हिंदू जनआक्रोश मोर्चात सदावर्ते दाऊदवर संतापले: म्हणाले, त्याचे...

Hindu Jan Aakrosh Morcha: लव जिहाद आणि धर्मांतर विरोधी कायदा राज्यासह देशभरात लागू करावा या मागणीसाठी सकल हिंदू समाजाकडून शिवाजी पार्क येथे हिंदू जन आक्रोश मोर्चा काढण्यात आला आहे. या मोर्चात भाजपसह शिंदे गटाचे आमदार, पदाधिकारी, नेते उपस्थित आहेत.

यामध्ये भाजपचे प्रवीण दरेकर, किरीट सोमय्या, आशिष शेलार, केशव उपाध्ये आणि चित्रा वाघ या मोर्चात सहभागी झाले आहेत.

मात्र सर्वांचे लक्ष वेधले ते वकील गुणरत्न सदावर्ते यांनी मागील काही दिवसांपासून सतत वादात असलेले गुणरत्न सदावर्ते या मोर्चात सहभागी झाले असून यावेळी बोलताना त्यांनी पाकिस्तान आणि दाऊदवर हल्लाबोल केला आहे.

वकील गुणरत्न सदावर्ते म्हणाले, "पाकिस्तानच्या निच विचारामधून जे लव जिहाद चालू झालं. त्या लव जिहादला दफण करण्यासाठी मुंबईमधला हिंदू एकवटला आहे.

आम्ही सरकारला साकडं घालत आहोत. लव जिहाद विरोधात कायदा आणा दाऊदचा विचार दफण करा, बाबारचा विचार दफण करा.

हे लोक संत म्हणून आले आणि धर्म प्रसार करू लागले. या सर्व बाबी लक्षात घेता आज हिंदू एकवटला आहे." अशी प्रतिक्रिया वकील गुणरत्न सदावर्ते यांनी दिली आहे.

आगामी काळात होवू घातलेल्या मुंबई महापालिका निवडणूकीच्या पार्श्वभूमीवर या मोर्चाला महत्त्व प्राप्त झालं आहे. मुंबईतील आघाडीचे नेते या मोर्चाला आवर्जुन उपस्थित आहेत.