Shalarth ID Scam: शालार्थ आयडी घोटाळा प्रकरणी माजी शिक्षणाधिकाऱ्याला अटक, ४ जिल्ह्यात १६० कोटींची फसवणूक

धुळे: बनावट शालार्थ आदेशांच्या आधारे राज्य शासनाची सुमारे १६० कोटी रुपयांची आर्थिक फसवणूक केल्याप्रकरणी जळगाव जिल्हा परिषदेचे तत्कालीन माध्यमिक शिक्षणाधिकारी शशिकांत भाऊराव हिंगोणीकर (वय ६६, रा. पिंप्राळा रोड, जळगाव) यास नाशिक गुन्हे शाखेच्या पथकाने धुळ्यातून बेड्या ठोकल्या. या प्रकरणी नाशिक रोड पोलिस ठाण्यात गुन्हा दाखल झाला आहे.