Latest Marathi News Update: दिवसभरात देश-विदेशात काय घडलं? जाणून घ्या एका क्लिकवर

आहिल्यानगर मध्ये ओढ्याच्या पुरात ३१ वर्षीय तरुण वाहून गेल्याची दुर्देवी घटना घडली आहे . .आर्यन खाण्याच मालिकेविरुद्ध समीर वानखेडे यांच्या मानहानीच्या खटल्याची सुनावणी दिल्ली उच्च न्यायालयात उद्या होणार आहे..सुप्रीम कोर्टात आज महादेवी हत्तीणीसाठी सुनावणी पार पडली. महादेवी हत्ती परत आणण्यासाठी मठाचे वकील, वनताराचे वकील, राज्य सरकार, वनविभाग यांनी जॉईन्ट प्रपोसलं दाखल करावं असा आदेश न्यायमूर्तींनी दिला. जॉईन प्रपोजल दाखल करण्यासाठी मठाने एक आठवड्याचा अवधी मागण्यात आला आहे. .नवी दिल्ली येथे पार पडलेल्या १०३व्या स्कॉच परिषदेत महाराष्ट्रातील झोपडपट्टी पुनर्वसन प्राधिकरण, बृहन्मुंबई कार्यालयाला “नागरी केंद्रित डिजिटल सेवा” या उपक्रमासाठी सर्वोच्च प्लॅटिनम पुरस्कार प्रदान करण्यात आला. या परिषदेतील मूल्यमापनामध्ये देशभरातील ३०० हून अधिक संस्था सहभागी झाल्या होत्या..पल्या देशाला स्वातंत्र्य मिळविण्यासाठी महत्त्वाचे ठरले असल्याने ते कदापीही विसरता येणार नाही असे प्रतिपादन खासदार धैर्यशील पाटील यांनी पेण येथे बोलताना केले.हुतात्मा नाग्या महादू कातकरी यांचा स्मृतिदिनानिमित्त पेण येथे रॅलीचे आयोजन करण्यात आले होते.या रॅलीला खासदार धैर्यशील पाटील, सामाजिक कार्यकर्ते वैशाली पाटील, सहाय्यक प्रकल्प अधिकारी तेजस्विनी गलांडे, पेण तालुका आदिवासी समाज अध्यक्ष जोमा दरवडा, बाळाराम नाईक, नीरा वीर, संजय नाईक, पायल वाघमारे, चैताली आखाडे, अंजली वाघमारे आदिंसह आदिवासी समाजातील बांधव मोठ्या प्रमाणात उपस्थित होते..एकनाथ खडसे यांच्या जावयाला जामीन मंजूर केला आहे. रोहिणी खडसे यांचे पती प्रांजल खेवलकर यांना अटक करण्यात आली होती..मनसे माजी आमदार राजू पाटील यांना हायकोर्टाने मोठा झटका दिला आहे. राजू पाटील यांची कल्याण शीळ रोड आणि पलावा पुलाला अडथळा आणणाऱ्या लक्ष्मी हॉटेलविरोधातील याचिका फेटाळली आहे..गडचिरोली जिल्ह्यातील सिरोंचात मुसळधार पावसाला सुरुवातएक ते दीड तासांपासून पाऊस सुरूचमुसळधार पावसामुळे पूर परिस्थितीचा धोका वाढलाविदर्भात आजही जोरदार पावसाचा हवामान विभागाकडून इशारा.नाशिकच्या पाथर्डी फाटा परिसरात पुन्हा एका व्यक्तीची हत्या गेल्या 12 तासात दोन हत्येच्या घटनेने नाशिक हादरले दगडाने ठेचून करण्यात आली व्यक्तीची हत्या, हत्येचं कारण अस्पष्टइंदिरानगर पोलीस घटनास्थळी दाखल अधिक तपास सुरूभर दिवसा कॅफेत हत्या झाल्याने एकच खळबळ.मुक्ताईनगर तालुक्यात मोठ्या प्रमाणात झालेल्या अतिवृष्टीमुळे शेत मालाचे नुकसान झाले शेत शेतकऱ्यांच्या तोंडाशी आलेला घास नियतीने हिरावून घेतला. ओला दुष्काळ जाहीर करून शेतकऱ्यांना हेक्टरी एक लाख रुपये सानुग्रह अनुदान देण्याची मागणी मुक्ताईनगर काँग्रेसच्या वतीने तहसीलदार यांना देण्यात आले..