नाशिक पदवीधर मतदारसंघ निवडणुकीत अगदी मतमोजणीच्या दिवशीही नाट्यमय घडामोडी घडत आहेत. आज मतमोजणी असल्याने कालपासून सत्यजित तांबेचं विजयी होणार असा विश्वास व्यक्त करण्यात येत आहे. अशातच दुसरीकडे सत्यजीत तांबेंना काँग्रेस विधिमंडळ पक्षाचे नेते बाळासाहेब थोरात यांनी पाठिंबा दिल्याच्या चर्चेने जोर धरला आहे. (graduate constituency election Balasaheb Thorat support to Satyajit Tambe )
नाशिक पुणे राष्ट्रीय महामार्गावर थोरात साखर कारखाना गेट, घुलेवाडी या ठिकाणी सत्यजीत तांबेंच्या विजयाचे निकालाआधीच बॅनर लागले आहेत. मात्र, या बॅनरवर बाळासाहेब थोरातांचा फोटो चर्चेचा विषय ठरत आहे.
एकीकडे अपक्ष फॉर्म भरल्याने सत्यजीत तांबे तसेच त्यांचे सुधीर तांबे यांना कॉंग्रेस पक्षाने निलंबित केले. तर दुसरीकडे तांबेंच्या विजयी पोस्टरवर थोरात झळकल्याने चर्चेला उत आला आहे. अनेक तर्क वितर्क काढण्यात येत आहेत. बाळासाहेब थोरात यांनी अप्रत्यक्ष पाठिंबा दिल्याचा तर्क लावण्यात येत आहे.
थोरात आमचे कुटुंब प्रमुख; तांबेंचे सुचक वक्तव्य चर्चेत
नाशिक पदवीधर विधान परिषद निवडणुकीत काँग्रेस नेते सत्यजीत तांबे यांनी अपक्ष उमेदवारी अर्ज भरला. तांबे यांनी बंडाचे निशाण फडकवल्याने राज्यात राजकीय खळबळ उडाली होती. सत्यजित तांबे यांनी त्यांचे मामा बाळासाहेब थोरात यांच्याविरोधातच दंड थोपटले असल्याची चर्चा राज्यात रंगली. मात्र, दुसरीकडे सत्यजित तांबे यांच्या बंडामागे थेट बाळासाहेब थोरात यांचीच प्रेरणा असल्याचे सांगण्यात आले होते.
त्यानंतर, एका मुलाखतीदरम्यान, तुम्हाला मामांचा पाठिंबा आहे का? असे विचारले असता तांबे म्हणाले, ‘थोरात आमचे कुटुंब प्रमुख आहेत आणि आम्ही एका परिवारातील आहोत,’ असे सूचक वक्तव्य तांबे यांनी केले होते.
मागील राजकीय घडामोडी पाहता आणि आज निकाला दिवशी झळकलेले पोस्टर पाहता बाळासाहेब थोरात यांनी अप्रत्यक्ष पाठिंबा दिल्याच्या चर्चेला उत आला आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.