मुंबई : राज्यातील जवळपास ६४ लाख शेतकऱ्यांच्या बँक खात्यात २ हजार ५५५ कोटी रुपयांची विमा नुकसान भरपाई जमा होणार आहे. राज्य सरकारने विमा कंपन्यांना देय असलेला प्रलंबित राज्य हिस्सा अनुदान म्हणून २ हजार ८५२ कोटी रुपये वितरित करण्यास मान्यता दिल्याची माहिती कृषिमंत्री माणिकराव कोकाटे यांनी शुक्रवारी दिली. मात्र शेतकऱ्यांच्या खात्यामध्ये हे पैसे कधी पासून जमा होणार याची तारीख अद्याप निश्चित नाही.
