Hasan Mushrif : हसन मुश्रीफांना अटक होणार की नाही? विशेष कोर्टातील सुनावणी पूर्ण

मुंबईः राज्याचे माजी मंत्री, राष्ट्रवादीचे नेते हसन मुश्रीफ यांच्या कागल येथील निवासस्थानी ईडीने छापेमारी केली होती. त्यानंतर मुश्रीफांनी अटकपूर्व जामिनासाठी कोर्टात धाव घेतली. आज त्यांच्या अटकपूर्व जामिनावरील सुनावणी पूर्ण झाली आहे.

आज हसन मुश्रीफ यांच्या अटकपूर्व जामिनावर सुनावणी होती. मुंबई सत्र न्यायालयातील विशेष पीएमएलए कोर्टामध्ये या प्रकरणी सुनावणी सुरु आहे. अटक टाळण्यासाठी हसन मुश्रीफ यांच्यासह त्यांच्या तीन मुलांनी आणि सीए यांनी याचिका दाखल केली आहे. चालू आठवड्यात त्यांना अटकेपासून मिळालेला दिलासा संपणार आहे.

कोर्टातील आजची सनावणी संपलेली असून मुश्रीफांच्या अटकपूर्व जामीन अर्जावर ५ एप्रिलला कोर्ट निर्णय देणार आहे. हाटकोर्टाच्या निर्देशानुसार त्यांना अटकेपासून संरक्षण मिळणार का? हे येत्या ५ तारखेला स्पष्ट होणार आहे.

हेही वाचाः जीएसटीसाठी नोंदणी केलीच नाही तर??

नेमकं प्रकरण काय?

नलावडे साखर कारखाना प्रकरणी 11 मार्च रोजी ईडीने हसन मुश्रीफ यांच्या घरावर छापा टाकला होता. मागील दोन महिन्यातील ही तिसरी छापेमारी होती. सकाळी सात वाजता ईडीचे पाच ते सहा अधिकारी कागल येथील मुश्रीफ यांच्या घरी आले आणि त्यांनी कागदपत्रांची छाननी सुरू केली. यावेळी मुश्रीफ यांच्या घराबाहेर सुरक्षा रक्षकांचा मोठा बंदोबस्त तैनात करण्यात आला होता. मुश्रीफ यांच्या घरातील लोकांनाही बाहेर जाण्यास प्रतिबंध करण्यात आला होता. त्यानंतर हसन मुश्रीफ आणि त्यांच्या कुटुंबियांच्या अडचणी वाढल्या आहेत.