महाराष्ट्र सरकारच्या मुख्यमंत्री माझी लाडकी बहीण योजना सुरू झाल्यापासून राज्यातील लाखो महिलांना आर्थिक मदतीचा मोठा दिलासा मिळाला आहे. या योजनेंतर्गत पात्र महिलांना दरमहा १,५०० रुपये थेट त्यांच्या बँक खात्यात जमा केले जातात. जानेवारी महिन्याचा हप्ता याआधीच देण्यात आला असून, आता फेब्रुवारीच्या हप्त्याची वाट सर्वजणी पाहत आहेत. हा हप्ता नेमका कधी येणार आणि तो १,५०० रुपये असेल की २,१०० रुपये, याबाबत मोठी उत्सुकता आहे.