Latest Maharashtra News Updates : यूपी आर्थिक गुन्हे शाखेकडून गुरनाम सिंगला अटक

पर्ल्स अॅग्रोटेक कॉर्पोरेशन लिमिटेडचे संचालक गुरनाम सिंग यांना पंजाबमधील रोपार येथे अटक करण्यात आली असून, ही कारवाई उत्तर प्रदेश आर्थिक गुन्हे शाखेने (EOW) केली आहे..पनवेलमध्ये उभारले जाणार दोन आधुनिक बहुमजली पार्किंग सुविधा. वाहतूक कोंडी कमी करण्यासाठी पालिकेचा बहुउद्देशीय प्रकल्प राबवणार..शिवसेना आमदार संजय गायकवाड यांच्या विरोधात पुणे पोलिसात तक्रार दाखल करण्यात आली आहे. जर कॅन्टीन मध्ये एवढं निकृष्ट अन्न त्यांना मिळाला आहे तर मतदार संघात ज्या पद्धतीने घाणीचे साम्राज्य पाहायला मिळते तर प्रत्येक मतदारांनी येऊन संजय गायकवाड यांना माराव असं चेतन पवार हे म्हटले आहेत..पुणे महापालिकेच खड्डा बुजवायला सुरुवात, ट्रक बाहेर काढला. साम टीव्हीच्या बातमीची दखल घेत मनपा प्रशासनाने खड्डे बुजवायला केली सुरुवात असून खड्ड्यात फसलेला ट्रक बाहेर काढला आहे..घनसावंगी तालुक्यात मार्च 2025 मध्ये एकात्मीक बालविकास सेवा योजनेतंर्गत करण्यात येणार्या अंगणवाडी सेविका व मदतनीस भरतीमध्ये पात्र उमेदवारांऐवजी अपात्र उमेदवारांची नियुक्ती प्रकरण विधानसभेत आमदार डॉ. हिकमत उढाण यांनी लक्षवेधी प्रश्न उपस्थित करून दोषी वर कारवाई ची केली मागणी केली..इचलकरंजीत सांस्कृतीक व सेवाभावी संस्थेच्या नावाखाली सुरु असलेल्या ५२ पत्त्याच्या तीन पानी जुगार अड्ड्यावर गावभाग पोलिसांनी कारवाई केली. यामध्ये जुगार खेळणा-या तब्बल ३० जणांना ताब्यात घेतले. विशेष म्हणजे यातील आठजणांवर यापूर्वीही जुगाराचे गुन्हे पोलीस दप्तरी नोंद आहेत. या कारवाईत एक लाखाहून अधिक मुद्देमाल जप्त करण्यात आला आहे. इचलकरंजीतील अत्यंत वर्दळीचा भाग असलेल्या थोरात चौक परिसरात ही कारवाई करण्यात आली आहे..आमदार संजय गायकवाड यांच्यावर निकृष्ट जेवणाच्या कारणावरून कॅन्टीन चालकाला मारहाण केल्याचा आरोप; घटनेचा व्हिडिओ सोशल मीडियावर व्हायरल.युवक अध्यक्ष चेतन पवार यांनी पुणे पोलिसांकडे तक्रार दाखल केली; कायद्याचे उल्लंघन केल्याचा आरोप.कोल्हापुरात AIMIM पदाधिकाऱ्यांची आढावा बैठक; महापालिका व नगरपालिका निवडणुकांसाठी तयारी सुरू. पक्षप्रमुख असदुद्दीन ओवैसी यांची जाहीर सभा आणि कार्यकर्ता मेळावाही लवकरच होणार..नाशिक-मुंबई महामार्गावर सिमेंट पावडरचा कंटेनर इको गाडीवर कोसळल्याने गाडी दाबली गेली. या अपघातात दोन महिला आणि दोन पुरुषांचा जागीच दुर्दैवी मृत्यू झाला..