Shivsena Case : महाराष्ट्रातील सत्तासंघर्षावर सर्वोच्च न्यायालयाचे घटनापीठ उद्या मोठा निर्णय देणार आहे. शिवसेना पक्षातील मतभेदानंतर उद्धव ठाकरे आणि एकनाथ शिंदे गटातील वादाशी संबंधित खटल्याची सुनावणी पूर्ण झाली आहे. आता उद्या निकाल येणार आहे. हा निकाल फक्त शिवसेनेसाठी महत्वाचा नाही तर या निकालाच्या भविष्यातील राजकारणावर देखील प्रभाव पडणार आहे.
भारताचे सरन्यायाधीश डीवाय चंद्रचूड यांनी समलैंगिक विवाह प्रकरणावर सुनावणी करताना सांगितले की, ते उद्या दोन प्रकरणांमध्ये निकाल देणार आहेत. उध्दव ठाकरे विरुद्ध एकनाथ शिंदे प्रकरण तसेच दुसरे प्रकरण दिल्ली सरकार आणि नायब राज्यपाल यांच्यातील वादाशी संबंधित आहे. ठाकरे विरुद्ध शिंदे वादाच्या निकालावर सर्वांते लक्ष लागले आहे.
CJI चंद्रचूड म्हणाले, "उद्या आम्ही घटनापीठाशी संबंधित दोन निकाल देणार आहोत." यावेळी चंद्रचूड यांनी ज्येष्ठ वकील डॉ. अभिषेक मनु सिंघवी यांना सांगितले की, "समलैंगिक विवाह प्रकरणातील युक्तिवाद उद्या दुपारी १२ वाजण्याच्या सुमारास सुरू होऊ शकतो, कारण सकाळची प्रचंड गर्दी असेल."
"उद्याची सकाळ कामांनी भरलेली आहे. घटनापीठांचे दोन महत्वाचे निकाल द्यायचे आहेत" अशी टिप्पणी सरन्यायाधीश धनंजय चंद्रचूड यांनी एका सुनावणी दरम्यान केली.
सरन्यायाधीश डीवाय चंद्रचूड, न्यायमूर्ती एमआर शाह, न्यायमूर्ती कृष्णा मुरारी, न्यायमूर्ती हिमा कोहली आणि न्यायमूर्ती पीएस नरसिम्हा हे पाच सदस्यांची घटनापीठ उद्या निर्णय देणार आहे. या खंडपीठातील दुसऱ्या क्रमांकाचे ज्येष्ठ न्यायमूर्ती एमआर शाह हे १५ मे रोजी निवृत्त होत आहेत.
सत्तासंघर्षावरील निकाल एकमताने येण्याची शक्यता आहे. हा निकाल फक्त सरन्यायाधीश वाचून दाखवणार आहेत. त्यामुळे दोन वेगळ्या निकालांची किंवा घटनापीठात मतभेदांची शक्यता कमी आहे.
निकालाची वेळ-
महाराष्ट्रातील सत्तासंघर्षावर उद्या सकाळी १०:३० वाजल्यापासून स्वतः सरन्यायाधीश धनंजय चंद्रचूड निकालपत्राचे वाचन करणार आहेत. या कामकाजचे थेट प्रसारण देखील होणार आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.