Latest Marathi News Live Update : कोर्टात सुनावणीला सातत्याने गैरहजर राहिल्यामुळे बच्चू कडू यांच्याविरुद्ध अटक वॉरंट जारी

जालना शहरातील भोकरदन नाका परिसरात चार ते पाच जणांच्या टोळक्याने दोन तरुणांना बेदम मारहाण केल्याचा व्हिडिओ समोर आलाय. रात्री साडेनऊच्या सुमारास दुचाकीची किरकोळ धडक बसल्याच्या कारणावरून या टोळक्याने लाठ्या-काठ्यांनी तसेच दगडाने दोन जणांना मारहाण केली. या घटनेत दोनजण जखमी झाले असून त्यांच्यावर जिल्हा रुग्णालयात उपचार सुरू आहेत..आज सकाळी 11 वाजता मनसे अध्यक्ष राज ठाकरे ठाणे कोर्टात हजर राहणार आहेत. 2022 मध्ये एका सभेदरम्यान राज ठाकरे यांनी ठाण्यात तलवार म्यानातून बाहेर काढली होती. या कारणामुळे त्यांच्यावर नौपाडा पोलिस स्थानकात गुन्हा नोंदवण्यात आला होता. त्यानंतर राज ठाकरे यांच्यासह नेते अविनाश जाधव शहराध्यक्ष रवींद्र मोरे यांच्यावर देखील गुन्हा दाखल करण्यात आला होता. कोर्टात जाण्यापूर्वी राज ठाकरे सकाळी दहा वाजता शासकीय विश्रामगृह येथे उपस्थित राहणार आहेत..बच्चू कडू व त्यांच्या कार्यकर्त्यांनी 2018 मध्ये गोसेखुर्द प्रकल्पग्रस्तांसाठी नागपूरच्या आमदार निवास परिसरात आंदोलन केले होते. त्यामुळे सीताबर्डी पोलिसांनी कडू यांच्यासह दहा आरोपीविरुद्ध कलमाअंतर्गत एफआयआर नोंदविला होता. प्रकरणाच्या तपासानंतर सत्र न्यायालयात कडू यांच्या विरोधात खटला दाखल केला होता. त्या खटल्यावरील सुनावणीला सातत्याने गैरहजर राहिल्यामुळे कडू यांच्याविरुद्ध अटक वॉरंट जारी करण्यात आला आहे..दापोली : दापोलीत थंडी वाढली असून बुधवारी पहाटे किमान तापमान ७.२ अंश सेल्सिअसइतके नोंदले गेले. डॉ. बाळासाहेब सावंत कोकण कृषी विद्यापीठाच्या नोंदीनुसार यंदाच्या हंगामातील हे सर्वात नीचांकी तापमान ठरले आहे. विशेष म्हणजे, गेल्या वर्षी १७ डिसेंबर २०२४ ला पारा ७.८ अंश सेल्सिअसइतका उतरला होता; मात्र यंदाचा गारठा त्याही विक्रमाला मागे टाकत अधिक तीव्र झाला आहे. किनारपट्टी भागात थंडी थोडी विरळ असली तरी दापोलीत मात्र पहाटे अक्षरशः धुक्यासह गारठा पसरला होता. .मुल्लानपूर (न्यू चंडीगड) : कटकमधील पहिल्या सामन्यात दणदणीत विजय मिळवल्यानंतर भारतीय संघ उद्या होणाऱ्या दुसऱ्या टी-२० सामन्यास अधिक आत्मविश्वासाने सामोरे जाईल, पण त्याचा फायदा कर्णधार आणि उपकर्णधार अनुक्रमे सूर्यकुमार यादव आणि शुभमन गिल कसा घेतात, हे येणाऱ्या टी-२० विश्वकरंडक स्पर्धेसाठी महत्त्वाचे ठरणार आहे..Latest Marathi Live Updates 11 December 2025 : ‘‘निवडणूक आयोगाला मतदारयाद्यांच्या फेरपडताळणीचा कायदेशीर आणि घटनात्मक अधिकार आहे, घुसखोरांना शोधणे, मतदारयादीतून त्यांना बाहेर काढणे आणि देशाबाहेर काढणे यासाठीच ही पडताळणीची प्रक्रिया सुरू आहे,’’ अशा शब्दांत गृहमंत्री अमित शहा यांनी संसदेत तिचे समर्थन केले. तसेच कटकमधील पहिल्या सामन्यात दणदणीत विजय मिळवल्यानंतर भारतीय संघ आज होणाऱ्या दुसऱ्या टी-२० सामन्यास अधिक आत्मविश्वासाने सामोरे जाईल, पण त्याचा फायदा कर्णधार आणि उपकर्णधार अनुक्रमे सूर्यकुमार यादव आणि शुभमन गिल कसा घेतात, हे येणाऱ्या टी-२० विश्वकरंडक स्पर्धेसाठी महत्त्वाचे ठरणार आहे. जिल्हा परिषदा आणि महानगरपालिकांच्या निवडणुकांमध्ये महायुतीची एकजूट कायम राहणार आहे. आम्ही ५१ टक्के मतांचा आकडा गाठून विजय मिळवण्याचे ध्येय ठेवले आहे. या निवडणुका महायुती एकत्रच लढणार, अशी घोषणा महसूलमंत्री व स्थानिक स्वराज्य संस्था भाजप निवडणूक प्रभारी चंद्रशेखर बावनकुळे यांनी केली. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : कोर्टात सुनावणीला सातत्याने गैरहजर राहिल्यामुळे बच्चू कडू यांच्याविरुद्ध अटक वॉरंट जारी

Jalna News : जालन्यातील भोकरदन नाका परिसरात टोळक्याची लाठ्या-काठ्यांनी बेदम मारहाण