Latest Marathi News Live Update : अमेरिकन फेड रिझर्व्हने व्याजदर ‘जैसे थे’ ठेवले

अमेरिकेच्या फेडरल ओपन मार्केट कमिटीने व्याजदरांबाबत 'जैसे थे' धोरण कायम ठेवले आहे. गेल्या वर्षी सप्टेंबर, ऑक्टोबर आणि डिसेंबर या सलग तीन बैठकींमध्ये दरकपात केल्यानंतर यावेळी कोणताही बदल करण्यात आला नाही..मुंबई : उपमुख्यमंत्री अजित पवार यांच्या अपघाती निधनानंतर तीन दिवसांचा शासकीय दुखवटा जाहीर करण्यात आला आहे. मात्र जिल्हा परिषदांच्या निवडणुकांवर याचा परिणाम होणार नसून या निवडणुका ठरलेल्या वेळापत्रकानुसारच होणार असल्याचे निवडणूक आयोगातील सूत्रांनी सांगितले. .बेळगाव : चोर्ला घाटातील कंटेनरमधून ४०० कोटी रुपयांच्या लुटीप्रकरणी रोज नवनवीन माहिती पुढे आली आहे. या प्रकरणाचे धागेदोरे आता केवळ चार राज्यांपुरते मर्यादित न राहता दुबईपर्यंत पोहोचल्याची माहिती समोर येत आहे. तसेच या प्रकरणातील मूळ फिर्यादी नाशिक येथील संदीप पाटील हे लवकरच बेळगावात येऊन याविरोधात अधिकृत तक्रार देण्याबाबतची माहिती मिळाली आहे. त्यामुळे या प्रकरणाबाबतच्या चर्चेचे गूढ आणखी वाढले आहे..बंगळूर : म्हैसूर शहर विकास प्राधिकरणाच्या (मुडा) भूखंड बेकायदेशीरपणा प्रकरणात मुख्यमंत्री सिद्धरामय्या यांना मोठा दिलासा मिळाला आहे. कर्नाटक लोकायुक्तांनी सखोल चौकशी केल्यानंतर सादर केलेला ‘बी रिपोर्ट’ लोकप्रतिनिधींच्या विशेष न्यायालयाने स्वीकारला आहे. तसेच या बी रिपोर्टवर आक्षेप घेत सामाजिक कार्यकर्ते स्नेहमयी कृष्णा यांनी दाखल केलेली याचिका न्यायालयाने फेटाळून लावली आहे..शिरोळ : जांभळी (ता. शिरोळ) येथे जिम ट्रेनर संदीप भाऊसाहेब पाटील (वय ४४, रा. माळभाग, जांभळी) यांचा आज निर्घृण खून करण्यात आला. हल्लेखोरांनी डोक्यात धारदार लोखंडी हत्याराने वार केल्याने त्यांचा जागीच मृत्यू झाला. रात्री साडेनऊच्या सुमारास हा प्रकार घडला. .जळगाव : येथील सुवर्ण बाजारात सोने, चांदीच्या भावात मंगळवारी पाच हजारांची घट झाली होती. आज मात्र पुन्हा भाववाढीचा उच्चांक झाला आहे. सुवर्ण बाजारात तेजीचे वातावरण आहे. आज (ता.२८) सोन्याच्या भावात ४,७०० रुपयांची, तर चांदीत २३ हजारांची वाढ झाली आहे. सोने-चांदी आता सर्वसामान्याच्या आवाक्या बाहेर गेली आहे..कोल्हापूर : पिशव्यांमध्ये कोकोपीठ असल्याचे सांगून कर्नाटकात नेण्यात येणारा २१ लाख रुपये किमतीचा ८३ किलो गांजा राजारामपुरी पोलिसांनी पकडला. याप्रकरणी वाहनचालक समीर पापा शेख (वय ३४, रा. साईनगर, कात्रज, पुणे) याला अटक केली. पुण्यातून हा गांजा कर्नाटकात विक्रीसाठी नेला जात असल्याचे तपासात समोर आले आहे. गांजा पाठविणाऱ्या मूळ मालकाचा शोध सुरू असल्याचे अपर पोलिस अधीक्षक डॉ. धीरजकुमार यांनी सांगितले. याबाबत पोलिसांनी दिलेली माहिती अशी : राजाराम तलावासमोरून एका टेंपोतून गांजा वाहतूक होत असल्याची माहिती पोलिस उपनिरीक्षक सचिन चंदन यांना मिळाली. ही माहिती पोलिस निरीक्षक सतीश होडगर, सहाय्यक निरीक्षक रणजित पाटील यांना दिली. .Latest Marathi Live Updates 29 January 2026 : उपमुख्यमंत्री अजित पवार यांच्या विमानाला झालेल्या अपघातामागे खराब हवामान आणि कमी दृश्यमानता ही प्राथमिक कारणे असल्याचे नागरी विमान वाहतूक मंत्रालयाने म्हटले आहे. दरम्यान, केंद्रीय विमान वाहतूकमंत्री राममोहन नायडू यांनी या अपघाताची चौकशी सुरू असल्याचे सांगितले. तसेच उपमुख्यमंत्री अजित पवार यांच्या अपघाती निधनानंतर तीन दिवसांचा शासकीय दुखवटा जाहीर करण्यात आला आहे. मात्र, जिल्हा परिषदांच्या निवडणुकांवर याचा परिणाम होणार नसून या निवडणुका ठरलेल्या वेळापत्रकानुसारच होणार असल्याचे निवडणूक आयोगातील सूत्रांनी सांगितले. त्याचबरोबर सोन्याच्या दरात सुमारे सात हजार रुपयांची वाढ झाल्याने सोने प्रति दहा ग्रॅमला जीएसटीसह एक लाख ७१ हजार रुपयांवर पोहोचले. गेल्या काही दिवसांत सोने दरात सातत्याने वाढ होत असली तरी सध्या लगीन सराई सुरू असल्याने दागिने खरेदीकडे कल आहेच. याशिवाय देश आणि राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन तसेच मान्सूनविषयक अपडेट्स जाणून घेण्यासाठी एका क्लिकवर सविस्तर माहिती मिळवा....सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : अमेरिकन फेड रिझर्व्हने व्याजदर ‘जैसे थे’ ठेवले

US Fed : अमेरिकन फेड रिझर्व्हने व्याजदर ‘जैसे थे’ ठेवले

Related Stories