सोलापूर : महावितरणमार्फत बसवण्यात येणाऱ्या टीओडी (टाइम ऑफ डे) मीटरमुळे ग्राहकांना त्यांच्या वीज वापराची माहिती दर तासाला (रियल टाइम) मिळणार आहे. यामुळे ग्राहकांचे त्यांच्या वीज वापरावर व पर्यायाने वीज बिलावर नियंत्रण राहणार आहे. तसेच अचूक व वेळेत बिल मिळणार आहे.
टीओडी मीटर हे पोस्टपेड असून मीटर रीडिंगनुसारच त्याचे बिल देण्यात येणार आहे. त्यामुळे ग्राहकांवर कोणताही खर्चाचा भार न टाकता बसवण्यात येणारे टीओडी मीटर ग्राहकांच्या फायद्याचेच असून ग्राहकांनी अफवांना बळी पडू नये, असे आवाहन महावितरणने केले आहे. सध्या नवीन वीज जोडणीवेळी देखील टीओडी मीटर वापरले जात आहे. टीओडी मीटर बसविण्याच्या करारानुसार ठेकेदाराने पुढील दहा वर्षे मीटरची देखभाल करायची आहे. मात्र, काही भागात गैर समजातून ग्राहक उपयोगी टीओडी मीटरला विरोध होत आहे.
हा विरोध निराधार असून ग्राहकांनी सहकार्य करावे, असे आवाहन महावितरणने केले आहे. अद्ययावत मीटर बसविल्याने महावितरणची वाणिज्यक हानी कमी होणार असून वीज चोरीवर नियंत्रण येणार आहे. त्यामुळे होणाऱ्या महसूल वाढीतूनच टीओडी मीटरचा खर्च भागविण्यात येणार आहे.
नव्या मीटरमुळे समजणार प्रत्येक तासाचा वापर
टीओडी मीटरमधून वापरल्या जाणाऱ्या प्रत्येक युनिटची रिअल टाइम माहिती ग्राहकास मोबाईलवर उपलब्ध होणार आहे. त्यामुळे वीज वापरानुसार रीडिंग येत नसेल तर ग्राहकास कळणार आहे. बसवण्यात येणारे नवे मीटर राष्ट्रीय मानांकन प्राप्त लॅबमधून चाचणी केलेले आहे. अत्यंत नावीन्यपूर्ण अशी पारदर्शी सुविधा वीज ग्राहकांना नव्या टीओडी मीटरमुळे मिळणार आहे.
घरगुती ग्राहकांना दुपारी मिळेल वीजदरात सवलत
राज्यात सुरू असणाऱ्या रुफ टॉप सोलर, मुख्यमंत्री सौर कृषी वाहिनी अशा योजनांमुळे दिवसा स्वस्त दरात वीज उपलब्ध होत आहे. भविष्यात दिवसा मोठ्या प्रमाणात उपलब्ध होणारी वीज वापरली जावी, यासाठी औद्योगिक ग्राहकांच्या धर्तीवर घरगुती ग्राहकांनाही दुपारच्यावेळी वीजदरात सवलत देण्याबाबतचा प्रस्ताव महावितरणने वीज नियामक आयोगाकडे पाठविला आहे. सध्या बसवण्यात येणाऱ्या मीटरमध्ये टीओडी ही सुविधा उपलब्ध असून ग्राहकांना स्वस्त वीज दराचा फायदा होणार आहे. जुन्या मीटरमध्ये टीओडी ही सुविधा नसल्याने ग्राहकांना दिवसा स्वस्त वीज दराचा फायदा मिळू शकणार नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.