लासलगाव – राज्यभरात एप्रिल-मे महिन्यापासून सुरू असलेल्या मुसळधार पावसामुळे शेतकरी मोठ्या आर्थिक संकटात सापडले आहेत. टोमॅटो, सोयाबीन, भाजीपाला आणि द्राक्ष यासह अनेक पिकांचा हंगाम वाया गेला आहे. मुंबई कृषी उत्पन्न बाजार समितीचे संचालक जयदत्त होळकर यांनी तातडीने सरकारकडून आर्थिक मदत, नुकसानभरपाई व कर्जमाफी जाहीर करण्याची मागणी केली आहे. सतत पावसामुळे शेतात पाणी साचल्याने पिके सडून नष्ट होत आहेत, तर शेतकऱ्यांनी बी-बियाणे, खते, फवारणी व मजुरीसह अनेक खर्च केले होते..आरक्षणाबाबत अजित पवारांचं मोठं विधानसुप्रिया सुळेंनंतर अजित पवारांचं मोठं विधानआर्थिक परिस्थितीनुसार आरक्षण मिळावं - अजित पवारज्याला त्याला त्याच्या मागणीप्रमाणे आरक्षण मिळावं - अजित पवारआर्थिक परिस्थितीनुसार आरक्षण मिळावं त्याला आमचं दुमत असण्याचे कारण नाही - अजित पवार.धाराशिवमधील पाहणी दौऱ्यानंतर उद्धव ठाकरे आणि संजय राऊत यांनी संयुक्त पत्रकार परिषद घेतली. 'मराठवाड्यावर भीषण संकट ओढावलं आहे. सरकारकडून शेतकऱ्यांची थट्टा सुरु आहे. सरकारने जाहीर केलेली मदत तुटपुंजी आहे. मुख्यमंत्री म्हणाले राजकारण आणू नये तसे मी आणणार नाही', असे उद्धव ठाकरे यांनी म्हटले आहे..अवघ्या १२ तासांत दोन हत्यांच्या घटनांनी नाशिक हादरलं आहे. नाशिकच्या पाथर्डी फाटा परिसरात पुन्हा एका व्यक्तीची हत्या झाली असून इसमाला दगडाने ठेचून जीव घेण्यात आला. इंदिरानगर पोलीस घटनास्थळी दाखल झाले असून अधिक तपास सुरू आहे. .मुंबईतील लालबाग राजा मंडळाकडून दुष्काळग्रस्त शेतकऱ्यांसाठी 50 लाख रुपये मदत करण्यात येणार असल्याची माहिती आहे. मंडळाकडून मुख्यमंत्री देवेंद्र फडणवीस यांच्याकडे 50 लाखांचा धनादेश सुपूर्द केला जाणार आहे. .पुणे: महाराष्ट्र राज्य मुक्त विद्यालय मंडळामध्ये इयत्ता पहिली ते आठवीत मराठी विषयासाठी बृहन्महाराष्ट्र मंडळ नॉर्थ अमेरिका यांच्या सहकार्याने अमेरिका, कॅनडा, ऑस्ट्रेलिया, नॉर्वे, डेन्मार्क या देशासाठी नव्याने प्रविष्ट होणाऱ्या आंतरराष्ट्रीय विद्यार्थ्यांची नावनोंदणी अर्ज भरण्याची प्रक्रिया शुक्रवारपासून (ता. २६) सुरू होत आहे. या विद्यार्थ्यांचे अर्ज ५ ऑक्टोबरपर्यंत भरता येणार आहेत..रातोरात तब्बल 10 चारचाकी गाड्यांच्या बॅटरींची चोरी करण्यात आली आहे. त्यामुळे नागरिक त्रस्त झाले आहे.. या भागामध्ये पोलिसांची रात्र गस्त करण्यात यावी अशी मागणी नागरिक करत आहेत. रातोरात दहा बॅटरी चोरीला गेल्यामुळे वाहन चालकांच मोठ आर्थिक नुकसान झाल आहे. मध्यरात्री एकच्या नंतर या सर्व बॅटरी चोऱ्या झाल्या आहेत. यामध्ये चार चाकी कार, ट्रकचा सहभाग आहे. चोरीची घटना तेथील एका CCTV कॅमेऱ्यात कैद झाली आहे. या प्रकरणाचा पुढील तपास आता पोलिस या सीसीटीव्ही च्या मदतीने करणार आहेत..