राज्य विधिमंडळाच्या अर्थसंकल्पीय अधिवेशनाचा शेवटचा दिवस विविध वादग्रस्त चर्चांनी गाजला. औरंगजेबाच्या कबरप्रश्नी गदारोळ, कुणाल कामरा व दिशा सालियान प्रकरणांवर जोरदार आरोप-प्रत्यारोप झाले. मात्र, या गोंधळाच्या पार्श्वभूमीवर सर्वसामान्य नागरिकांना काय मिळालं, याकडे लक्ष देणं महत्त्वाचं आहे. राजकीय वादांमध्ये अर्थसंकल्पीय घोषणांची माहिती दुर्लक्षित राहिली असली, तरी यंदाच्या अधिवेशनात महत्त्वाच्या योजनांची घोषणा करण्यात आली आहे. मात्र, अनेक महत्त्वाच्या आश्वासनांची पूर्तता करण्यात अपयश आले आहे. आता नागरिकांना या योजनांपासून प्रत्यक्ष लाभ मिळतो का, हे पाहणं महत्त्वाचं ठरणार आहे.