देवरुख - काम करणारे करतात, न करणारे ओरडतात. या मतदारसंघात कुणीतरी झेंड्याचं दुकान काढलंय. त्यांना ना विचार ना कृती. बापाकडे एक झेंडा, भावाकडे एक झेंडा, पोरगा तिसराच झेंडा घेऊन फिरतोय. आम्ही कोकणला जो शब्द दिला तो पाळला नसता, तर आज हा विराट जनसमुदाय दिसला नसता, असे उद्‌गार शिवसेना पक्षप्रमुख उद्धव ठाकरे यांनी काढले.
महायुतीचे रत्नागिरी-सिंधुदुर्गातील उमेदवार विनायक राऊत यांच्या प्रचारार्थ देवरुखातील स्वातंत्र्यवीर सावरकर चौकातील पटांगणावर आज उद्धव ठाकरे यांची सभा झाली, त्या वेळी ते बोलत होते. ठाकरे म्हणाले की, मागील वेळी विनायक राऊत निवडून आल्यावर कोकणवासीयांना धन्यवाद देण्यासाठी मी आलो होतो. या मतदारसंघाला बॅ. नाथ पै, प्रा. मधू दंडवते, सुरेश प्रभू यांसारख्या दिग्गज खासदारांची परंपरा आहे. २००९ ला ती खंडित झाली. मात्र, युतीच्या कार्यकर्त्यांनी ती कसर मागील वेळी भरून काढली. या वेळीही तीच परंपरा कायम ठेवायची आहे. आम्ही कोकणात विकासकामे केली आणि समोरचा विचारतोय काय विकास केलात? ज्याला ही विकासकामे दिसत नसतील, तोच निवडणुकीनंतर दिसेनासा होईल. या निवडणुकीत महाराष्ट्रात ३६-४० नव्हे; तर महाराष्ट्रातील ४८ मतदारसंघांतून महायुतीचे खासदार विजयी करण्याची आज शपथ घेऊया, असेही आवाहन ठाकरे यांनी या वेळी केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