अजित पवार शेतकऱ्यावर संतापले बीडच्या आहेर चिंचोली येथील शेतकऱ्यांनी दादांना एकदा आमचं शेत बघा अशी विनंती केल्यानंतर चक्क दादा म्हणाले अरे बघितलं ना किती वेळेस बघायचं .अजित पवार तलाठ्याला बोलत असताना शेतकरी म्हणाले दादा तुम्ही एकदा बघा काय झालं आहे शेतीचं त्यावेळेस दादा चांगले शेतकरी यावर संत आपले आणि अरे बघितलं ना किती वेळेस बघायचं तुम्हाला मदत करतो मी आहे घाबरू नका मदत करणार 100% तुम्हाला.बंजारा समाजाला एसटी प्रवर्गातून आरक्षण मिळावे या मागणीसाठी यवतमाळच्या पुसद शहरात गोर सेना आणि सकल बंजारा समाजाच्या वतीने मोठा मोर्चा काढण्यात आला. या मोर्चात परंपरागत वेशभूषा परिधान केलेल्या महिला आणि पुरुष सहभागी झाले होते. लाखोच्या संख्येने जमलेल्या बंजारा समाजाच्या बांधवांनी आरक्षणाच्या मागणीसाठी जोरदार घोषणा दिल्या. काही काळासाठी पुसद शहरातील वाहतूक सेवा विस्कळीत झाली होती..- शेतकऱ्यांचा सातबारा कोरा करा, त्यांना कर्जमुक्त करा - उद्धव ठाकरेंची मागणी.- सरकारकडून अन्याय होऊ देणार नाही - ठाकरे.- योग्य वेळ कधी येणार, त्यासाठी पंचांग पाहणार आहात का? ठाकरेंचा सवाल.- शेतकऱ्यांना हेक्टरी ५० हजार मदत करा - ठाकरेंची मागणी.- धाराशिवच्या इटकुरमध्ये शिवसेना पक्षप्रमुख उद्धव ठाकरे पाहणी दौऱा आणि शेतकऱ्यांची भेट घेण्यासाठी गेले आहेत. यावेळी पत्रकार परिषदेत त्यांनी सरकारकडे मागणी केली..मंठा तालुक्यातील जयपूर वडगाव तळणी या परिसरात मागील काही दिवसापूर्वी झालेल्या पावसामुळे शेतकऱ्यांचं मोठ्या प्रमाणात नुकसान झालं होतं मात्र निवेदन देऊन एक महिना झाला तरीही नुकसानीचे पंचनामे झाले नसल्याने हे शेतकरी आता हा आक्रमक होऊन थेट जिल्हाधिकारी कार्यालयात धडकले आहेत..मंठा तालुक्यातील जयपूर वडगाव तळणी या परिसरात मागील काही दिवसापूर्वी झालेल्या पावसामुळे शेतकऱ्यांचं मोठ्या प्रमाणात नुकसान झालं होतं मात्र निवेदन देऊन एक महिना झाला तरीही नुकसानीचे पंचनामे झाले नसल्याने हे शेतकरी आता हा आक्रमक होऊन थेट जिल्हाधिकारी कार्यालयात धडकले आहेत..शेतकऱ्यांच्या बांधावर जात आठवले यांनी साधला शेतकऱ्यांशी संवाद शेतकऱ्यांनी मांडल्या आठवले यांच्या समोर व्यथा आत्महत्या शिवाय दुसरा पर्याय नाही, सरकारने ठोस मदत द्यावी अशी शेतकऱ्यांची मागणी हाता तोंडाशी आलेला घास हिरावुन गेला आहे,सरसकटसह भरीव नुकसानीची मदत देण्याची शेतकऱ्यांची मागणी शेतकऱ्यांची मागणी शासन दरबारी मांडून न्याय देऊ असं केंद्रीय आठवलेंकडून आश्वासन.