आग लावणारी मंडळी भाजपमध्ये- अशोक चव्हाणांचा घणाघात

मरखेल (जिल्हा नांदेड) : आरक्षणाचा विषय हा सध्या न्यायप्रविष्ठ असून केंद्र सरकार यामध्ये जाणीवपूर्वक दुर्लक्ष करीत आहे. मंदिर, मस्जिद, ३७० सारखे विषय केंद्र सरकार न्यायालयातून सोडवू शकते, मात्र आरक्षणाच्या विषयावर माघार का? देशातील आरक्षण संपविण्याचा प्रयत्न भाजप व 'आरएसएस'चा असल्याचा आरोप करत सार्वजनिक बांधकाम मंत्री अशोक चव्हाण यांनी आग लावणारी मंडळी भाजपमध्ये असल्याचे घणाघात मरखेल येथे सोमवारी (ता. २८) केला.

दिवंगत आमदार रावसाहेब अंतापूरकर यांच्या काळात मी या मतदारसंघासाठी ५४ विकासाची कामे मंजूर केली. अंतापूरकरांच्या पश्चात राहिलेली कामे करण्यासह येत्या काळात महाविकास आघाडीच्या सरकारमधून जवळपास १०० कोटींची कामे मी देगलूर- बिलोलीत करणार आहे.

हेही वाचा - गोपी बहू'चा वेगळा अंदाज काही चाहत्यांना पसंत पडला तर काहींनी तिला ट्रोलसुद्धा केलंय.

विधानसभा पोटनिवडणुकीच्या पार्श्वभूमीवर काँग्रेस पक्षाच्या वतीने आयोजित कार्यकर्ता मेळाव्यात ते बोलत होते. आमदार मोहन हंबर्डे, अमर राजूरकर, माजी राज्यमंत्री डी. पी. सावंत, जिल्हा मध्यवर्ती बँकेचे अध्यक्ष वसंतराव चव्हाण, जिल्हा परिषद अध्यक्षा मंगाराणी अंबुलगेकर, जिल्हाध्यक्ष गोविंदराव शिंदे नागेलीकर, माजी आमदार हणमंतराव पाटील बेटमोगरेकर, जितेश अंतापूरकर, माजी सभापती शिवाजीराव देशमुख बळेगावकर, सभापती संजय बेळगे, रामराव नाईक, युवक काँग्रेसचे विधानसभा अध्यक्ष जनार्धन बिरादार, भाऊसाहेब पाटील मंडलापूरकर आदींची यावेळी प्रमुख उपस्थिती होती.

यावेळी चव्हाण यांनी भाजपवर चौफेर टीका करत पोटनिवडणुकीत काँग्रेसच्या उमेदवाराला विजयी करण्याचे आवाहन केले. तर प्रताप पाटील चिखलीकर हे लोकसभेतील खालून पहिल्या नंबरचे खासदार असल्याचा टोला लगावला. यावेळी चव्हाण यांच्या हस्ते परिसरातील साडेनऊ कोटी रुपयांच्या कामांचे प्रातिनिधिक स्वरुपात उद्घाटन करण्यात आले.

संपादन- प्रल्हाद कांबळे