वैष्णवी हगवणे मृत्यू प्रकरणातील आरोपी शशांक हगवणेचे मामा जालिंदर सुपेकर हे आयपीएस अधिकारी आहेत. हगवणे प्रकरणानंतर त्यांच्यावर हगवणेंच्या मोठ्या सुनेनं राज्याच्या महिला आयोगाला लिहिलेल्या पत्रात गंभीर आरोप केला होता. त्यानंतर सामाजिक कार्यकर्त्या अंजली दमानिया यांनी त्यांच्यावर काही आरोप केले आहेत. आता स्वाभिमानी शेतकरी संघटनेचे नेते माजी खासदार राजू शेट्टी यांनीही कैंद्यांच्या नावाखाली भ्रष्टाचाराचा आरोप सुपेकरांवर केलाय. सध्या होमगार्ड विभागाचे पोलीस उपमहासमादेशक असलेल्या जालिंदर सुपेकर यांनी या आरोपांना उत्तर दिलं आहे.