पुण्यातील बाणेर-पाषाण लिंक रोडवरील पासपोर्ट कार्यालयाला आरडीएक्सने उडवण्याची धमकी मिळाली आहे, पोलिसांनी याप्रकरणी तपास सुरु केला आहे..सांगली : सांगलीत कोल्हापूर रस्ता परिसरात पिस्तूल लावून फिरणाऱ्यास शहर पोलिसांच्या गुन्हे प्रकटीकरण शाखेने गजाआड केले. संशयित आकाश सचिन शिंदे (वय २३, रा. ५० फुटी रस्ता, हमजा मस्जिदजवळ, सांगली) असे त्याचे नाव असून, त्याच्याकडून पन्नास हजारांचा मुद्देमाल जप्त करण्यात आला आहे. .बंगळूर : प्रश्नपत्रिका फोडणाऱ्यांवर कठोर कारवाई करण्याचा इशारा सरकारने दिला असतानाही काही अनोळखी व्यक्ती सोशल मीडियावर ‘द्वितीय पीयूसीची (बारावी) प्रश्नपत्रिका हवी का? अशा पोस्ट टाकत विद्यार्थ्यांमध्ये आणि पालकांमध्ये भीतीचे वातावरण निर्माण करत आहेत..कुसुमाग्रजांच्या नगरीत आजपासून चौथ्या विश्व मराठी साहित्य संमेलनाला उत्साहात सुरुवात होत आहे. साहित्यप्रेमी, लेखक, कवी आणि मान्यवरांच्या उपस्थितीत हा सोहळा रंगणार आहे. मुख्यमंत्री आणि उपमुख्यमंत्र्यांच्या हस्ते संमेलनाचे उद्घाटन होणार असून दुपारी होणाऱ्या या कार्यक्रमाला मंत्री उदय सामंत, छगन भुजबळ तसेच इतर मान्यवर मंत्री उपस्थित राहणार आहेत. दरम्यान, थोड्याच वेळात कुसुमाग्रज प्रतिष्ठान येथून पारंपरिक ग्रंथदिंडीला सुरुवात होणार आहे. साहित्यप्रेमी मोठ्या संख्येने या दिंडीत सहभागी होणार असून संमेलनाच्या उद्घाटनाला उत्सवी वातावरण लाभले आहे..सांगली : कृष्णा नदीच्या पाणी प्रदूषण आणि मासे मृत्यूप्रकरणी पाटबंधारे विभागाने आज पुन्हा एकदा प्रदूषण नियंत्रण मंडळाला नोटीस दिली. नदीत नेमके कोण दूषित पाणी सोडत आहे, पाणी किती प्रमाणात दूषित झाले आहे, याचा अहवाल देण्यास मंडळाकडून सतत विलंब केला जात असल्याने पाटबंधारेच्या अधिकाऱ्यांनी तीव्र नाराजी व्यक्त केली आहे..दुधेबावी : शहरात कर्कश आवाजात आणि भरधाव वेगात धावणाऱ्या दुचाकींविरोधात फलटण शहर पोलिसांनी विशेष मोहीम राबवून कडक कारवाई केली. या मोहिमेत मॉडिफाय केलेले सायलेन्सर बसवून नियमांचा भंग करणाऱ्या सात दुचाकी ताब्यात घेण्यात आल्या असून, एकूण ६० हजार ५०० रुपयांचा दंड वसूल करण्यात आला आहे..बार्शी तालुक्यातील कुसळंब गावात जुन्या वादातून गोळीबार झाल्याची धक्कादायक घटना घडली आहे. या घटनेत एक युवक गंभीर जखमी झाला आहे. मिळालेल्या माहितीनुसार, पुण्यातून आलेल्या तीन ते चार युवकांनी संबंधित युवकाला बेदम मारहाण केली. मारहाणीनंतर त्याच्यावर गोळीबार करण्यात आला. गोळी लागल्याने तो गंभीर जखमी झाला. घटनेनंतर आरोपी युवक पुण्याच्या दिशेने फरार झाले असल्याची माहिती समोर येत आहे. जखमी युवकाला तात्काळ बार्शी येथील खासगी रुग्णालयात दाखल करण्यात आले असून त्याच्यावर उपचार सुरू आहेत. घटनेची माहिती मिळताच बार्शी ग्रामीण पोलीस घटनास्थळी दाखल झाले असून पुढील तपास सुरू आहे..बीड : मस्साजोग (ता. केज) येथील सरपंच संतोष देशमुख यांचे अपहरण व निर्घृण हत्या प्रकरणातील प्रमुख सूत्रधार वाल्मीक कराड याचा जामीन अर्ज सर्वोच्च न्यायालयाने फेटाळला. यापूर्वी विविध न्यायालयांनी वाल्मीक कराडचा जामीन, तसेच दोषमुक्तीसाठीचे अर्ज फेटाळले होते. सरपंच संतोष देशमुख यांचे नऊ डिसेंबर २०२४ ला अपहरण करून त्यांची निर्घृण हत्या करण्यात आली होती. यात वाल्मीक कराड, विष्णू चाटे, सुदर्शन घुले, महेश केदार, जयराम चाटे, प्रतीक घुले, सुधीर सांगळे व कृष्णा आंधळे यांच्यावर आरोप निश्चित करण्यात आले आहेत. .दरवर्षी 27 फेब्रुवारी रोजी मराठी भाषा गौरव दिन साजरा केला जातो. मराठी भाषा आणि तिची समृद्ध परंपरा, साहित्यसंपदा आणि सांस्कृतिक वारसा जपण्यासाठी आणि त्याचा सन्मान करण्यासाठी दरवर्षी हा दिवस अतिशय उत्साहात आणि सांस्कृतिक कार्यक्रमांच्या मेजवानीसह साजरा केला जातो..Latest Marathi Live Updates 27 February 2026 : राष्ट्रवादी काँग्रेसचे अध्यक्ष आणि उपमुख्यमंत्री अजित पवार यांच्या अपघाती निधनानंतर रिक्त झालेल्या पक्षाच्या राष्ट्रीय अध्यक्षपदी राज्याच्या विद्यमान उपमुख्यमंत्री सुनेत्रा अजित पवार यांची एकमताने निवड करण्यात आली. राष्ट्रीय कार्याध्यक्षपदी खा. प्रफुल्ल पटेल आणि महाराष्ट्र प्रदेशाध्यक्षपदी खा. सुनील तटकरे यांची फेरनिवड झाली आहे. वरळी येथे पार पडलेल्या पक्षाच्या राष्ट्रीय अधिवेशनात ही निवड झाली. याशिवाय देश-राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन आणि मान्सूनविषयक अपडेट्स यांची सविस्तर माहिती एका क्लिकवर उपलब्ध आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
