Latest Marathi News Live Update : आमदार बापू पठारे धक्काबुक्कीप्रकरणी बंडू खांदवेसह २० जणांवर गुन्हा दाखल

मंत्रिमंडळाच्या बैठकीत पहिले जलसंपदा आणि नंतर कृषी विभागाचे नुकसान भरपाई यावर कॅबिनेटमध्ये चर्चा होत आहे. नुकसान भरपाई चे 80 टक्के आकडे आले आहेत, दहा-वीस टक्के आकडे बाकी आहेत, अशी प्रतिक्रिया महसूल मंत्री चंद्रशेखर बावनकुळे यांनी दिली..आमदार बापू पठारे यांना सार्वजनिक कार्यक्रमात धक्काबुक्की झाल्याने निर्माण झालेल्या गोंधळानंतर, त्यांच्या समर्थकावर झालेल्या मारहाणप्रकरणी बंडू खांदवे याच्यासह २० जणांवर गुन्हा दाखल करण्यात आले...याप्रकरणी शकील अजमोद्दीन शोख (वय ४६, रा. तुकारामनगर, खराडी) यांनी विमानतळ पोलिस ठाण्यात फिर्याद दिली आहे. त्यावरून पोलिसांनी राष्ट्रवादी काँग्रेसचे बंडू शहाजी खांदवे (रा. लोहगाव), शेखर मोझे, विलास खांदवे, कालिदास खांदवे, गणेश खांदवे, मेघराज खांदवे, प्रतीक खांदवे, रामेश्वर पोळ, सागर करजे, ओंकार ऊर्फ ओम्या खांदवे, हरिदास खांदवे, तुकाराम खांदवे, मंगेश खांदवे, रामदास खांदवे आणि अन्य पाच ते सहा जणांवर गुन्हा दाखल केला आहे..बेळगाव : बेळगावच्या पोलिस आयुक्तांच्या नावे बनावट फेसबुक पेज उघडल्याची माहिती पुढे आली आहे. यासंदर्भात पोलिसांनी या बनावट खात्यांवर कोणतीही माहिती शेअर करू नका, पोस्टला प्रतिक्रिया देऊ नये, असे आवाहन केले आहे. समाज माध्यमावर फसवणूक करणाऱ्या कोणत्याही खात्याशी संपर्क साधू नये, असे आवाहन केले आहे. यापूर्वी बेळगावचे जिल्हाधिकारी मोहम्मद रोशन, जिल्हा पोलिसप्रमुख भीमाशंकर गुळेद यांच्या नावे बनावट फेसबुक पेज बनविले होते. आता पोलिस आयुक्त भूषण बोरसे यांच्या नावे पेज तयार केले आहे. यामुळे सावधगिरीबाबत आवाहन करण्यात आले आहे..भिवंडी शहरातील गैबी नगर परिसरातील याह कंपाऊंड येथे पहाटेच्या सुमारास भंगार गोदामाला भीषण आग लागली. या आगीत संपूर्ण भंगार साहित्य जळून खाक झाले असून मोठ्या प्रमाणात आर्थिक नुकसान झाल्याचे समजते. आगीचे नेमके कारण अद्याप समजू शकलेले नाही. घटनेची माहिती मिळताच भिवंडी अग्निशमन दलाच्या दोन गाड्या तात्काळ घटनास्थळी दाखल झाल्या. अग्निशमन दलाच्या जवानांनी तब्बल दोन तासांच्या प्रयत्नांनंतर आगीवर नियंत्रण मिळवले..- धानी डेहरिया या 18 महिन्याच्या चिमुकलीचा मृत्यू- नागपुरातील शासकीय मेडिकल रुग्णालयात उपचारादरम्यान धानीचा मृत्यू- मध्य प्रदेशातील छिंदवाडा जिल्ह्यातून धानीला नागपुरात उपचारासाठी गंभीर स्थितीत दाखल करण्यात आले होते.- किडनी निकामी होऊन मेंदूवर सूज आल्याने धानीवर मेडिकलमध्ये उपचार सुरू होते..बेळगाव : सोशल मीडियावर सीमाप्रश्नी केलेल्या पोस्टद्वारे भावना दुखाविण्याचा प्रयत्न केल्याच्या आरोपाखाली दाखल गुन्ह्यातून महाराष्ट्र एकीकरण समितीच्या तिघा कार्यकर्त्यांची निर्दोष सुटका सोमवारी (ता. ६) झाली आहे. मारुती पुंडलिक पाटील (रा. बेनकनहळ्ळी), केदारी रामा करडी (रा. मच्छे), दत्ता येळ्ळूरकर (रा. गांधीनगर) अशी त्यांची नावे आहेत. खडेबाजार पोलिसांत २०१६ मध्ये तिघांवर गुन्हा दाखल झाला होता..