बहादरपूर मंडळासह तालुक्यात गेल्या पाच-सहा दिवसापासून समाधानकारक पाऊस झाल्याने पिकांची वाढ चांगली होत आहे. त्यातच यावर्षी कापूस पिकापेक्षा मका या पिकाला शेतकऱ्यांनी प्राधान्य दिल्याने आजच्या घडीला शेतात मक्याची झालेली वाढ पाहता शेतात पिकांनी हिरवा शालू परिधान केल्याचे दिसून येते. .मोकाट जनावरांमुळे कळवण येथे झालेल्या हल्ल्यात एका ज्येष्ठ नागरिकाच्या हृदयद्रावक मृत्यूची घटना घडल्याने शहरातील मोकाट जनावरांना पकडून कोंडवाड्यात टाकण्याची मोहीम नामपूर ग्रामपंचायतीने हाती घेतली आहे. .एका तरुणाने लग्नाचे आमिष दाखवून वेळोवेळी तरुणीशी शारीरिक संबंध प्रस्थापित केले. नंतर जेव्हा तरुणी गर्भवती राहिल्यानंतर तिच्या नकळत रबडीमध्ये गर्भपाताची गोळी मिसळवून जबरदस्तीने गर्भपात केल्याचा धक्कादायक प्रकार हिंजवडी मधून समोर आला आहे. आदर्श मेश्राम असे आरोपीचे नाव असून, एका 28 वर्षीय तरुणीने हिंजवडी पोलिस ठाण्यात फिर्याद दिली आहे..महाराष्ट्राचा गौरव आणि अभिमान असलेला गणेशोत्सव राज्य सरकार राज्य महोत्सव म्हणून घोषित करेल - सांस्कृतिक कार्यमंत्री आशिष शेलार यांची विधानसभेत घोषणा.भारतीय जनता पार्टीच्या महाराष्ट्र राज्य परिषदेवर विक्रम देशमुख यांची निवड करण्यात आली आहे. देशमुख यांनी ३० वर्षाहून अधिक काळ भाजपमध्ये सक्रीय राजकारण केले आहे. भाजप युवा मोर्चाच्य प्रदेश सरचिटणीसपदाची धुरा अतिशय समर्थपणे सांभाळली आहे.शहराध्यक्ष, जिल्हाध्यक्ष, लोकसभा निवडणूकप्रमुख अशा पदांना न्याय दिला आहे. यासोबत इतर राज्यातही पक्षाने दिलेल्या विविध जबाबदाऱ्या सक्षमपणे पार पाडल्या आहेत. त्यांच्या या निवडीबद्दल मुख्यमंत्री देवेंद्र फडणवीस, नूतन प्रदेशाध्यक्ष रविंद्र चव्हाण, भाजपा शहराध्यक्षा रोहिणी तडवळकर, जिल्हाध्यक्ष शशिकांत थोरात (पूर्व), चेतनसिंह केदार (पश्चिम) यांनी अभिनंदन केले आहे. .शहापूर शाळेतील प्रकरणाचे विधीमंडळात पडसाद उमटले आहेत.गोसेखुर्द धरणाचे दरवाजे उघडल्यामुळे वैनगंगेला आलेल्या पुरामुळे ब्रह्मपुरी तालुक्यासह जिल्ह्यातील ३३ गावांमध्ये पूरस्थिती ३० घरे आणि गोठ्यांचे नुकसान, २३ गावांचे संपर्कमार्ग बंद.मुंबई-गोवा महामार्गावरील रत्नागिरी ते संगमेश्वरदरम्यानचा प्रवास धोकादायक बनला आहे.डोंगर उत्खननाच्या ठिकाणी संरक्षक भिंती नसल्यामुळे दरड कोसळण्याचा मोठा धोका निर्माण झाला आहे.अनेक ठिकाणी अवघड वळणांवरही संरक्षक उपाययोजना नसल्याने वाहनचालकांना जीव मुठीत धरून प्रवास करावा लागत आहे.