Maharashtra Female Foeticide Monitoring: कन्याभ्रूण हत्येवर लगाम : राज्य तपासणी व संनियंत्रण समितीवर आमदार स्नेहा दुबे-पंडित यांची नियुक्ती

विरार : गर्भधारणापूर्व व प्रसवपूर्व निदानतंत्र (लिंग निवड प्रतिबंध) अधिनियम, २००३ तरतुदीनुसार नोंदणीकृत सोनोग्राफी केंद्रांची तपासणी तसेच या कायद्याच्या अंमलबजावणीसाठी महाराष्ट्र शासनाच्या सार्वजनिक आरोग्य विभागाकडून मा. मंत्री , सार्वजनिक आरोग्य व कुटुंब कल्याण , महाराष्ट्र राज्य यांच्या अध्यक्षतेखाली राज्यस्तरीय तपासणी व संनियंत्रण समिती (State Inspection and Monitoring Committee) पुनर्गठित करण्यात आली आहे. या महत्त्वाच्या समितीवर वसई विधानसभेच्या आमदार सौ. स्नेहा ताई दुबे-पंडित यांची सदस्य म्हणून निवड करण्यात आली आहे.