पुण्यातील विमानतळ पोलिस ठाण्यात गुन्हा दाखल. वैशाली वैभव दोशी (वय ४४) असे गुन्हा दाखल झालेल्या महिलेचे नाव आहे. पोलिसांनी दिलेल्या माहितीनुसार, ही घटना २३ सप्टेंबर रोजी दुपारी ४ वाजता पुणे विमानतळावर घडली. मूळच्या बारामती मधील राहणाऱ्या दोशी या तंत्र विद्येचा व्यवसाय करतात. त्या पुण्यावरून इंदौरमार्गे दिल्लीला निघाल्या होत्या. बॅग तपासणीदरम्यान संशयास्पद "मेटल डिटेक्ट" झाल्याने सुरक्षा कर्मचाऱ्यांनी त्यांना थांबवले आणि बॅग उघडण्यास सांगितली. यावेळी तपासणी दरम्यान, त्यांच्या बॅग मध्ये १ पिस्तूल व जिवंत काडतुसे आढळून आले. त्यांच्याकडे चौकशी केली असता त्यांना हे पिस्तूल त्यांच्या एका शिष्याने दिले होते आणि त्या जंगलात जाऊन पूजा करत असल्याने त्यांना याची गरज आहे असं त्यांनी पोलिसांना सांगितलं. अधिक चौकशींकेळी असता त्यांच्याकडे परवाना नसल्याचे स्पष्ट झालं आहे. २३ सप्टेंबर रोजी दोशी या एअर इंडिया एक्सप्रेसच्या पुणे–इंदौर–दिल्ली फ्लाईटने प्रवास करणार होत्या. दोशी यांच्यावर विनापरवाना शस्त्र बाळगल्याप्रकरणी विमानतळ पोलिसांनी गुन्हा दाखल करण्यात आला आहे..बीड जिल्ह्यात झालेल्या ढगफुटीमुळे शेतकऱ्यांचा अतोनात नुकसानबीडच्या गेवराई तालुक्यातील तांदळवाडी हवेली येथील अनकुटा बंधारा लगत असलेली शेतकऱ्यांची चार एकर जमीन पाण्यामध्ये वाहून गेलीआम्ही मदत मागायची कुणाकडे आम्हाला तात्काळ मदत करा अशी हाक तांदळवाडीच्या ग्रामस्थांकडून करण्यात आली.धाराशिव मध्ये काल आमचे नेते उपमुख्यमंत्री एकनाथ शिंदे यांनी केला आहे.सर्व मंत्र्यांना आदेश दिले आहेत पूरग्रस्तांना मदत करा.पंचनामे तातडीने करण्याच्या सूचना दिल्या आहेत त्यानंतर मदत केली जाईल.राज्य सरकारने केंद्र सरकार पूरग्रस्तांना मदत करत असताना त्यामध्ये विरोधी पक्ष राजकारण आणत आहे, असं त्यांनी करू नये..- सोलापूर जिल्ह्यात निर्माण झालं अस्मानी संकट- जिल्ह्यातील शेकडो गाव पुराच्या पाण्याखाली, बार्शी, दक्षिण सोलापूर, मोहोळ, अक्कलकोट, माढा अशा अनेक तालुक्यांना पुराच्या पाण्याचा वेढा- जिल्ह्यातील हत्तुर, समशेपूर, वांगी, पाकणी, वडकबाळ अशी अनेक गावं अक्षरशः पाण्याखाली- उत्तर सोलापूर तालुक्यातील समशापूर गावचे हे विदारक चित्र आपल्या ड्रोन कॅमेरात कैद केलय बुद्धभूषण काटे यांनी- शेकडो नागरिकांचा संसार उघड्यावर, तर संपूर्ण घर पुराच्या पाण्याखाली गेल्याने ग्रामस्थ हतबल- शेतकऱ्यांच्या तोंडाशी आलेला घास निसर्गाने घेतला हिरावून.मराठवाड्याला अतिवृष्टीने झोडपलं असून यामुळे गंभीर पूरस्थिती निर्माण झाली होती. शेतीचं प्रचंड नुकसान झालं असून राज्यातील मंत्री गेल्या दोन दिवसांपासून मराठवाड्याच्या दौऱ्यावर आहेत. आता माजी मुख्यमंत्री उद्धव ठाकरे हेसुद्धा मराठवाड्यात दाखल झाले असून ते आज लातूर, धाराशिवचा दौरा करणार आहेत..