मुंबई - ‘अनेकजण शिवसेना आणि उद्धव ठाकरेला संपवायला निघाले होते, तरी ते संपले नाहीत. कारण आयुष्यात प्रामाणिकपणा विकत घेतला जाऊ शकत नाही. सर्वच माणसे पैशाने विकले जात नाहीत..गद्दार पैशाने विकले जात असतील, पण निष्ठावान विकले जाऊ शकत नाहीत,’ अशा शब्दात शिवसेनेचे (उद्धव बाळासाहेब ठाकरे) पक्षप्रमुख उद्धव ठाकरे यांनी उपमुख्यमंत्री एकनाथ शिंदे यांना लक्ष्य केले..उद्धव ठाकरे यांची शिवसेना आणि मनसे यांच्या युतीची चर्चा सुरू असतानाच शनिवारी शेतकरी क्रांती संघटना शिवसेना (उद्धव बाळासाहेब ठाकरे) पक्षात विलीन झाली. ‘मातोश्री’ येथे झालेल्या छोटेखानी सोहळ्यात संघटनेचे संस्थापक अध्यक्ष भाऊसाहेब बिलेवार यांच्यासह राज्य आणि जिल्हा पातळीवरील पदाधिकाऱ्यांनी पक्षप्रमुख उद्धव ठाकरे यांच्या उपस्थित शिवसेनेत प्रवेश केला..उद्धव ठाकरे यांनी सर्वांचे स्वागत केले. ते म्हणाले, की लाडक्या बहिणींना मोठे स्वप्न दाखवले गेले, लोक त्याला भुलले, पण आता निवडणूक झाल्यावर त्यांचा बुरखा फाटला असून त्यांचे खरे स्वरूप दिसू लागले आहे..भ्रष्टाचाराने विद्रूप झालेले यांचे चेहरे हे आता लोकांसमोर आणायचे असून यासाठी राज्यभरात आंदोलन केले जाणार आहे. यासाठी सर्वांनी पुढाकार घ्यावा, असे आवाहन त्यांनी शेतकरी क्रांती संघटनेच्या पदाधिकाऱ्यांना केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
