Latest Marathi News Live Update : राजगुरुमध्ये क्लास सुरु असतानाच विद्यार्थाचा गळा चिरला

पुणे जिल्ह्यातील राजगुरुनगरमध्ये धक्कादायक घटना घडली आहे. खासगी क्लास सुरु असताना एका विद्यार्थ्याच्या वर्गमित्रानेच गळा चिरला अन् बाईकवरुन पळून गेल्याचा प्रकार समोर आला आहे..यवतमाळ जिल्ह्यातील मुडाणा गावात घराला भीषण आग लागल्याने लाखो रुपयांचे साहित्य जळून खाक झाले आहे. .शिवसेनेतील सहकारी शिवसैनिकांना उद्देशून भावनिक पत्र लिहित तेजश्री अभिषेक घोसाळकर यांनी शिवसेनेच्या सदस्यत्वाचा राजीनामा दिलाय. पती अभिषेक घोसाळकर यांच्या निर्घृण हत्येनंतर आयुष्यात मोठे बदल झाले असून दोन लहान मुलांची जबाबदारी, जनतेचा विश्वास आणि सामाजिक काम करताना येणाऱ्या अडचणी लक्षात घेता हा निर्णय घेतल्याचे त्यांनी पत्रात नमूद केले आहे..मुंबई, ठाणे, पुण्यासह राज्यातील २९ महापालिका निवडणुकीची घोषणा आज होण्याची शक्यता आहे. कारण, राज्य निवडणूक आयोगाची आज महत्त्वाची पत्रकार परिषद होईल, असे सांगण्यात येत आहे. या पत्रकार परिषदेमध्ये राज्यातील प्रलंबित असलेल्या २९ महापालिकांच्या निवडणुकांचा कार्यक्रम जाहीर होण्याची दाट शक्यता आहे. गेल्या काही दिवसांपासून या निवडणुकांकडे सर्वांचे लक्ष लागले आहे..नवी दिल्ली : दीर्घकाळापासून भाजपच्या राष्ट्रीय अध्यक्ष निवडीचे भिजत घोंगडे पडल्याच्या पार्श्वभूमीवर पक्षाने राष्ट्रीय कार्यकारी अध्यक्षपदी बिहार सरकारमधील मंत्री नितीन नवीन यांची नियुक्ती केली आहे. विद्यमान अध्यक्ष जे. पी. नड्डा यांची ते जागा घेतील. भाजप संसदीय मंडळाकडून नितीन नवीन यांची नियुक्ती करण्यात आली असल्याचे राष्ट्रीय सरचिटणीस अरुण सिंह यांनी प्रसिद्धीपत्रकाद्वारे सांगितले आहे..बंगळूर : राज्याच्या राजकारणातील ज्येष्ठ नेते, माजी मंत्री आणि अखिल भारतीय वीरशैव महासभेचे अध्यक्ष शमनूर शिवशंकरप्पा यांचे आज (ता. १४) सायंकाळी ६.४५ वाजता निधन झाले. ते ९५ वर्षांचे होते. गेल्या आठवड्यापासून वयोमानाशी संबंधित आजाराने ग्रस्त असलेले शमनूर शिवशंकरप्पा यांना बंगळूरमधील स्पर्श रुग्णालयात दाखल करण्यात आले होते. त्यांच्यावर उपचार सुरू होते; परंतु उपचारात यश न आल्याने त्यांनी अखेरचा श्वास घेतला. मंत्री एस. एस. मल्लिकार्जुन यांचे ते वडील होत. कर्नाटकच्या राजकारणातील अजातशत्रू म्हणून ओळखले जाणारे शमनूर शिवशंकरप्पा हे अनेक दशकांपासून राजकारणात सक्रिय होते. त्यांनी सहा वेळा आमदार आणि एकदा खासदार म्हणून काम केले. राज्यातील विविध सरकारांमध्ये महत्त्वाची खाती सांभाळून मंत्री म्हणूनही त्यांनी मोठे योगदान दिले. वीरशैव लिंगायत समाजाची आघाडीची संघटना असलेल्या अखिल भारतीय वीरशैव महासभेचे अध्यक्ष म्हणून त्यांनी समाजाच्या धार्मिक आणि शैक्षणिक क्षेत्रात मोठी सेवा केली. त्यांच्या निधनाच्या बातमीने राज्यातील राजकीय आणि सामाजिक वर्तुळात तीव्र शोककळा पसरली आहे. मुख्यमंत्री, माजी मुख्यमंत्री आणि पक्षाबाहेरील नेत्यांसह अनेक मान्यवरांनी त्यांच्या निधनाबद्दल शोक व्यक्त केला आहे..इचलकरंजी : येथील मलाबादे चौकात साकारण्यात आलेल्या शंभूतीर्थावरील धर्मवीर छत्रपती संभाजी महाराज यांच्या पुतळ्याचा लोकार्पण सोहळा आज (ता. १५) सकाळी ९.३० वाजता होणार आहे. मुख्यमंत्री देवेंद्र फडणवीस व संभाजी भिडे गुरुजी यांच्या हस्ते हा कार्यक्रम आयोजित करण्यात आला आहे. यानिमित्ताने महापालिकेच्या ५११ कोटींच्या विविध विकासकामांचे उद्घाटन करण्यात येणार आहे. या सोहळ्याची जय्यत तयारी प्रशासनाकडून करण्यात आली आहे. .Latest Marathi Live Updates 15 December 2025 : बहुप्रतीक्षित शक्तिपीठ महामार्ग हा नागपूर-रत्नागिरी महामार्गाला समांतर असल्याने त्याच्या आरेखनात सोलापूरपासून महत्त्वाचे बदल करण्यात आले आहेत. आता हा महामार्ग कोल्हापूर जिल्ह्यातील चंदगड तालुक्यातून पुढे पत्रादेवीला जाईल आणि या महिन्यामध्येच (डिसेंबर २०२५) प्रकल्पाच्या कामाला सुरुवात होईल, अशी महत्त्वपूर्ण घोषणा मुख्यमंत्री देवेंद्र फडणवीस यांनी विधानसभेत केली. तसेच दीर्घकाळापासून भाजपच्या राष्ट्रीय अध्यक्ष निवडीचे भिजत घोंगडे पडल्याच्या पार्श्वभूमीवर पक्षाने राष्ट्रीय कार्यकारी अध्यक्षपदी बिहार सरकारमधील मंत्री नितीन नवीन यांची नियुक्ती केली आहे. विद्यमान अध्यक्ष जे. पी. नड्डा यांची ते जागा घेतील. कर्नाटक राज्य विधिमंडळाचे हिवाळी अधिवेशन आता निर्णायक टप्प्यात पोहोचले असून, सोमवारपासून (१५ ते १९ डिसेंबर) अधिवेशनाच्या दुसऱ्या सत्रातील कामकाज सुरू होणार आहे. अथणी येथे छत्रपती शिवाजी महाराजांच्या अश्वारूढ पुतळ्याचे लोकार्पण करण्यात आले. केंद्रीय मंत्री ज्योतिरादित्य शिंदे यांच्यासह मान्यवरांच्या उपस्थितीत हा सोहळा रंगला. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : राजगुरुमध्ये क्लास सुरु असतानाच विद्यार्थाचा गळा चिरला

Pune Live : राजगुरुमध्ये क्लास सुरु असतानाच विद्यार्थाचा गळा चिरला

Related Stories