Latest Maharashtra News Updates: दिवसभरातील महत्त्वाच्या घडामोडी वाचा एका क्लिकवर...

उपमुख्यमंत्री एकनाथ शिंदे हे मुख्यमंत्री देवेंद्र फडणवीस यांच्या भेटीसाठी सागर बंगल्यावर दाखल झाले आहेत. मंत्रिमंडळ विस्तारासंदर्भात उभय नेत्यांमध्ये चर्चा होण्याची शक्यता आहे..मुंबई आंतरराष्ट्रीय विमानतळावरून १२ किलो सोन जप्त डीजेच्या लाईटमध्ये लपवून सुरू होती सोन्याची तस्करी गोपनीय माहितीच्या आधारावर महसूल गुप्तवार्ता संचालनालयाची (DRI) कारवाई दोघांना करण्यात आली अटक ९.६ कोटी रुपयांच सोनं करण्यात आलं जप्त.चंद्रशेखर बावनकुळे आणि एकनाथ शिंदे यांच्या ४० मिनिट बैठकीनंतर एकनाथ शिंदे मुख्यमंत्री देवेंद्र फडणवीस यांची भेट घेणार असल्याची माहिती मिळाली आहे..राज्यसभेच्या भाजप खासदारांना 3 ओळींचा व्हीप जारी16 आणि 17 डिसेंबरला राज्यसभेत उपस्थित राहण्यासाठी व्हीप जारीया दोन दिवशी राज्यसभेत संविधनावर होणार आहे विशेष चर्चा.राज्यसभेच्या खासदार सुनेत्रा पवार यांना दिल्लीत सरकारी निवासस्थान मिळालंआता सुनेत्रा पवार यांचा दिल्लीतील पत्ता 11 जनपथ असणारविशेष म्हणजे शरद पवार यांच्या निवासस्थानाच्या अगदी जवळच सुनेत्रा पवार यांचं घर.कुर्ला बेस्ट अपघातानंतर सर्वत्र तीव्र असे पडसाद पाहायला मिळाल्यानंतर आज भीम आर्मी कडून कुर्ला बेस्ट आगार येथे आंदोलन करण्यात आले. बस अपघात झालेल्या पिढीताना न्याय मिळावा आणि फक्त बेस्ट चालक वर गुन्हा दाखल न होता बेस्ट व्यवस्थापक प्रशासक बीएमसी अधिकारी ठेकेदार या सर्वांवर गुन्हा दाखल व्हावा. सरकारने प्रत्येक कुटुंबाला एक कोटी आणि सरकारी नोकरी देण्यात यावी. जखमी झालेल्यांना दहा लाख रुपये मदत देण्यात यावी अशी मागणी भीम आर्मी करून करण्यात आली आहे..आयपीएस अधिकारी असल्याची बतावणी करुन शासकीय नोकरी लावण्याचे आमिष दाखवून दोन युवकांची ७ लाख ७१ हजार ५०० रुपयांची फसवणूक केल्याप्रकरणी वालचंदनगर पोलिसांनी तोतया आयपीएस अधिकाऱ्याला अटक केली. .- पंतप्रधान पिक विमा योजनेअंतर्गत राज्यात 11 डिसेंबरपर्यंत 41 लाख अर्ज दाखल झाले आहेत- रब्बी हंगामातील गहू हरभरा आणि कांदा पिकासाठी या योजनेत भाग घेण्याची मुदत 15 डिसेंबर पर्यंत आहे. त्यामुळे अद्याप या योजनेत सहभागी न झालेल्या शेतकऱ्यांना योजनेचा लाभ घेण्याचे आवाहन कृषी आयुक्तालयामार्फत करण्यात आलंय.- तर उन्हाळी भात उन्हाळी भुईमूग या पिकांसाठी ही मुदत 31 मार्च 2025 पर्यंत आहे. गेल्या वर्षी रब्बी हंगाम 2023-24 मध्ये पीक योजनेत सुमारे 71 लाख पीक अर्ज आले होते आत्ता चालू वर्षी 11 डिसेंबर पर्यंत राज्यात 41 लाख विम अर्ज दाखल झाले आहेत.www.pmfby.gov.in विमा योजनेत भाग घेण्यासाठी कार्यान्वित आहे.