Hasan Mushrif l कोल्हापुरात जयश्री जाधवच विजयी होणार; हसन मुश्रीफ

कोल्हापूर: महिला उमेदवार असताना व्यक्तीगत टीका करण विरोधकांना शोभत नाही. शहराचा विकास कसा करणार आहोत या मु्द्द्यावर निवडणुका व्हायला हव्यात. परंतु खालच्या थरावर प्रचार होत असल्याचे दिसत आहे. कोल्हापूर (Kolhapur) शहराचा विकास कसा करणार हे व्हिजन घेऊन आम्ही निवडणूक लढवत आहोत. त्यामुळे कोल्हापुरात महाविकास आघाडीच्या (MahaVikas Aghadi) उमेदवारच विजयी होतील असा दावा ग्रामविकासमंत्री हसन मुश्रीफ (Hasan Mushrif) यांनी केला.

पुढे ते म्हणाले, सगळ्या केंद्रीय यंत्रणावरती पवार साहेबांनी नाराजी व्यक्त केली आहे. पंतप्रधान मोदी आणि शरद पवार यांच्यात काय चर्चा झाली हे चंद्रकांत पाटलांना कस कळलं असा प्रश्नही त्यांनी उपस्थित केला. संजय राऊतांचा विषय राज्यसरकारचे खासदार म्हणून घेतला असेल. यंत्रणाचा गैरवापर यावर त्यांनी चर्चा केली असल्याचे सांगत भाजपावर टीका केली.

पाच वर्षात भाजपाचे व्हिजन दिसले नाही. गेल्या अडीच वर्षात आमच्या सरकारने काय केले आणि पुढे काय करणार आहोत हे सतत सांगत आलो आहोत असेही ते म्हणाले. तिन्ही पक्षाचा वचननामा यापूर्वी प्रसिध्द केला असल्याचेही त्यांनी सांगितले. कोल्हापूरचा सर्वांगिन विकास करणार असून, चांगले शहर बनवणार असल्याचे त्यांनी सांगितले.