मुंबई - ‘ज्यांची जेवढी लोकसंख्या, तेवढी भागीदारी’ या तत्त्वानुसार काँग्रेस नेते राहुल गांधी यांनी जातिनिहाय जनगणनेची आग्रही मागणी केली होती. भाजपने सातत्याने या मागणीला विरोध केला पण नाईलाजाने भाजप सरकारने ती मान्य केली..जातीनिहाय जनगणनेनंतर सर्वच समाज घटकांच्या आरक्षणाचा प्रश्न सुटू शकतो. सरकारने जनगणनेचा कालबद्ध कार्यक्रम जाहीर करून तेलंगण व कर्नाटक पॅटर्न राबवावा,’ अशी मागणी काँग्रेसचे प्रदेशाध्यक्ष हर्षवर्धन सपकाळ यांनी केली आहे..टिळक भवन येथे पत्रकार परिषदेत बोलताना सपकाळ म्हणाले की, जातीनिहाय जनगणना ही केवळ शिरगणती नाही तर सामाजिक अजेंडा आहे. महाराष्ट्रात ओबीसींची संख्या २७ वरून वाढून ६४ टक्क्यापर्यंत जाऊ शकते. या जनगणनेमुळे प्रत्येक समाज घटकांची लोकसंख्या किती हेही समजेल, पाटीदार, गुर्जर, मराठा आरक्षणाचा प्रश्नही यामुळे सुटण्यास मदत होईल..भाजप सरकारला जातीनिहाय जनगणनेचा निर्णय घ्यावा लागला याचे सर्व श्रेय राहुल गांधी यांना जाते, त्यांनी या मागणीचा सातत्याने पाठपुरावा केला त्यामुळे मोदी सरकारला निर्णय घ्यावा लागला. सरकारने याची प्रक्रिया काय आहे, माहिती कशी जमा करायची, याचे प्रशिक्षण कर्मचारी-अधिकारी यांना दिले पाहिजे असे सपकाळ म्हणाले..विजय शाह यांच्यावर गुन्हा नोंदवासपकाळ म्हणाले, की कर्नल सोफिया यांच्याबद्दल घाणेरडी भाषा वापरणारे भाजपशासित मध्य प्रदेशातील मंत्री विजय शाह यांच्यावर देशद्रोहाचा गुन्हा नोंदवा. भाजपने मंत्रिपदावरून व पक्षातून तत्काळ हाकलून दिले पाहिजे उच्च न्यायालयाने त्यांच्यावर गुन्हा दाखल करण्याचे निर्देश दिले असताना विजय शाह निर्लज्जपणे सर्वोच्च न्यायालयात गेले..ताफा अडवणे हा तानाशाहीचा प्रकारसपकाळ म्हणाले, की लोकसभेतील विरोधी पक्षनेते राहुल गांधी बिहारमध्ये ‘पलायन रोको, नोकरी दो’ अभियानासाठी जात असताना त्यांचा ताफा पोलिसांनी अडवला यातून सत्तेचा माज दिसतो. विद्यार्थ्यांशी संवाद साधण्यास जाणे हा काय गुन्हा आहे का?, असा सवालही त्यांनी केला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