बांगलादेशातल्या हिंदू आणि इतर अल्पसंख्यक समुदायांच्या सुरक्षिततेसाठी बांग्लादेश सरकारनं उपाययोजना कराव्यात.सुप्रसिद्ध व्यंगचित्रकार आणि ख्यातनाम काष्ठशिल्पकार प्रा. मनोहर सप्रे यांचे निधन झाले आहे. चंद्रपुरात त्यांच्या शास्त्रीनगर येथील राहत्या घरी वयाच्या 90 व्या वर्षी वृद्धापकाळाने झाले निधन झाले आहे. या दु:खद घटनेने मराठी-इंग्रजी माध्यमातील रेखाचित्रांचा अनुभवी साधक हरपला आहे. .अभिनेता अल्लू अर्जुनला आज (13 डिसेंबर) हैदराबाद पोलिसांनी अटक केली आहे. अल्लूचा वैयक्तिक अंगरक्षक संतोष यालाही पोलिसांनी अटक केली आहे. पुष्पा 2 च्या प्रीमियरच्या वेळी झालेल्या चेंगराचेंगरीत एका महिलेचा मृत्यू झाल्याप्रकरणी अल्लु अर्जुनविरोधात गुन्हा दाखल करण्यात आला आहे. 4 डिसेंबर रोजी हैदराबादच्या संध्या थिएटरमध्ये न सांगता पोहोचल्याचा आरोप त्याच्यावर आहे. त्यामुळे तेथे मोठी गर्दी झाली होती..आमदार झाल्यानंतर स्वतःमध्ये कुठलाही बदल करणार नसून तुमची पहिली जी ताई आहे तीच राहणार आहे. त्यामुळे स्वतःहत नाहीत तर मतदार संघात विकास कामातून बदल करणार असल्याचे प्रतिपादन आमदार अनुराधा चव्हाण यांनी केले. फुलंब्री येथील हॉटेल ऑरेंज फ्लाग येथे फुलंब्री तालुक्याच्या वतीने नवनिर्वाचित आमदारा अनुराधा चव्हाण यांचा नागरी सत्कार करण्यात आला. त्यावेळी त्या बोलत होते..महाकुंभ दरम्यान 15,000 हून अधिक स्वच्छता कर्मचारी स्वच्छतेची काळजी घेतील. पंतप्रधान नरेंद्र मोदी म्हणतात..देशात ट्रिलियन डॉलर्स अर्थव्यवस्थेचं पहिलं राज्य महाराष्ट्र बनेल, वेगवान विकासाचे बदललेले परिमाण लक्षात घेता ट्रिलियन डॉलर्स अर्थव्यवस्थेचं उद्दिष्ट २०२८ ते २०३० दरम्यान गाठता येईल, येत्या काळात मुंबई फिनटेकची राजधानी होईल - देवेंद्र फडणवीस..- संसदेवर झालेल्या हल्ल्याचा आज २३ वा स्मृतिदिन, देशभरात हुतात्मा जवानांना आदरांजली दहशतवादाचा बीमोड करण्याच्या भारताच्या अढळ संकल्पाचा राष्ट्रपतींकडून पुनरुच्चार.- EVM विरोधात आज नाशिकमध्ये मोर्चा- महानुभव पंथ आणि वारकरी संप्रदायाकडून EVM विरोधात मोर्चा- नाशिकच्या हुतात्मा अनंत कान्हेरे मैदानापासून जिल्हाधिकारी कार्यालयावर निघाला मोर्चा- जनतेच्या मनात EVM बाबत असलेली शंका लक्षात घेता बॅलेट पेपर वर निवडणुका घेण्याच्या मागणीसाठी मोर्चा- महानुभाव पंथ आणि वारकरी संप्रदायाच्या अनुयायांसह महा विकास आघाडीतील आणि मनसे वंचितचे स्थानिक नेतेही मोर्चात सहभागी - विशेषता विधानसभा निवडणुकीत पराभूत झालेले उमेदवार ईव्हीएम विरोधातील मोर्चात सहभागी- ईव्हीएमच्या विरोधातील मोर्चात ईव्हीएम ची प्रतीकात्मक अंतयात्रा - तिरडी घेऊन ईव्हीएमची अंतयात्रा.