"सत्तेत राहून सरकारविरोधात आंदोलन नको"; मुख्यमंत्री शिंदे अजित पवार गटावर नाराज?

Ajit Pawar Balasaheb Thorat may meet CM Eknath Shinde
Ajit Pawar Balasaheb Thorat may meet CM Eknath Shindeesakal

मुंबई- मुख्यमंत्री एकनाथ शिंदे यांनी आज महायुतीच्या नेत्यांची बैठक वर्षावर बोलावली होती. यावेळी त्यांनी आमदार-खासदारांना लोकसभेसाठी तयार राहण्याच्या सूचना दिल्या आहेत. यावेळी उपमुख्यमंत्री देवेंद्र फडणवीस हेही उपस्थित होते. पुढील वर्षी एप्रिल महिन्यांमध्ये लोकसभेच्या निवडणुका लागतील. महायुतीला एकत्र निवडणुका लढायच्या आहेत, असं शिंदे बैठकीत म्हणाले.

मराठा आरक्षणाच्या मुद्द्यावरुनही मुख्यमंत्र्यांनी बैठकीत भाष्य केलं. सत्ताधारी आमदारांनी मराठा आरक्षणावरुन मंत्रालयात केलेल्या आंदोलनाबाबत त्यांनी नाराजी व्यक्त केली. मराठा आरक्षणावर सर्वपक्षीयांची भूमिका एकच असायला हवी. मराठा आरक्षण देण्यासाठी सरकार सर्वोतपरी प्रयत्न करणार आहे, असं मुख्यमंत्री शिंदे बैठकीत म्हणाले.

Ajit Pawar Balasaheb Thorat may meet CM Eknath Shinde
Maratha Reservation: अनोळखी फोन कॉल उचलू नका; अजित पवार गटाच्या बैठकीत आमदार-खासदारांना सूचना

एप्रिलमध्ये लोकसभेच्या निवडणुका लागण्याची शक्यता आहे. त्यामुळे लोकसभेसाठी सर्व मतदारसंघामध्ये जोमाने तयारीला लागा. सरकारची भूमिका लोकांपर्यंत पोहोचवा. सर्वांनी एकजुटीने राहावे आणि एकमेकांशी समन्वय ठेवावा. तसेत एकमेकांशी वाद टाळा अशा सूचना मुख्यमंत्र्यांनी नेत्यांना दिल्या आहेत.

जोमाने काम करा, पंतप्रधान नरेंद्र मोदी यांना पुन्हा जिंकून द्यायचं आहे. त्यामुळे मतदारसंघात मोर्चबांधणी करायला सुरु करा. सत्तेत राहून सरकारवरील टीका कटाक्षाने टाळा. एकमेकांवर टीका-टिप्पणी करु नका. आरक्षण आणि येणाऱ्या निवडणुकीसाठी तयारीला लागा. मराठा आरक्षण देताना इतर आरक्षणाला आपल्याला धक्का लावायचा नाही, असं बैठकीमध्ये मुख्यमंत्री शिंदे आणि उपमुख्यमंत्री देवेंद्र पडणवीस म्हणाले. (Latest Marathi News)

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com