मुंबई - विधानसभेतील विरोधी पक्षनेते राधाकृष्ण विखे पाटील भाजपच्या वाटेवर असल्याची माहिती असून, पंतप्रधान नरेंद्र मोदी यांच्या उपस्थितीत नगरमध्ये होणाऱ्या सभेत ते प्रवेश करणार असल्याची चर्चा भाजप प्रदेश कार्यालयात सुरू आहे.
लोकसभा निवडणुकीच्या तोंडावर काँग्रेसचे अनेक दिग्गज नेते पक्षाला रामराम ठोकून भाजपमध्ये प्रवेश करीत आहेत. त्यात विधानसभेचे विरोधी पक्षनेते भाजपच्या गोटात सामील होण्याची चिन्हे आहेत. काँग्रेसमधील काही नाराज आमदारांना घेऊन विखे पाटील भाजपमध्ये प्रवेश करणार असल्याची सुरवातीला चर्चा होती. मात्र, भाजपच्या विरोधात तयार झालेल्या वातावरणाच्या पार्श्‍वभूमीवर विखे यांच्यासोबत कोण भाजपात जाणार, याकडे सर्वांचे लक्ष लागले आहे. तसेच विखे पाटील यांचा प्रवेश लवकर व्हावा, म्हणून भाजपकडून दबाव आहे. पण, काँग्रेसमधील नाराज आमदार २३ मेपर्यंत थांबवण्याची भूमिका घेत असल्याचे सूत्रांनी सांगितले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.