विशेषतः संगमेश्वरहून गोव्याच्या दिशेने जाणाऱ्या मार्गिकेवर दरडी कोसळण्याचा धोका अधिक असल्याचे निदर्शनास आले आहे.संरक्षक भिंतींचा अभाव असल्याने कधीही दरड कोसळून ती थेट रस्त्यावर येऊ शकते, ज्याचा थेट परिणाम महामार्गावरील वाहतूकीवर होऊ शकतो..पुण्यात सध्या ठिकठिकाणी अतिक्रमण विभागाची कारवाई सुरू आहे. अनधिकृत बांधकाम तसेच अतिक्रमण केलेल्या बांधकामांवर महापालिकेने कारवाईचा बडगा उगारला आहे. याचाच एक भाग म्हणून पुण्यातील प्रसिद्ध सारसबाग येथील असलेल्या चौपाटीवर महापालिकेच्या अतिक्रमण विभागाने कारवाई केलीय. सारसबागेच्या बाहेरील बाजूस मोठ्या प्रमाणावर खाद्यपदार्थांचे मोठे दुकानं आहेत. बाग फिरून आल्यावर बहुतांश जणं इथेच येऊन पावभाजी, पुलाव, आइस्क्रीम यासारख्या फास्ट फूड चा आनंद लुटतात. या ठिकाणी येणाऱ्या नागरिकांना बसण्यासाठी याठिकाणच्या स्टॉल धारकांनी शेड टाकल्या होत्या. कारवाईच्या दरम्यान पालिकेने या सगळ्या शेड आता काढून टाकल्या आहेत..गेल्या २४ तासांपासून सुरू असलेल्या अतिवृष्टीमुळे अमरावती जिल्ह्यात शेती आणि घरांचे मोठ्या प्रमाणावर नुकसान झाले आहे.सुमारे ५५० हेक्टर क्षेत्रातील पिकांचे नुकसान झाले असून त्यापैकी ४४१ हेक्टर शेती पूर्णपणे खरडून गेली आहे.मोर्शी तालुक्यातील हिवरखेड गावात घराची भिंत कोसळून ३ वर्षीय बालक स्वरूप गांजरे याचा मृत्यू झाला, तर त्याच कुटुंबातील ३९ वर्षीय महिला रेखा गांजरे या गंभीर जखमी झाल्या आहेत.या पावसामुळे ५५ घरे कोसळली असून, जिल्ह्यात गेल्या तीन दिवसांपासून पावसाची संततधार सुरूच आहे..कल्याण-डोंबिवली परिसरात डेंगू आणि मलेरियाचे रुग्ण सातत्याने वाढत असून ही स्थिती चिंताजनक बनत आहे. मे महिन्यापासून आतापर्यंत डेंगूचे ३५ रुग्ण आढळले आहेत. तर, फक्त जूनमध्ये ४१ आणि जुलैच्या पहिल्या आठवड्यातच १८ मलेरियाचे रुग्ण नोंदवले गेले आहेत.केडीएमसीचा आरोग्य विभाग घराघरात सर्वेक्षण, औषध फवारणी यांसारखे विविध प्रतिबंधात्मक उपाय करत आहे. नागरिकांनीही काळजी घेऊन सतर्क राहावे, असे आवाहन आरोग्य विभागाकडून करण्यात आले आहे..नागपूरच्या कामठी ते न्यू कामठी दरम्यान नव्याने उभारण्यात आलेल्या उड्डाण पुलात उद्घाटनाआधीच खड्डे पडल्याने खळबळ उडाली आहे. रविवारी झालेल्या पावसात या पुलाच्या रस्त्यावर खड्डे पडले आणि त्याचे व्हिडिओ सोशल मीडियावर मोठ्या प्रमाणात व्हायरल झाले. या घटनेमुळे पुलाच्या दर्जाबाबत गंभीर प्रश्न निर्माण झाले असून, नागरिकांच्या सुरक्षेचा मुद्दा ऐरणीवर आला आहे. जर उद्घाटन होऊन वाहतूक