कोल्हापूर जिल्हा दूध उत्पादक संघ अर्थात गोकुळ गायीच्या दूध खरेदीदरातील 3 रुपयांची कपात केल्याने या विरोधात कोल्हापूर जिल्हा दूध उत्पादक संघटनेच्या वतीने सोमवारी १६ डिसेंबरला कोल्हापुरात रास्ता रोको आंदोलन करण्याचा इशारा दिला आहे. कोल्हापूर - पन्हाळा मार्गावरील छत्रपती शिवाजी महाराज पुलावर हे रास्ता रोको आंदोलन केले जाणार असल्याचं संघटनेचे अध्यक्ष ज्योतीराम घोडके यांनी सांगितला आहे. गोकुळ दूध संघाचे पशुखाद्याचे दर गगनाला गेल्यामुळे पशुपालन व्यवसाय अडचणीत आला आहे. दुसरीकडे गोकुळच्या उत्पादनाचे दर मात्र स्थिर ठेवले आहेत. गायीच्या दूध खरेदीत तीन वेळा एकूण सात रुपयांची कपात केली त्यामुळे या विरोधात येत्या सोमवारी दूध उत्पादक शेतकरी रस्त्यावर उतरत असल्याचा इशारा त्यांनी दिलाय..वांद्रे वरळी सी-लिंकवर अपघात झाला आहे. चार गाड्या एकमेकांवर आदळल्या आहेत. सुदैवाने यात कोणतीही जिवीतहानी झालेली नाही. अपघातामुळे सी लींकवर वाहतूक कोंडी बघायला मिळाली आहे. वरळी पोलिसांसह वाहतूक पोलीसही घटनास्थळी दाखल झाले आहेत. .वाघोलीतील गुरुवार रात्रीच्या गोळीबार प्रकरणी तिघांवर गुन्हा दाखल करण्यात आला आहे. मित्राला व्यसनमुक्ती केंद्रात नेवू नये यासाठी दारू पिलेल्या दुसऱ्या मित्राने त्याच्याकडील परवानाधारक रिव्हॉल्वर मधून रुग्णवाहिका चालकाच्या दिशेने दोन गोळ्या झाडल्या होत्या. तसेच रुग्णवाहिकेवर दगडफेक केली होती. सुदैवाने यामध्ये कोणीही जखमी झाले नाही. .संजय राऊत कुठल्या आधारावर बोलतात हे माहीत नाही, ते आमच्या पक्षाकडून बोलतात हा चिंतनाचा विषय आहे. ५ खासदार फोडले तर मंत्रिपद मिळेल, हा प्रस्ताव कुठेही आलेला नाही. शरद पवार जो निर्णय घेतील त्या सोबत आमचे खासदार असतील, अशी प्रतिक्रिया राष्ट्रवादी काँग्रेसच्या शरद पवार गटाचे खासदार अमर काळे यांनी दिली. .मुंबईतील बीकेसी जिओ वर्ल्ड कन्व्हेन्शन सेंटर येथे वर्ल्ड हिंदू इकॉनॉमिक फोरमची ३ दिवसांची वार्षिक परिषद होत आहे. त्याला मुख्यमंत्री देवेंद्र फडणवीस उपस्थित आहेत. या अर्थव्यवस्थेवरील चर्चेसाठी देशभरातील तज्ञ आणि नेत्यांची सहभाग घेतला आहे. .पंतप्रधान नरेंद्र मोदी आज उत्तर प्रदेशच्या दौऱ्यावर. अक्षय वटवृक्षाची पूजा करून हनुमान मंदिर आणि सरस्वती कूप इथंही दर्शन घेणार. महाकुंभ प्रदर्शनाच्या ठिकाणाची पाहणी करणार. साडेपाच हजार कोटी रुपयांपेक्षा अधिक मूल्याच्या अनेक विकास प्रकल्पांचं उद्घाटन आणि लोकार्पण करणार..