Latest Marathi News Live Update : 'INS तारागिरी'आज भारतीय नौदलात दाखल होणार

स्टेल्थ-गाईडेड क्षेपणास्त्र फ्रिगेट 'INS तारागिरी' आज भारतीय नौदलात दाखल होईल..नाशिक : सातपूर, गंगापूर पोलिस ठाण्यांच्या हद्दीत घरफोड्या करणाऱ्या अट्टल घरफोड्याच्या मुसक्या अखेर आवळल्या आहेत. शहर गुन्हे शाखा युनिट एकच्या पथकाने अट्टल घरफोड्याच्या चौकशीतून दहा घरफोड्यांची उकल झाली असून, सुमारे १५ लाखांचा मुद्देमाल जप्त केला आहे. प्रदीप जगन्नाथ तुपे (वय ३५, रा. जेकेनवाडी, ता. खानापूर, जि. सांगली) असे अटक करण्यात आलेल्या अट्टल घरफोड्याचे नाव आहे. शहरातील घरफोड्यांचा समांतर तपास शहर गुन्हे शाखा युनिट एकचे पथक करीत होते..नाशिक : राज्याचे मुख्य सचिव राजेश अग्रवाल सिंहस्थ कुंभमेळ्याच्या कामांच्या पाहणीसाठी शुक्रवार (ता. ३)पासून तीन दिवस नाशिकमध्ये मुक्कामाला येत आहेत. नाशिक व त्र्यंबकेश्वरमधील कामांचा आढावा ते घेतील. अग्रवाल यांच्या दौऱ्यामुळे संपूर्ण शासकीय यंत्रणा कामाला लागली आहे. .कोल्हापूरमध्ये जोतिबा देवाच्या दर्शनासाठी आलेल्या एका भक्तावर काळाने घाला घातला आहे. जोतिबाचे दर्शन घेऊन गावाकडे परतत असताना पंचगंगा नदीच्या पात्रात, शिंगणापूर बंधाऱ्यावर पोहताना एका तरुणाचा बुडून मृत्यू झाला. अरुण धोंडीराम गुरव (वय ३८, रा. दुर्गमानवाड, ता. राधानगरी) असे या दुर्दैवी तरुणाचे नाव आहे..जळगाव जिल्ह्यातील मुक्ताईनगर तालुक्याला वादळी पावसाने आणि जोरदार गारपिटीने झोडपून काढले आहे. अचानक आलेल्या या नैसर्गिक संकटामुळे रब्बी पिकांसह फळबागांचे मोठ्या प्रमाणावर नुकसान झाले असून बळीराजा पुन्हा एकदा संकटात सापडला आहे..सांगली : सांगली, मिरज आणि कुपवाड शहर महापालिकेच्या आयुक्तपदी संजिता मोहपात्रा यांची नियुक्ती झाली आहे. सध्या त्या अमरावती येथे जिल्हा परिषदेच्या मुख्य कार्यकारी अधिकारीपदी कार्यरत होत्या. त्यांच्या नियुक्तीचे पत्र आज महापालिकेला प्राप्त झाले. त्या महापालिकेच्या पहिल्या महिला आयुक्त ठरणार आहेत..राधानगरी : पर्यटनासाठी आलेल्या पाच तरुणांपैकी एका तरुणाचा दूधगंगा नदीत बुडून मृत्यू झाल्याची घटना काळम्मावाडी येथे घडली. अभिषेक बाबासो कांबळे (वय २१, रा. शिराळा, जि. सांगली) असे या तरुणाचे नाव आहे. दरम्यान, अभिषेकच्या अकाली मृत्यून शिराळ्यात हळहळ व्यक्त करण्यात येत आहे. एकुलत्या एका मुलाचा मृत्यू झाल्याने कांबळे कुटुंबीयावर दुःखाचा डोंगर कोसळला आहे. रात्री उशिरा त्याच्यावर शिराळा येथे अंत्यसंस्कार करण्यात आले. त्याच्या पश्चात आई, वडील , बहीण ,आजी, दोन चुलते, चुलती असा परीवार आहे..निपाणी : यंदाच्या हंगामातील वळवाने गुरुवारी (ता. २) दुपारी तीन वाजण्याच्या सुमारास दमदार सलामी दिली. या पहिल्या पावसातच सर्वांची धावपळ उडाली. वळीव व वादळी वाऱ्याने येथील केसरकर मळ्यातील दोन घरांचे छत उडाल्याने घरातील तंबाखू, ज्वारी, कडबाकुट्टीचे नुकसान झाले आहे. निपाणीसह यमगर्णी अनेक भागांत झाडे व वीज खांब कोसळले..Latest Marathi Live Updates 03 April 2026 : राज्यात मागील तीन दिवसांत विविध ठिकाणी कोसळत असलेल्या पावसाने आजही अनेक जिल्ह्यांना चांगलेच झोडपून काढले. पश्चिम महाराष्ट्रातील पुणे, अहिल्यानगर, कोल्हापूर, सातारा, मराठवाड्यातील छत्रपती संभाजीनगर, बीड, जालना आणि उत्तर महाराष्ट्रात नाशिकमध्ये मुसळधार पाऊस कोसळला. अनेक ठिकाणी झाडे कोसळून रस्त्यांवर पडल्याने आणि सखल भागांत पाणी साचल्याने वाहतूककोंडी झाली होती. पुण्यात एका महिलेचा झाड कोसळून, बीड व सातारा जिल्ह्यांत मिळून दोन शेतकऱ्यांचा वीज कोसळून मृत्यू झाला. याशिवाय देश-राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन आणि मान्सूनविषयक अपडेट्स यांची सविस्तर माहिती एका क्लिकवर उपलब्ध आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : 'INS तारागिरी'आज भारतीय नौदलात दाखल होणार

Indian Navy Live : 'INS तारागिरी'आज भारतीय नौदलात दाखल होणार

Related Stories