नाशिकमधील धर्मांतर प्रकरणातील मुख्य आरोपी निदा खान ही गेल्या चार दिवसांपासून छत्रपती संभाजीनगरातील नारेगाव परिसरातील कैसर कॉलनी येथील एका घरात राहत असल्याची माहिती समोर आली आहे. पोलिसांनी गेल्या दोन दिवसांपासून तिच्यावर गुप्तपणे नजर ठेवली होती. एक मेपासून ती या परिसरात वास्तव्यास असल्याची माहिती पोलिसांकडे होती. मात्र परिसरातील नागरिकांना किंवा आजूबाजूच्या रहिवाशांना याची कोणतीही कल्पना नव्हती. निदा खान ही तिच्या आई-वडिलांसह भाऊ आणि मावशीसोबत त्या घरात राहत होती. साध्या वेशातील जवळपास वीस पोलिसांनी गुप्त रेकी करत काल संध्याकाळी तिला अटक केली. ती ज्या घरात राहत होती ते घर नेमके कोणाचे आहे, याबाबत पोलिसांनी अद्याप कोणतीही अधिकृत माहिती दिलेली नाही.