सुरू झाली असती, तर मोठी दुर्घटना घडली असती, अशी चिंता व्यक्त होत आहे. खड्ड्यांच्या पार्श्वभूमीवर सार्वजनिक बांधकाम विभागाने दुरुस्तीचे काम सुरू केल्याची माहिती मिळत आहे. या पुलावर वापरलेल्या फ्लायर्स घसरल्यामुळे खड्डे पडल्याचे वरिष्ठ अधिकाऱ्यांनी स्पष्ट केले आहे. या प्रकरणाची चौकशी करून तज्ज्ञांकडून मत घेण्यात येणार असून, त्यानुसार आवश्यक बदल आणि देखभाल दुरुस्ती तातडीने करण्यात येणार असल्याची माहिती सार्वजनिक बांधकाम विभागाकडून देण्यात आली आहे..धनगर समाजातील विद्यार्थ्यांसाठी सुरू करण्यात आलेली यशवंत विद्यार्थी योजना सध्या केवळ कागदावरच अस्तित्वात असल्याचे धक्कादायक वास्तव समोर आले आहे. गोरगरीब धनगर विद्यार्थ्यांना दर्जेदार इंग्रजी शिक्षण आणि वसतिगृह सुविधा मिळावी यासाठी ही योजना आणण्यात आली होती. मात्र प्रत्यक्षात प्रत्येक विद्यार्थ्यांमागे तब्बल ७० हजार रुपये उचलले गेल्याचे निदर्शनास आले असून, त्याचा कोणताही लाभ विद्यार्थ्यांपर्यंत पोहोचलेला नाही. परिणामी, धनगर समाजाची मोठी फसवणूक झाल्याचा आरोप होत आहे. योजनेअंतर्गत नामांकित इंग्रजी शाळांमध्ये दाखल केलेल्या विद्यार्थ्यांना योग्य सुविधा मिळाल्याचा ठोस पुरावा नाही. त्यामुळे राज्यातील अशा शाळांची आणि योजनेच्या अंमलबजावणी प्रक्रियेची सखोल चौकशी करण्याची गरज निर्माण झाली आहे. आता समाज कल्याण विभाग याबाबत काय पावले उचलतो, याकडे सर्वांचे लक्ष लागले आहे.. धुळे शहरातील गल्ली नंबर चार येथे दोघेजण मुलींची छेड काढणाऱ्यांना शिवसेनेच्या पदाधिकाऱ्यांनी चोप दिला. शिवसैनिकांना दोघांकडून मुलींची छेड काढली जात असल्याची माहिती समजली. शिंदे गट शिवसेनेचे पदाधिकारी घटनास्थळी पोहचले तेव्हा रोड रोमिओ घटनास्थळावरून झाले होते. शिवसैनिकांनी त्यांचा शोध घेत त्यांना गली नंबर चार येथेच चोप दिला. यानंतर दोघांना पोलिसांच्या स्वाधीन करण्यात आलं..नाशिकमध्ये पावसाचा जोर कमी झाला असून गंगापूर धरणातून पाण्याचा विसर्ग कमी करण्यात आलाय. सद्यस्थितीत गंगापूर धरणातून १७६४ क्यूसेक वेगानं गोदावरी नदी पात्रात पाण्याचा विसर्ग होत आहे. दुतोंड्या मारुतीच्या पायापर्यंत आलं आहे. तर गोदावरीच्या पाणी पातळीत घट झालीय. मात्र रामकुंड आणि गोदाघाटावरील मंदिरांना पुराच्या पाण्याचा वेढा कायम आहे..धुळ्यात माजी सैनिकाला मारहाणीची घटना घडलीय. धुळे मनपा कार्यालयात घडलेल्या या घटनेनंतर संताप व्यक्त केला जात आहे..