Latest Marathi News Live Update: देश-विदेशासह राज्यात दिवसभरात काय घडलं? वाचा एका क्लिकवर

केंद्रीय रस्ते वाहतूक व महामार्ग मंत्री नितीन गडकरी आणि राज्याच्या पर्यावरण व पशुसंवर्धन मंत्री पंकजा मुंडे यांच्यात आज नवी दिल्लीत झालेल्या बैठकीत विदर्भ आणि मराठवाड्यातील दुग्धविकास प्रकल्पाच्या दुसऱ्या टप्प्यावर महत्त्वपूर्ण निर्णय घेण्यात आला. नॅशनल डेअरी डेव्हलपमेंट बोर्डच्या (एन डी डी बी) माध्यमातून मदर डेअरीच्या सहकार्याने हा प्रकल्प विदर्भातील ११ आणि मराठवाड्यातील ८ अशा एकूण १९ जिल्ह्यांमध्ये राबविण्यात येणार आहे. या प्रकल्पात दूध संकलन वाढवणे, दुधाळू जनावरांची संख्या वाढवणे आणि चारा लागवडीसाठी शेतकऱ्यांना प्रोत्साहन देण्यावर भर दिला जाईल, असे सांगण्यात आले.