राज्यात दिवसभरात कोरोनाच्या ७८२ नव्या रुग्णांची भर; तर १४ जणांचा मृत्यू

मुंबई : आज 782 नवीन कोरोना बाधित रुग्ण (corona new patients) सापडले. करोनाबाधित रुग्णांची एकूण संख्या 66,38,071 झाली आहे. तर 14 रुग्णांचा मृत्यू (corona deaths) झाला असुन मृतांचा एकूण आकडा 1,41,149 इतका झाला आहे. राज्यातील मृत्यूदर 2.12 टक्क्यांवर पोहोचला आहे. सक्रिय रुग्णांची संख्या (corona active patients) ही कमी होऊन 7,129 इतकी आहे. 

आज 770 रुग्ण कोरोनामुक्त झाले. कोरोनातून बरे होणाऱ्या रुग्णांची संख्या 64,86,105 इतकी आहे. राज्यातील रुग्ण बरे होण्याचे प्रमाण वाढून 97.71 % एवढे झाले आहे. नागपूर,पुणे मंडळात एकाही मृत्यूची नोंद झाली नाही. तर ठाणे 5,नाशिक 2,कोल्हापूर 2,औरंगाबाद 3,लातूर 1,अकोला 1 मृत्यू नोंदवले गेले. सध्या राज्यात 79,460 व्यक्ती होमक्वारंटाईनमध्ये आहेत तर 914 व्यक्ती संस्थात्मक क्वारंटाईनमध्ये आहेत.