जालन्यात चक्क बँकेतून दोन लाख तीस हजार रुपयांची बॅग दोन चोरट्यांनी पळवल्याची घटना घडली आहे. बँकेत पैसे भरत असताना बाजूला ठेवलेली दोन लाख तीस हजार रुपयांची बॅक दोन अज्ञात चोरट्यांनी बँकेतून चोरून नेली आहे. जालन्यातील अंबड येथील एसबीआय बँकेत काल दुपारच्या सुमारास ही घटना घडली असून चोरीची संपूर्ण घटना सीसीटीव्ही कॅमेरामध्ये कैद झाली आहे. .जळगाव : बियाणे आणि खतांची साठवणूक करणाऱ्या जिल्ह्यातील ५ कृषी केंद्रांचे परवाने कृषी विभागाने बुधवारी निलंबित केले आहेत. निलंबित परवानाधारकांमध्ये चोपडा तालुक्यातील २, चाळीसगाव, बोदवड व भुसावळच्या प्रत्येकी एका कृषी केंद्रचालकाचा समावेश आहे..कोल्हापूर : पत्नीसोबत घटस्फोट घेऊन लग्न करूया, असे सांगत तरुणीवर आठ वर्षांपासून अत्याचार करणाऱ्या योगेश प्रफुल्ल जाधव (वय ३७) याला शाहूपुरी पोलिसांनी अटक केली. याबाबत पीडित तरुणीने फिर्याद दाखल केली होती. संशयित योगेश जाधवची आठ वर्षांपासून पीडित तरुणीशी ओळख आहे. ‘मी पत्नीसोबत घटस्फोट घेणार असून, तुझ्यासोबत लग्न करणार आहे’ असे सांगून एका रिसॉर्टवर नेले. तिला लग्नाचे आमिष दाखवत वारंवार अत्याचार केले. आपण तीन महिन्यांची गर्भवती असल्याचे पीडितेने त्याला सांगताच तिला शिवागाळ केली. पीडितेच्या फिर्यादीवरून पोलिसांनी संशयिताला अटक केली..कोल्हापूर : भाजपच्या कोल्हापूर ग्रामीण जिल्ह्यातून राज्य परिषदेसाठी १० जणांची निवड करण्यात आली. यामध्ये खासदार धनंजय महाडिक, माजी मंत्री प्रकाश आवाडे, माजी आमदार सुरेश हाळवणकर यांचा समावेश आहे, अशी माहिती जिल्हाध्यक्ष नाथाजी पाटील यांनी दिली. प्रत्येक विधानसभा क्षेत्रातून एक राज्य परिषद सदस्य निवडला जातो. मुख्यमंत्री देवेंद्र फडणवीस, चंद्रशेखर बावनकुळे, प्रदेशाध्यक्ष रवींद्र चव्हाण, उच्च व तंत्र शिक्षण मंत्री चंद्रकांत पाटील यांच्या शिफारशीतून नियुक्त्या झाल्या. .गोकाक/यमकनमर्डी : येथून जवळच असणाऱ्या हिडकल (ता. हुक्केरी) येथील राजा लखमगौडा धरणात ८५ टक्के पाणीसाठा झाला आहे. धरणात वाहून येत असलेले पाणी लक्षात घेता बुधवारी (ता. ९) सायंकाळी पाच वाजता धरणातून नदी पात्रता पाच हजार क्युसेक पाणी सोडण्यास सुरुवात केली आहे..भंडारा, चंद्रपूर, गडचिरोली, गोंदियासह नागपूरमध्ये जोरदार पाऊस सुरु आहे. याच पार्श्वभूमीवर आज शाळांना सुट्टी जाहीर करण्यात आली आहे. या पाच जिल्ह्यांत आज ऑरेंज अलर्ट दाखवत आहे..