Latest Maharashtra News Updates : तुम्ही शांत रहा, आझाद मैदानात जरांगेंचं आंदोलकांना आवाहन

मनोज जरांगे पाटील यांचे शांततेचे आवाहन आझाद मैदानावर मराठ्यांचा जल्लोष, घोषणाबाजी सुरू झाली. मनोज जरांगे पाटील यांनी सर्वांना शांततेचे आवाहन केलेय. सर्वांनी शांततेत राहावे. मला तुम्हाला काहीतरी सांगायचेय, तुम्ही शांत राहा असे आवाहन मनोज जरांगेंनी केले..मनोज जरांगे पाटील हे आझाद मैदान येथे आंदोलनस्थळी दाखल झाले आहेत. थोड्याच वेळात ते आंदोलनाला सुरुवात करणार आहेत. मोठ्या संख्येने मराठा आंदोलक मुंबईत दाखल झाले आहेत. आंदोलकांना एका दिवसाच्या आंदोलनाची परवानगी मिळाली आहे. .पंतप्रधान नरेंद्र मोदी यांनी एक्सवर सोशल मीडिया प्लॅटफॉर्मवर राष्ट्रीय क्रीडा दिनाच्या शुभेच्छा दिल्या आहेत. ते म्हणाले की, आम्ही मेजर ध्यानचंद जी यांना आदरांजली वाहतो, ज्यांची उत्कृष्टता पिढ्यांना प्रेरणा देत राहते. गेल्या दशकात, भारताच्या क्रीडा क्षेत्रात उल्लेखनीय परिवर्तन झाले आहे. तरुण प्रतिभेला बळ देणाऱ्या तळागाळातील कार्यक्रमांपासून ते जागतिक दर्जाच्या सुविधा निर्माण करण्यापर्यंत, आपण आपल्या देशात एक चैतन्यशील क्रीडा परिसंस्था पाहत आहोत. आमचे सरकार खेळाडूंना पाठिंबा देण्यासाठी, पायाभूत सुविधा निर्माण करण्यासाठी आणि भारताला क्रीडा उत्कृष्टतेचे जागतिक केंद्र बनवण्यासाठी वचनबद्ध आहे.".हवामान खात्याने लातूर जिल्ह्यासाठी मुसळधार पावसाचा इशारा दिला आहे. मागील दोन दिवसांपासून सुरू असलेल्या संततधार पावसामुळे जिल्ह्यातील सर्व प्रमुख नद्या आणि ओढे तुडुंब भरले आहेत. जिल्ह्यातील ६० महसूल मंडळांपैकी तब्बल ३० मंडळात अतिवृष्टीची नोंद झाली आहे. परिणामी, जिल्ह्यातील ५० हून अधिक रस्त्यांवरील वाहतूक ठप्प झाली आहे. शाळकरी मुलांच्या सुरक्षेच्या दृष्टीने आज जिल्ह्यातील सर्व शाळांना सुट्टी जाहीर करण्यात आली आहे..निलंगा : मांजरा व तेरणा या दोन्ही नदीला मोठ्या प्रमाणात पूर आल्यामुळे या नद्यांनी धोक्याची पातळीवर ओलांडली आहे. शिरूर अनंपाळ तालुका व निलंगा तालुक्यातील नदीकाठच्या शेतकऱ्यांची हजारो हेक्टर शेती वाहून गेली आहे. शेतातील पिके डोळ्यादेखत गेल्यामुळे शेतकऱ्यांच्या डोळ्यात पाणी आले आहे. 36 तासांपासून संततधार सुरू असल्याने पिकांचे मोठ्या प्रमाणात नुकसान झाले आहे..मनोज जरांगे पाटील हे मुंबईत दाखल झाले आहेत. आज ते आझाद मैदान येथे आंदोलन करणार आहेत. मोठ्या संख्येने मराठा आंदोलक मुंबईत दाखल झाले आहेत. एक मराठा लाख मराठा, अशी घोषणाबाजी आंदोलकांकडून करण्यात येत आहे..मनोज जरांगे पाटील यांच्या मराठा आरक्षण आंदोलनासाठी मोठ्या प्रमाणावर मराठा कार्यकर्ते मुंबईकडे कूच करत आहेत. राज्यभरातून येणाऱ्या मराठा आंदोलकांसाठी ठिकठिकाणी व्यवस्था करण्यात येत आहेत. धाराशिव जिल्ह्यासह राज्याचे इतर भागातून येणाऱ्या मराठा आंदोलकासाठी धाराशिवच्या तुळजापूरचे भाजप आमदार राणाजगजीतसिंह पाटील यांनी त्यांच्या मुंबईतील नेरूळ येथील तेरणा कॉलेजमध्ये निवासाची आणि जेवणाची तसेच वाहनांच्या पार्किंगची व्यवस्था केली आहे..थोड्याच वेळात मनोज जरांगे पाटील आझाद मैदानात दाखल होणार आहेत. त्यांचे जंगी स्वागत होणार असल्याची माहिती मिळत आहे..बंगळूर : आरएसएस (राष्ट्रीय स्वयंसेवक संघ) गीत गायल्याबद्दल टीका होत असताना उपमुख्यमंत्री डी. के. शिवकुमार पुन्हा ‘चामुंडेश्वरी हिल्स (टेकडी) ही हिंदूंची विशेष मालमत्ता नाही’, असे विधान केल्यानंतर पुन्हा अडचणीत आले आहेत. त्यावर त्यांनीच आता कोणत्याही वादावर मौन बाळगणार असल्याचे सांगितले. कोणत्याही विषयावर भाष्य करण्यासाठी पक्षाच्या प्रवक्त्यांशी संपर्क साधावा, असे सांगून हात झटकण्याचा प्रयत्न केला आहे. .