प्रसिद्ध गायक जुबीन गर्ग यांच्या मृत्यू प्रकरणी चौकशीसाठी एसआयटी समिती स्थापन करण्यात आलीय. आसामचे मुख्यमंत्री हिमंता बिस्वा सरमा यांनी याची माहिती दिली. गरज पडल्यास हे प्रकरण सीबीआयकडे हस्तांतरित करू असंही त्यांनी म्हटलंय. सिंगापूरमध्ये जुबीन गर्ग यांच्यासोबत जे जे लोक होते त्या सर्वांची चौकशी होणार असल्याचं मुख्यमंत्री सरमा यांनी सांगितलं.. यवतमाळच्या तहसील चौक परिसरामध्ये चहाच्या दुकानात सिलिंडरचा स्फोट झाल्याची घटना घडलीय. शॉर्ट सर्किटमुळे अचानक सिलिंडरचा स्फोट झाला आणि आगीचा भडका उडाला. या घटनेत दुकानातील साहित्य जळून खाक झालंय. दरम्यान, अग्निशमन दल तात्काळ घटनास्थळी पोहोचल्याने आगीवर पाण्याचा मारा करून आग आटोक्यात आणली. सुदैवाने या घटनेत कोणती जीवितानी झालेली नाही.नाशिकच्या मालेगाव तालुक्यात अतिवृष्टीमुळे मोठ्या प्रमाणात नुकसान झाले. मुख्यमंत्र्यांनी दिलेल्या आदेशा नंतर महसूल,कृषी अधिकारी,तहसीलदार यांनी शेतकऱ्यांच्या बांधावर जात पाहणी करत आहेत. त्यांनी नुकसानीचे पंचनामे करण्यास सुरुवात केली असून त्याचा अहवाल तातडीने वरिष्टना पाठवण्यात येणार आहे..अमरावतीमध्ये ओबीसी आरक्षणाच्या विविध मागण्यांसाठी दोन ओबीसी बांधवांचे आमरण उपोषण सुरू झाले आहे. ओबीसी आरक्षण संघर्ष समितीचे चंद्रशेखर देशमुख आणि तुषार वाढोणकर हे अमरावती जिल्हाधिकारी कार्यालयासमोर उपोषणाला बसले आहेत.त्यांच्या प्रमुख मागण्या खालीलप्रमाणे आहेतमराठा समाजाला ओबीसी आरक्षणात समाविष्ट करणारा २ सप्टेंबर २०२५ चा शासन निर्णय रद्द करावा.शिंदे समितीने शोधलेल्या ५८ लाख कुणबी नोंदींची पडताळणी करण्यासाठी उच्चस्तरीय उपसमिती नेमावी.ओबीसी विद्यार्थ्यांची शिष्यवृत्ती ५० टक्क्यांवरून १०० टक्के करावी.जातीनिहाय जनगणना तात्काळ सुरू करावी.महायुतीला भरघोस निधी उपलब्ध करून द्यावा.राज्य सरकारने आपल्या मागण्यांची दखल न घेतल्यास अमरावती जिल्ह्यातील समस्त सकल ओबीसी समाज सरकारविरोधात तीव्र आंदोलन करेल, असा इशाराही यावेळी देण्यात आला आहे..गुंडांनी पैसे मागितले असता पैसे न दिल्याच्या कारणावरून कामगाराचा गुंडांकडून खून - जगदीश वानखेडे असे खून झालेल्या कामगाराचे नाव - रात्री घरी असतांना श्रमिकनगर परिसरात कामगाराची गाडी अडवून गुंडांनी मागितले पैसे - पैसे न दिल्याच्या रागातून चाकूने वार करत गुंडांनी केला कामगाराचा खून.मुंबईतील ताडदेवजवळ असलेल्या कोस्टल रोड टनेलमध्ये एका गाडीला आग लागल्याने वाहतूक ठप्प झाली. घटनेची माहिती मिळताच अग्निशमन दलाच्या गाड्या घटनास्थळी दाखल झाल्या असून, आग विझवण्यासाठी तात्काळ प्रयत्न सुरू करण्यात आले. खबरदारी म्हणून, दक्षिण आणि उत्तर दोन्ही मार्गावरील वाहतूक तात्पुरती थांबवण्यात आली आहे, ज्यामुळे मोठी वाहतूक कोंडी झाली आहे..