वन नेशन-वन इलेक्शनवर काँग्रेसचे अध्यक्ष मल्लिकार्जुन खरगे म्हणाले, "त्या विधेयकात काय आहे ते आम्ही पाहू... वन नेशन-वन इलेक्शन कसे करायचे आणि त्याचे तपशील काय आहेत. हे सर्व पाहिल्यानंतर आम्ही प्रतिक्रिया देऊ ... "ते पुढे म्हणाले, "आम्ही म्हटले होते की संविधानावर चर्चा व्हायला हवी कारण अनेक असंवैधानिक गोष्टी सुरू आहेत... देशात प्रशासन चांगले नाही, त्यामुळे संविधानावर चर्चा व्हावी अशी आमची इच्छा होती. सरकार कसे चालवायचे हे सर्वांनाच माहीत आहे. ते नीट चालत आहे का आणि लोकांना संविधानानुसार त्यांचे हक्क मिळत आहेत की नाही? हे पाहणे महत्त्वाचे आहे..2007 मध्ये शिवसेनेचे नगरसेवक कमलाकर जामसंडेकर यांच्या हत्येप्रकरणी जन्मठेपेची शिक्षा भोगत असलेला गँगस्टर अरुण गवळी याच्या फर्लो अर्ज नाकारण्यावर मुंबई उच्च न्यायालयाच्या नागपूर खंडपीठाने राज्य सरकार आणि तुरुंग प्रशासनाला नोटीस बजावली आहे. उच्च न्यायालयाने सात दिवसांच्या आत याबाबत स्पष्टीकरण देण्याचे निर्देश दिले आहेत. गवळीने नागपूर मध्यवर्ती कारागृहातून फर्लो मिळण्यासाठी अर्ज केला होता, परंतु तुरुंग प्रशासनाने तो अर्ज फेटाळला होता..गेल्या तीन दिवसांपासून मुंबईत बेस्ट बस विविध कारणांनी चर्चेत आहे. सकाळी कमला नेहरू पार्क येथून निघालेली बस क्रमांक 108 UP, जी छत्रपती शिवाजी महाराज टर्मिनसच्या दिशेने जात होती, ती सकाळी 9 वाजता मंत्रालय चौकात अचानक बंद पडली. बेस्ट प्रशासनाला माहिती मिळताच तातडीने सर्व्हिस व्हॅन घटनास्थळी दाखल झाली आणि बस टो करून दुरुस्तीसाठी घेऊन जाण्यात आली..काल रात्री उशिरा मुंबईतील डोंगरी भागात नूर व्हीला नावाची ४ मजली इमारत कोसळली. सुदैवाने या दुर्घटनेत कोणतीही जीवितहानी झाली नाही. महापालिकेने या इमारतीला अति धोकादायक घोषित केले होते आणि वाढत्या धोक्यामुळे १० दिवसांपूर्वीच ती रिकामी करण्यात आली होती. इमारतीला अनेक भेगा पडल्या होत्या, ज्यामुळे दुर्घटना अटळ होती. सध्या घटनास्थळी ढिगारा हटवण्याचे काम सुरू असून महापालिकेचे अधिकारी आणि आपत्कालीन पथक कामाला लागले आहेत..ओंकारनगर येथील कलोडे महाविद्यालयात ३१ जुलै रोजी हेरिटेज आणि नॉन-हेरिटेज झाडे विनापरवानगी तोडण्यात आली होती. याबाबत नागपूर महानगरपालिकेच्या वृक्ष प्राधिकरण विभागाकडे तक्रार दाखल करण्यात आली. मनपाच्या पथकाने महाविद्यालयात जाऊन पाहणी केली असता, सागवानच्या दोन झाडांसह इतर नऊ झाडे विनापरवानगी कापल्याचे निष्पन्न झाले. यावरून महाराष्ट्र झाडांचे संरक्षण व जतन अधिनियमांतर्गत महाविद्यालयाचे प्राचार्य डॉ. देवाशिष भौमिक यांच्या विरोधात अजनी पोलीस ठाण्यात गुन्हा दाखल करण्यात आला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Maharashtra News Updates: दिवसभरातील महत्त्वाच्या घडामोडी वाचा एका क्लिकवर...

एकनाथ शिंदे देवेंद्र फडणवीसांच्या भेटीला

Related Stories