Jitendra Awhad Arrest : पोलिसांवर दबाव टाकतायत; आव्हाडांच्या पत्नीचा श्रीकांत शिंदेंवर आरोप?

राष्ट्रवादीचे नेते आणि राज्याचे माजी गृहनिर्माण मंत्री जितेंद्र आव्हाड यांना काल ठाणे पोलिसांनी अटक केली. ठाण्यात चित्रपटगृहामध्ये प्रेक्षकांना मारहाण केल्याप्रकरणी ही अटक करण्यात आली आहे. मात्र यामागे पोलिसांवर दबाव असल्याचा गंभीर आरोप आव्हाडांच्या पत्नी हृता यांनी केला आहे.

हेही वाचा - हिंदी चित्रपटांत का वाढते आहे हिंदुत्वाची कट्टरता?

जितेंद्र आव्हाडांच्या पत्नी हृता आव्हाड यांनी याबद्दलचं ट्वीट केलं आहे. यामध्ये त्यांनी खासदार श्रीाकांत शिंदे यांच्यावर नाव न घेता आरोप केला आहे. तसंच त्यांनी ठाण्याच्या माजी महापौरांचाही उल्लेख केला आहे. हृता आव्हाड म्हणतात, "डॅा. खासदार व ठाण्याचे माजी महापौर पोलिसांवर दबाव आणत आहेत? हे खरं नसावंच. पण अशी कुजबुज आहे पोलीस स्टेशनच्या आवारात"

जितेंद्र आव्हाड यांच्यावर गुन्हा दाखल करण्यासाठी ठाण्यातल्या विवियाना मॉलचे व्यवस्थापक आणि सिनेपोलिस चित्रपटगृहाच्या कर्मचाऱ्यांवर दबाव टाकला जात असल्याचा आरोप हृता यांनी यापूर्वी केला होता. तसंच गुन्हा दाखल केलेल्यांपैकी कोणीही घटनास्थळी उपस्थित नव्हतं, असंही हृता यांनी म्हटलं आहे.