण्याचा निर्णय घेण्यात आला आहे.
मुंबई - राज्याच्या पोलीस दलात कार्यरत असलेल्या पोलीस अधिकाऱ्यांसाठी खूशखबर आहे. कारण पोलिसांसाठी आन बान शान आणि अभिमान असलेल्या खाकी वर्दीसाठी शासनाकडून मिळणाऱ्या भत्त्यात वाढ करण्याचा निर्णय घेण्यात आला आहे. या संदर्भात गुरूवारी राज्य सरकारच्या गृह विभागाने निर्णय घोषित केला. पोलिस अधिकाऱ्यांसाठी गणवेश भत्त्यात वाढ करण्याचा निर्णय गृह विभागाने घेतला आहे. पोलीस अधिकाऱ्यांना आधी 5 हजार रुपये भत्ता मिळत होता. आता प्रतिवर्षी 6 हजार रुपये मिळणार आहे. पोलीस उपनिरीक्षक ते अपर पोलीस अधीक्षक या अधिकाऱ्यांना हा लाभ मिळणार आहे.
शासन निर्णयानुसार, पोलीस उपनिरीक्षक ते अपर पोलीस अधीक्षक यांना दर वर्षांकरिता प्रत्येकी 5000 रुपये गणवेश अनुदार मंजुर करण्यात आले होते. सदर गणवेश अनुदानामध्ये वाढ करण्याबाबत विचार सुरु होता. त्यानुसार गणवेश अनुदान वाढीचा निर्णय घेण्यात आला आहे. पोलीस अधिकाऱ्यांसाठीचा गणवेश अनुदान वाढीबाबतचा निर्णय 1 जानेवारी 2023 पासून लागू झाला आहे. त्यामुळे यापुढे पोलीस अधिकाऱ्यांना गणवेश अनुदान म्हणून 5 हजार रुपयाऐवजी 6 हजार रुपये गृह विभागाकडून दिले जाणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.