कोल्हापूर : गणेश आगमन मिरवणुकीत राजारामपुरीसह शहरात साउंड सिस्टीमचा दणदणाट अनुभवायला मिळाला. पोलिसांनी आवाज मर्यादेचे उल्लंघन करणाऱ्या मंडळांचे नमुने घेऊन त्यांच्याविरोधात गुन्हे दाखल करण्याची प्रक्रिया सुरू केली आहे. चारही पोलिस ठाण्यांकडून घेण्यात आलेल्या या नमुन्यांत ३२७ मंडळांनी नियमांचा भंग केल्याचे आढळून आल्याने त्यांच्यावर खटले दाखल करून ते न्यायालयात पाठविण्याची तयारी आता सुरू झाली आहे. तर इचलकरंजीत २७ मंडळांवर कारवाई करण्यात आली. दोन्ही मिळून ३५४ मंडळांवर पोलिसांनी कारवाई केली..हवामान खात्याच्या अंदाजानुसार, मुंबईत सोमवारपर्यंत फक्त मध्यम स्वरूपाच्या सरी सुरू राहतील. तर रायगड, रत्नागिरी व सिंधुदुर्ग जिल्ह्यांत काही ठिकाणी मुसळधार पावसाचा अंदाज आहे. शुक्रवारी पालघर व ठाणे जिल्ह्यांत मेघगर्जनेसह पावसाची शक्यता असून शनिवारी व रविवारी मध्यम सरी सुरू राहतील. सोमवारी पुन्हा एकदा पालघर जिल्ह्यात पावसाचा जोर वाढू शकतो, असा अंदाज प्रादेशिक हवामान विभागाने वर्तवला आहे..मुंबई : महापालिकेने खासगी पाण्याच्या मीटरसंदर्भातील नियमांत मोठे बदल केले आहेत. जलमापक नादुरुस्त असल्यास १०० टक्के वाढ, तर जलमापकाचे वाचन उपलब्ध नसल्यास २५ टक्के वाढ आकारण्यात येणार असल्याचे पालिकेकडून सांगण्यात आले आहे. त्यामुळे पाणीबिलावर वाढीव आकारणी टाळण्यासाठी बंद किंवा नादुरुस्त जलमापक त्वरित बदलण्याचे आवाहन पालिकेने नागरिकांना केले आहे..मुंबई : मराठा आरक्षण आंदोलनकर्ते मनोज जरांगे उद्या (ता. २९) आझाद मैदानात धडकणार आहेत. जरांगे यांचा मोर्चा मजल दरमजल करीत मुंबईच्या दिशेने आगेकूच करीत आहे. मराठा समाज उत्स्फूर्त या आंदोलनात सहभाग होत असल्याने गणेशोत्सव काळात मुंबईत येणाऱ्या या मोर्चाने मुंबईतील व्यवस्था विस्कळित होण्याची शक्यता आहे. आझाद मैदानासह आजूबाजूचा परिसर आजच गजबजला आहे. .Latest Marathi Live Updates 29 August 2025 : मराठा आरक्षण आंदोलनकर्ते मनोज जरांगे आज (ता. २९) आझाद मैदानात धडकणार आहेत. जरांगे यांचा मोर्चा मजल दरमजल करीत मुंबईच्या दिशेने आगेकूच करीत आहे. तसेच शिवसेनेचे संगमनेर येथील आमदार अमोल खताळ यांच्यावर गुरूवारी हल्ला झाला आहे. एका तरूणाने त्यांच्याशी हात मिळवण्याचा बहाणा करून त्यांच्यावर हल्ला केला आहे. शिवसेना नगरसेवक कमलाकर जामसांडेकर खून खटल्यातील आरोपी माजी आमदार अरुण गवळीची सर्वोच्च न्यायालयाने १८ वर्षांनंतर जामिनावर मुक्तता केली. ‘‘राष्ट्रीय स्वयंसेवक संघाचा भाजपच्या नेतृत्वाखालील सरकारशी कोणताही वाद नाही,’’ असे सरसंघचालक मोहन भागवत यांनी आज स्पष्ट केले. मुंबई उच्च न्यायालयाला आणखी १४ न्यायाधीश मिळणार आहेत. युक्रेनची राजधानी किव्ह शहरावर रशियाने गुरुवारी मोठ्या प्रमाणात ड्रोन आणि क्षेपणास्त्र हल्ले केले. या हल्ल्यामध्ये आठ जणांचा मृत्यू झाला, तर ५५ जण जखमी झाले. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर.. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Maharashtra News Updates : तुम्ही शांत रहा, आझाद मैदानात जरांगेंचं आंदोलकांना आवाहन

Manoj Jarange Patil : तुम्ही शांत रहा, आझाद मैदानात जरांगेंचं आंदोलकांना आवाहन

Related Stories