Kasaba Byelection : कसबा पोटनिवडणुकसंदर्भात शिंदे गटाने मांडली महत्त्वाची भूमिका

कसबा विधानसभा मतदारसंघाच्या पोटनिवडणुकीसंदर्भात शिंदे गटाने महत्त्वाची भूमिका मांडली आहे. यासंदर्भात शिंदे गटाचे प्रवक्ते दीपक केसरकर यांनी माहिती दिली आहे. (Kasaba Byelection BJP CM Eknath Shinde Deepak Kesarkar )

कसबा पोटनिवडणुकीसाठी भाजपला पाठिंबा देणार असल्याचे दीपक केसरकर यांनी स्पष्ट केलं. तसेच, बिनविरोध करण्यासाठी पुढाकार घेतला जाईल. असेही केसरकर यावेळी म्हणाले.

काय म्हणाले केसरकर?

शेवटी युती अभेद्य आहे. त्यामुळे योग्य असा निर्णय घेण्यात आला आहे. दोन्ही जागा भाजपच्या होत्या. युतीचे पालन केले जाईल. भाजपला पाठिंबा राहणार. माझ्या मते ही निवडणुक बिनविरोधा झाली पाहिजे.

राज्याची आत्तापर्यंतची एक परंपरा आहे. ज्याचे निधन झाले आहे. त्याच्या घरातील उमेदवार उभा राहिला तर निवडणुक बिनविरोध केली जाते. त्यामुळे ही निवडणुक बिनविरोध करण्यासाठी पुढाकार घेतला जाईल. असही केसरकर यांनी स्पष्ट केलं.

ठाकरेंच्या नेत्याने आयफोन वापरण्याच्या सुचनेवरही केसरकर यांनी भाष्य केलं. आय फोन सहसा कोणाला परवडत नाही,पण आता ठाकरे गटाचे कार्यकर्ता कदाचित तेवढे श्रीमंत झाले असतील, पण माझ्या काळात तर सेनेत वडापाव खाऊन प्रचार करणारे कार्यकर्ता होते, आताचं माहित नाही. असा खोचक टोमणा मारला.