विजय वडेट्टीवार म्हणाले, NDRF च्या निकषाने मदत देण्याचा मानस दिसतो, मुख्यमंत्री म्हणालेत राजकारण करू नका, किती मदत देणार यावर का गुपत्ता, सरकारची नियत बनवाबनवी आहे, 5 एकर पर्यंत शेतकऱ्यांना 17 हजाराची मदत मिळेल. हेक्टरी 50 हजार द्या, .नाशिक - - नाशिकच्या राजीवनगर परिसरात टवाळखोरांकडून दहशत माजवण्याचा प्रयत्न- ४ ते ५ गाड्यांची तोडफोड करत दहशत माजवण्याचा प्रयत्न- काल रात्रीच्या सुमारास घडली घटना, पाच ते सहा मद्यधुंद तरुणांनी गाड्यांची केली तोडफोड- पोलीस घटनास्थळी दाखल होत काही जणांना घेतले ताब्यात- सीसीटीव्ही कॅमेऱ्याच्या आधारे पोलिसांचा तपास सुरू- नाशिकच्या इंदिरानगर पोलीस ठाण्यात गुन्हा दाखल.नाशिक - - परतीच्या पावसामुळे उत्तर महाराष्ट्रात तब्बल ३.२१ लाख हेक्टरवरील पिकांचे मोठे नुकसान - उत्तर महाराष्ट्रातील अहमदनगर, जळगाव, नाशिक, धुळे आणि नंदुरबार जिल्ह्यांत मिळून तब्बल ४६ लाखांहून अधिक शेतकरी बाधित- अहमदनगर जिल्ह्यात सर्वाधिक २.४५ लाख हेक्टरवर पिकांचे नुकसान - अचानक झालेल्या मुसळधार पावसामुळे उभ्या पिकांत पाणी साचून पिकं मातीमोल - सोयाबीन, कपाशी, भात, मका, भाजीपाला यांसारखी पिके मोठ्या प्रमाणावर उद्ध्वस्त - आपत्तीमुळे शेतकऱ्यांच्या डोळ्यात अक्षरशः अश्रूंचा पूर.कन्नड : शहरालगतच्या शिवना नदीवरील केटी बंधाऱ्यावर मंगळवारी आंघोळीसाठी गेलेला एक मुलगा वाहून गेला होता. त्याचा बुधवारी (ता.२४) संध्याकाळी साडेपाचच्या सुमारास मृतदेह सापडला. आयन शेख खाजू (वय ११) असे मृत मुलाचे नाव आहे..पुणे : डायरेक्टोरेट ऑफ मेडिकल एज्युकेशन अँड रिसर्चची परीक्षा पुढे ढकलण्याचा निर्णय वैद्यकीय शिक्षण संशोधन व आयुष विभागाने पत्राव्दारे जाहीर केला आहे. सोलापूर आणि मराठवाड्यातील पावसामुळे पूरस्थिती निर्माण झाल्याने नियोजित परीक्षा पुढे ढकलली आहे. आज आणि उद्या या परीक्षेचे नियोजन करण्यात आले होते..निलंगा तालुक्यातील कासार सिरसी परिसरातील मौजे हासोरी बुद्रुक, हसोरी खुर्द परिसरात बुधवारी रात्री 9.25 वाजण्याच्या सुमारास भूकंपाचे धक्के बसले आहेत. यामुळे नागरिकांमध्ये भीतीचे वातावरण पसरले असून 1993 च्या किल्लारी भूकंपाच्या आठवणी ताज्या झाल्या. कासार सिरसी परिसरातील मौजे हासोरी बु., हासोरी खु., हरीजवळगा, उस्तुरी व बडूरसह परिसरात बुधवारी रात्री जमिनीतून गूढ आवाज होऊन भूकंपाचे दोन सौम्य धक्के जाणवले..नवी दिल्ली : अभिनेता सोनू सूद (वय ५२) यांनी ‘1xबेट’ नावाच्या ऑनलाइन बेटिंग ॲपशी संबंधित मनी लाँडरिंग प्रकरणात चौकशीसाठी सक्तवसुली संचालनालयाच्या (ईडी) कार्यालयात बुधवारी दुपारी १२ वाजता हजेरी लावली. ‘पीएमएलए’ कायद्यांतर्गत तपास अधिकाऱ्यांचा जबाब नोंदविला. ‘ईडी’ने गेल्या काही आठवड्यांत याप्रकरणी सुरेश रैना, शिखर धवन, रॉबिन उथप्पा, युवराजसिंग या क्रिकेटपटूंसह तृणमूल काँग्रेसचे माजी खासदार मिमी चक्रवर्ती आदींची चौकशी केली आहे..