नाशिकमध्ये भोंदू बाबा अशोक खरात यांच्या शिवनिका संस्थांचे बँक खाते सील करण्यात आले असून आर्थिक व्यवहारांचा सखोल तपास सुरू झाला आहे. विशेष तपास पथकाने त्यांच्या मालमत्तेची माहिती मागवली असून कुटुंबीयांच्या नावावर असलेल्या जमीन, घर आणि दुकानांचीही चौकशी केली जात आहे. नोंदणी विभागाकडून राज्यभरातील मालमत्तेचा शोध घेतला जात असून कोट्यवधी रुपयांची आर्थिक माया उघड होण्याची शक्यता व्यक्त केली जात आहे. मालमत्ता खरेदीसाठी वापरलेला पैसा नेमका कुठून आला याचा शोध घेतला जात असून बेनामी मालमत्तेचा संशयही व्यक्त केला जात आहे. पुढील काही दिवसांत या तपासाला आणखी वेग येण्याची शक्यता आहे.