पुणे : पाचवी आणि आठवीच्या शिष्यवृत्ती परीक्षेचा निकाल जाहीर झाला आहे. विद्यार्थ्यांच्या गुणवत्ता याद्या बुधवार रात्री आठ वाजता जाहीर करण्यात आल्या. परिषदेच्या 'www.mscepune.in' व 'https://puppssmsce.in' या संकेतस्थळावर निकाल जाहीर करण्यात आला. इयत्ता पाचवीच्या शिष्यवृत्ती परीक्षेत एक लाख ३० हजार ८४६ विद्यार्थी शिष्यवृत्तीस पात्र असून त्यातील १६ हजार ६९३ विद्यार्थी शिष्यवृत्तीधारक ठरले..कोल्हापूर : जिल्ह्यात धरणक्षेत्राचा अपवाद वगळता पावसाने उघडीप दिली. त्यामुळे नदीच्या पाणी पातळीत एक फुटाने घट झाली. आज सकाळी ८ वाजता राजाराम बंधारा येथे पाणी पातळी ३० फूट १ इंच होती. रात्री ९ वाजता ती २९ फुटांवर आली. जिल्ह्यातील सर्व धरणे ८० टक्क्यांपेक्षा जास्त भरली आहेत. ४८ बंधारे पाण्याखाली आहेत. जिल्ह्यात २४ तासांत सरासरी १२.५ मिमी पाऊस पडला..Latest Marathi Live Updates 10 July 2025 : राज्यातील धारण जमिनींचे तुकडे पाडण्यास प्रतिबंध करणारा कायदा रद्द करण्याचा निर्णय महसूलमंत्री चंद्रशेखर बावनकुळे यांनी विधानसभेत जाहीर केला. त्याचबरोबर येत्या पंधरा दिवसांत आदर्श कार्यप्रणाली तयार करण्यात येणार आहे. तसेच अहमदाबादमध्ये १२ जून रोजी एअर इंडियाच्या विमानाच्या (एआय-१७१) झालेल्या अपघाताचा प्राथमिक अहवाल अद्याप संसदीय समितीला सादर केला नसल्याचे विमान अपघात तपास प्राधिकरणाने (एएआयबी) स्पष्ट केले आहे. देशभरातील दहा प्रमुख केंद्रीय कामगार संघटनांनी पुकारलेल्या भारत बंदला राज्यासह अन्यत्र संमिश्र प्रतिसाद मिळाला. राष्ट्रीय राजधानी दिल्लीमध्ये बॅंका, विमा कार्यालयांसमोर झालेली निदर्शने वगळता या बंदचा फारसा परिणाम दिसून आला नाही. कोल्हापूर जिल्ह्यात धरणक्षेत्राचा अपवाद वगळता पावसाने उघडीप दिली. त्यामुळे नदीच्या पाणी पातळीत एक फुटाने घट झाली. नृसिंहवाडी येथे आज होणाऱ्या गुरुपौर्णिमेच्या पार्श्वभूमीवर ग्रामपंचायत व दत्त देवस्थानतर्फे उत्सवाची तयारी पूर्ण झाली आहे. बेळगाव शहरातील जोशी मळा, खासबाग परिसरात अत्यंत हृदयद्रावक घटना बुधवारी घडली. एकाच कुटुंबातील चार सदस्यांनी विष पिऊन आत्महत्या करण्याचा प्रयत्न केल्याने परिसरात खळबळ उडाली आहे. उपमुख्यमंत्री डी. के. शिवकुमार यांनी बुधवारी काँग्रेसच्या ज्येष्ठ नेत्या प्रियांका गांधी यांची नवी दिल्लीत त्यांच्या निवासस्थानी भेट घेतली. यामुळे राज्यात नेतृत्व बदलाच्या अटकळींना वेग आला. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Maharashtra News Updates : यूपी आर्थिक गुन्हे शाखेकडून गुरनाम सिंगला अटक

यूपी आर्थिक गुन्हे शाखेकडून गुरनाम सिंगला अटक

Related Stories