नवी दिल्ली : दिल्ली उच्च न्यायालयाने बुधवारी तिहार तुरुंग परिसरातील दहशतवादी मोहम्मद अफझल गुरु आणि मोहम्मद मकबूल भट्ट यांच्या कबरी हटवण्याची मागणी करणाऱ्या याचिकेवर सुनावणीस नकार दिला. या दोन्ही दहशतवाद्यांना याच तुरुंगात फाशी देण्यात आली होती. न्यायालयाच्या निर्णयानंतर याचिकाकर्त्याच्या वकिलाने याचिका मागे घेण्याची व विशिष्ट माहितीसह नव्याने सादर करण्याची परवानगी मागितली. .पुणे-कोल्हापूर महामार्गावर वाहन क्रमांक MH05AM1940 या ऑइलने भरलेल्या टँकरने पुणे जिल्ह्यातील जांभुळवाडी या ठिकाणी अचानक पेट घेतला. या वेळेस तत्परतेने जाऊन पोलीस, अग्निशामक दल, NHAI तसेच ॲम्बुलन्स यांनी घटनास्थळी धाव घेतली. या घटनेत कोणत्याही प्रकारची जीवित हानी झाली नाही, तसेच या वाहनाला अग्निशामक दलाने आग विझवल्यानंतर क्रेनच्या सहाय्याने सुरक्षित स्थळी हलवले. त्यानंतर पोलीस प्रशासनाच्या मदतीने वाहतूक सुरळीत करण्यात आली..नवी दिल्ली : केंद्रशासित जम्मू आणि काश्मीरमधील राज्यसभेच्या चार जागांसाठी त्याचप्रमाणे पंजाबमधील एका जागेसाठी केंद्रीय निवडणूक आयोगाने पोटनिवडणूक जाहीर केली आहे. या पाचही जागांसाठी २४ ऑक्टोबरला निवडणूक होणार आहे. .इस्लामपूर : मराठा समाजाला आरक्षण देताना ओबीसींच्या मूळ आरक्षणास धक्का लावू नये. तसे झाल्यास सर्व ओबीसी समाज रस्त्यावर उतरेल, असा इशारा वाळवा तालुक्यातील ओबीसी समाजाने मोर्चा काढत आज दिला. .Latest Marathi Live Updates 25 September 2025 : पहलगाम येथे २२ एप्रिलला झालेल्या हल्ल्यातील दहशतवाद्यांना मदत करणाऱ्या एका हस्तकाला जम्मू-काश्मीर पोलिसांनी काल संध्याकाळी अटक केली. महंमद कतारी असे या दहशतवाद्याचे नाव आहे. तसेच भारतीय संस्कृतीचे आशयगर्भ तत्त्वज्ञान, तिचा गाभा अन् मर्म आपल्या सशक्त लेखणीने सर्वदूर पोहोचविणारे, कालसुसंगत मांडणी आणि संदर्भांचा एक प्रदीर्घ पट वाचकांच्या डोळ्यांपुढे उभे करणारे, ‘सरस्वतीपुत्र’ म्हणून ओळखले जाणारे कन्नड सारस्वत डॉ. एस. एल. भैरप्पा (वय ९४) यांचे देहावसान झाले. लडाखला राज्याचा दर्जा देण्याची आणि घटनात्मक हक्कांचे संरक्षण करण्याची मागणी करणाऱ्या आंदोलकांचा आज पोलिसांबरोबर संघर्ष झाला. लेह शहरात आंदोलकांनी पोलिस अधिकाऱ्यांवर दगडफेक केली, तर काही जणांनी पोलिसांचे एक वाहनही पेटवून दिले. संतप्त जमावाला पांगविण्यासाठी पोलिसांना अश्रुधुराचा मारा आणि लाठीमार करावा लागला. या संघर्षात चार जणांचा मृत्यू झाला, तर ७० जण जखमी झाले. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Update: दिवसभरात देश-विदेशात काय घडलं? जाणून घ्या एका क्लिकवर

Ahilyanagar Live : युवक पुराच्या पाण्यात वाहून गेला

Related Stories