मुंबई - कोरोना काळामध्ये झालेले रुग्णांचे हाल, ‘राष्ट्रीय विषाणू विज्ञान प्रयोगशाळे’तून चाचणी अहवालास झालेला विलंब आणि अहवाल नसल्याने उपचारातील दिरंगाईमुळे अनेक रुग्णांना गमावावे लागलेले प्राण यातून राज्य सरकारने स्वावलंबनाचा धडा घेतला आहे..राज्याच्या आरोग्य विभागाने स्वतःचीच ‘महाराष्ट्र विषाणू विज्ञान संस्था’ उभारण्याचा निर्णय घेतला आहे. पुणे येथील कॅम्प भागात असणाऱ्या राज्य आरोग्य प्रयोगशाळेच्या दुसऱ्या मजल्यावर ही प्रयोगशाळा उभारण्यात येईल.कोरोना महासाथीच्या काळात राज्यात सुमारे ७० लाखांपेक्षा अधिक लोकांचा मृत्यू झाल्याचे सांगण्यात येते. राज्यात देखील कोरोना काळात भयाण परिस्थिती होती. कोरोना काळात रुग्णांच्या विविध चाचण्या केल्या जात होत्या. त्यांची तपासणी पुणे येथील राष्ट्रीय विषाणू विज्ञान संस्थेत करण्यात येत होती..मात्र रुग्णांची संख्या मोठी असल्याने रिपोर्ट येण्यासही बराच कालावधी लागत होता. यातच राज्याचे या प्रयोगशाळेवर काहीच नियंत्रण नसल्याने, प्राधान्यक्रम ठरविणेही कठीण झाले होते. कोरोनापाठोपाठ राज्यात ‘जीबीएस’ म्हणजे गुइलेन-बॅरे सिंड्रोम’चे रुग्ण आढळून आले होते. अशा वेगवेगळ्या आजारांच्या विषाणूंची तपासणी करण्यासाठी राष्ट्रीय विषाणू विज्ञान प्रयोगशाळेवर विसंबून न राहता, राज्याची स्वतःचीच अत्याधुनिक विषाणू विज्ञान प्रयोगशाळा उभारण्याचा निर्णय घेण्यात आला आहे..जागतिक आरोग्य संघटनेच्या नियमानुसार अत्याधुनिक, सर्व सोयी-सुविधांनीयुक्त ही प्रयोगशाळा असेल. या प्रयोगशाळेत विषाणूजन्य आजारांची चाचणी केली जाणार आहे. त्याचबरोबर सूक्ष्मजीवशास्त्रीय चाचण्या आणि जनुकीय आजारावरील निदानासाठीच्या चाचण्या देखील करण्यात येतील.रुग्णावर तत्काळ उपचार करायचा असेल तर अचूक निदान वेळेत करण्यासाठी वैद्यकीय चाचण्या आणि त्याचे विश्लेषणही लगेच होणे आवश्यक आहे. या सर्वांचा विचार करून ही प्रयोगशाळा उभी करण्यात येणार आहे. ही प्रयोगशाळा देशासाठी रोल मॉडेल ठरेल.- प्रकाश आबिटकर, आरोग्यमंत्री.उत्पन्नातून भागवणार खर्चया प्रयोगशाळेत जिवाणू , विषाणू चाचण्या, औषध कंपन्यांची उत्पादने, पशुधनसाठी असणाऱ्या सर्व औषधांची तपासणी त्याचबरोबर दुग्ध उत्पादन, पाणी, शालेय पोषण आहार, तेल, कीटकनाशके यांचीही तपासणी होईल. तसेच देश- विदेशातील रुग्णालये, डॉक्टर यांच्याकडून येणाऱ्या नमुन्यांची तपासणी केली जाईल. या लॅब उभारणीस सुमारे ४४ कोटींचा खर्च अपेक्षित आहे. तर यातून येणाऱ्या उत्पन्नातून लॅबचा दैनंदिन खर्च भागविण्यात येईल..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
