Kasba Bypoll Election : बिनविरोध निवडणुकीसाठी शिंदेंचा फोन आला होता, पण...; पटोलेंची भूमिका

पुणे - पुण्यातील कसबा आणि चिंचवड पोटनिवडणुकीच्या पार्श्वभूमीवर राज्यातील राजकारण चांगलेच तापले आहे. त्यातच मुख्यमंत्री एकनाथ शिंदे यांनी पोटनिवडणूक बिनविरोध करण्यासाठी सर्वपक्षीय नेत्यांना फोन केला होता. यावर काँग्रेसचे प्रदेशाध्यक्ष नाना पटोले यांनी भूमिका स्पष्ट केली आहे. (Nana Patole news in Marathi)

नाना पटोले म्हणाले की, मुख्यमंत्री शिंदेंचा फोन मला कसबा मतदारसंघासाठी आला होता. त्यांनी मला परंपरेचा मुद्दा सांगितला. वास्तविक एखाद्या आमदारांच्या मृत्यूनंतर त्याच्या कुटुंबातील सदस्याला संधी देण्यात येते. पण आता कसब्यात तस काही नाही. कसब्यात भाजपने कुटुंबाव्यतिरिक्त उमेदवारी दिली आहे. त्यामुळे आम्ही निवडणुकीची तयारी करत आहे.

दरम्यान चिंचवडचा निर्णय़ आपल्याला माहित नाही. कारण तिथली जागा राष्ट्रवादी काँग्रेस लढवत आहे. असो. तरी मी शिंदे यांना सांगितलं की, तुम्ही प्रस्ताव द्या. तसेच सरकार म्हणून विरोधकांचे कामं थांबवले आहेत, त्यावरही मी शिंदे यांच्याशी बोललो. सध्या तरी कसबा निवडणूक बिनविरोध करण्याचा प्रश्नच येत नाही, अस पटोले म्हणाले.