बंगळूर : राज्यात २२ सप्टेंबरपासून सुरू झालेले जातीय जनगणना म्हणजेच सामाजिक, शैक्षणिक आणि आर्थिक सर्वेक्षण पूर्ण करण्यासाठी राज्य सरकारने दिलेली अंतिम मुदत आज (ता. ७) संपत आहे. मुदत संपत आली तरी सर्वेक्षण अद्याप पूर्ण झालेले नाही. राज्य मागासवर्ग आयोगाकडून करण्यात येणाऱ्या सर्वेक्षणाचा कालावधी आणखी ३-४ दिवसांनी वाढवला जाईल, हे जवळजवळ निश्चित आहे..परभणी : परभणी जिल्ह्यात सोमवारी (ता. सहा) पहाटेपासून जोरदार पावसाने हजेरी लावली. जिल्ह्यातील बारा महसूल मंडळांमध्ये अतिवृष्टीची नोंद झाली. परभणी शहरात सर्वाधिक, म्हणजे तब्बल १२१ मिलिमीटर पाऊस झाला. आठवडाभर उघडीप दिल्यानंतर अचानक झालेल्या या पावसामुळे काही भागांत पाणी साचून जनजीवन विस्कळित झाले..नवी दिल्ली : सर्वोच्च न्यायालयाचे सरन्यायाधीश भूषण गवई यांच्या दिशेने एका वकिलाकडूनच बूट फेकण्याचा प्रयत्न झाल्याची धक्कादायक घटना आज घडली. न्यायालयाचे कामकाज आज सकाळी अकराच्या सुमारास सुरू झाल्यानंतर या वकिलाने घोषणा देत थेट सरन्यायाधीशांवर हल्ल्याचा प्रयत्न केला, पण सहकारी वकिलांनी त्याला पकडून ठेवले. राकेश किशोर नावाचा हा वकील ‘सनातनचा अपमान भारत सहन करणार नाही’ असे ओरडत होता, असे प्रत्यक्षदर्शींकडून सांगण्यात आले. .बंगळूर : राज्य सरकारने दहावीच्या (एसएसएलसी) परीक्षा शुल्क वाढवण्याचा आदेश जारी केला आहे. कर्नाटक शालेय परीक्षा आणि मूल्यांकन मंडळाने २०२५-२६ या वर्षासाठी परीक्षा शुल्कात पाच टक्के वाढ केली. आदेशानुसार २०२५-२६ या वर्षात होणाऱ्या सर्व परीक्षांचे सध्याच्या शुल्कात पाच टक्के वाढवून आकारले जाईल. .Latest Marathi Live Updates 07 October 2025 : राज्यातील स्थानिक स्वराज्य संस्थेच्या निवडणुकीची घोषणा लवकरच होणार आहे. त्यामुळे प्रशासकीय पातळीवर या निवडणुकांची तयारी सुरु झाली आहे. त्यामुळे आता उत्सुकता शिगेला पोहचली आहे. सोमवारी मंत्रालयात राज्यातील 147 नगरपंचायतींच्या नगराध्यक्षपदासाठीच्या आरक्षणाची सोडत जाहीर करण्यात आली. तसेच सर्वोच्च न्यायालयाचे सरन्यायाधीश भूषण गवई यांच्या दिशेने एका वकिलाकडूनच बूट फेकण्याचा प्रयत्न झाल्याची धक्कादायक घटना घडली. बिहारमध्ये विधानसभेच्या २४३ जागांसाठी प्रथमच दोन टप्प्यांमध्ये ६ आणि ११ नोव्हेंबर रोजी निवडणूक होणार असून, १४ नोव्हेंबर रोजी मतमोजणी होऊन निकाल जाहीर करण्यात येईल. नवी दिल्लीतील सराफा बाजारात आज ९९.९ टक्के शुद्ध सोन्याचा (२४ कॅरेट) भाव प्रति दहा ग्रॅमसाठी तब्बल ९७०० रुपयांनी उसळून १ लाख ३० हजार ३०० रुपयांच्या सार्वकालिक उच्चांकावर पोहोचला. कर्नाटक राज्यात २२ सप्टेंबरपासून सुरू झालेले जातीय जनगणना म्हणजेच सामाजिक, शैक्षणिक आणि आर्थिक सर्वेक्षण पूर्ण करण्यासाठी राज्य सरकारने दिलेली अंतिम मुदत आज (ता. ७) संपत आहे. मुदत संपत आली तरी सर्वेक्षण अद्याप पूर्ण झालेले नाही. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : आमदार बापू पठारे धक्काबुक्कीप्रकरणी बंडू खांदवेसह २० जणांवर गुन्हा दाखल

Maharashtra Live : शेतकऱ्याच्या नुकसान भरपाई यावर कॅबिनेटमध्ये चर्चा - चंद्रशेखर बावनकुळे

Related Stories