Maharashtra Corona Update: राज्यात १११ नवीन कोरोना रुग्णांचे निदान, मृत्यूदर १.८१ टक्के

Maharashtra Corona Update: भारतात पुन्हा एकदा कोरोना झपाट्याने पसरत आहे. महाराष्ट्रात देखील कोरोनाने पाय पसरवायला सुरुवात केली आहे.  राज्यात आज १११ नवीन कोरोना रुग्णांचे निदान झाले आगे. महाराष्ट्र सार्वजनिक आरोग्य विभागाने याबाबत माहिती दिली आहे.  

सार्वजनिक आरोग्य विभागाने दिलेल्या आकडेवारीनुसार, राज्यात १११ कोरोना रुग्ण आढळले तर १३१ रुग्ण बरे झाले आहेत. राज्यातील रुग्ण बरे होण्याचे प्रमाण ९८.१७ टक्के आहे. मृत्यूदर १.८१ टक्के एवढा आहे.

आज राज्यात १० हजार ४१५ कोविड चाचण्या झाल्या आहेत. त्यापैकी आरटीपीसीआर चाचणी १६६५ आणि आरएटी चाचणी ८७५ झाल्या आहेत. आजचा पॉझिटिव्हीटी दर १.०६ टक्के आहे.

जेएन.१ व्हेरीएंट अपडेट-

सध्या राज्यात JN.1 चे १३९ रुग्ण आहेत. तर १ जानेवारी २०२३ पासून आजपर्यंत १४१ कोरोना रुग्णाचा मृत्यू झाला आहे. यापैकी ७०.९२ टक्के रुग्ण साठ वर्षावरील आहेत. तर ८४ टक्के सहव्याधी, १६ टक्के सहव्याधी नसलेले आहेत. (Latest Marathi News)

राज्यात ९११ रुग्ण सध्या कोरोनाबाधित आहेत. यामध्ये ८७० जण गृह विलीगीकरणात आहेत. तर रुग्णालयात दाखल असलेलेल रुग्ण ४१ आहेत. १२ रुग्ण आयसीयू मध्ये उपचार घेत आहेत.