Lalit Patil Drugs Case: ललित पाटीलचा आणखी एक कारनामा आला समोर, जेलमधून रुग्णालयात जाण्यासाठी केला ड्रामा? VIDEO

गेल्या काही दिवसांपासून चर्चेत आलेला ड्रग माफिया ललित पाटील यांचे जुने काही व्हिडीओ समोर आले आहेत. त्याला पोलिसांनी ताब्यात घेतल्यापासून अनेक गोष्टी आता समोर येऊ लागल्या आहे. ललित पाटीलसोबत ड्रग प्रकरणात अनेकांचा समावेश असण्याची शक्यता आता पोलिसांकडून वर्तवली जात आहे. आतापर्यंत १५ हून अधिक जणांना अटक करण्यात आली आहे.

दरम्यान, ललित पाटीलचे काही सीसीटीव्ही फुटेज आता समोर आले आहेत. ललित पाटीलला जेव्हा २०१९ मध्ये अटक झाली होती, त्यानंतर तो येरवाडा तुरुंगात शिक्षा भोगत होता. मात्र तेथून तो रुग्णालयात कसा पोहोचला याबाबतचं हे सीसीटीव्ही फुटेज आता समोर आलं आहे.

ललित पाटील आजारपणाचे नाटक करत असतानाचा तो व्हिडीओ आता समोर आला आहे. हा व्हिडीओ २०२० मधील आहे. ललित पाटीलला ड्रग्स तस्करीप्रकरणी अटक करण्यात आली होती. त्यानंतर त्याला हिंजवडी पोलिस ठाण्यात आणण्यात आलं होतं. हिंजवडी पोलीस ठाण्यात आणल्यानंतर ललितने आजारपणाचं नाटक केलं. पोलीस स्टेशनच्या जिन्यावरून उतरताना पडण्याचं नाटक ललितने केलं होतं, हे आता निष्पन्न होत आहे.

या सीसीटीव्ही फुटेज ललितच्या पायाला पट्टी बांधलेली दिसत आहे. जिन्यावरुन उतरताना ललित पडताना दिसत आहे. यावेळी त्याला दुखापत झाल्याचं त्याने भासवलं आणि याच सीसीटीव्हीच्या आधारे दुसऱ्याच दिवशी त्याला औंध रुग्णालयात दाखल करण्यात आलं होतं.