Latest Marathi News Update: देश-विदेशात दिवसभरात काय काय घडलं? जाणून घ्या एका क्लिकवर...

वाळूज एमआयडीसी परिसरात बियरचा ट्रक उलटला. बियरचे बॉक्स पळविण्यासाठी दारुड्यांची एकच झुंबड उडाली. .भाजपचे कार्यकर्ते विजय केनवडेकर यांच्या घरात घुसल्याप्रकरणी माझ्यासह एकूण पाच जणांवर येथील पोलिस ठाण्यात गुन्हा दाखल करण्यात आला असल्याची माहिती स्वतः आमदार नीलेश राणे यांनी आज येथे दिली. याबाबत मालवण पोलिसांशी संपर्क साधला असता त्यांनी कोणतीही माहिती देण्यास नकार दिला..तमिळनाडूच्या किनारपट्टीकडे सरकत असलेल्या ‘दिटवाह’ चक्रीवादळामुळे शनिवारी तमिळनाडूच्या काही भागांत जोरदार पाऊस झाला. रामनाथपुरम आणि नागपट्टिणम जिल्ह्यांमध्ये सर्वाधिक फटका बसला. रामेश्वरममध्ये सलग दुसऱ्या दिवशी मुसळधार पाऊस आणि जोरदार वाऱ्यांमुळे जनजीवन विस्कळित झाले. चक्रीवादळामुळे होणारी संभाव्य हानी टाळण्यासाठी राष्ट्रीय आपत्ती निवारण दलाची (एनडीआरएफ) पथके सज्ज असून, मदतीसाठी सहा हजार छावण्या उभारण्यात आल्या आहेत. .डोकलखेडा (ता.पाचोरा) येथील माजी सरपंच योगेश दामू पाटील यांचे लहान बंधू पद्मसिंह दामू पाटील व पत्नी नम्रता दोन्ही हे तेलंगणाहून डोकलखेडा येथे आपल्या एम.एच.१३ बी.एन.८४८३ या चार चाकी गाडीने येत होते. रस्त्यात त्यांची गाडी विहिरीत पडल्याने दाम्पत्याचा मृत्यू झाला..दितवाह चक्रीवादळ जवळ येत असल्याने आयएमडीने तामिळनाडू आणि पुडुचेरीच्या काही भागात रेड अलर्ट जारी करण्यात आलेला आहे..दिल्ली प्रमाणेच अमरावतीमध्येही बॉम्बस्फोट घडवण्याची धमकीनीनावी फोन कॉलमुळे अमरावती शहर पोलिसांत खळबळअमरावती शहर पोलिसांनी एका आरोपीला इंदोरमधून घेतले ताब्यातदिल्लीप्रमाणे अमरावतीतही बॉम्बस्फोट करणार असल्याची दिली होती धमकीपोलिसांकडून शहरात हाय अलर्ट, अनेक ठिकाणी नाकाबंदी.बीड जिल्ह्यातील माजलगाव येथील ऊस उत्पादक शेतकऱ्यांचे गेल्या आठ दिवसांपासून भाव वाढीच्या मागणीसाठी आंदोलन सुरू आहे. यापूर्वी शेतकऱ्यांनी प्रत्येक गावागावात टायर पेटवून कारखानदारांचा निषेध व्यक्त करत आंदोलन केले. यानंतर कारखानदार आणि ऊस उत्पादक शेतकऱ्यांची बैठक झाली ती बैठक निष्फळ ठरली. यानंतर शेतकऱ्यांनी रस्ता रोको आंदोलन केले. आज ऊस उत्पादक शेतकऱ्यांनी साखर कारखान्याच्या शेतकी अधिकाऱ्यांच्या गाडीची हवा सोडून दिली तर अनेक ट्रॅक्टरची आणि ऊस वाहतूक करणाऱ्या वाहनांची हवा सोडत छत्रपती सहकारी साखर कारखाना बंद पाडला आहे. याचा मोठा परिणाम गाळपावर झाला आहे..कल्याण पश्चिममधील आधारवाडी चौकातील बिअर शॉपला भीषण आगसायंकाळी अचानक लागलेल्या आगीमुळे परिसरात भीतीचे वातावरणघटनेची माहिती मिळताच अग्निशमन दल घटनास्थळी दाखलआगीवर नियंत्रण मिळवण्याचा प्रयत्न सुरू,सुदैवाने कोणतीही जीवितहानी नाही, आगीचं कारण अस्पष्ट.चक्रीवादळ दितवामुळे पुद्दुचेरीमध्ये रेड अलर्ट जारी करण्यात आला आहे. जिल्हा प्रशासनाने जनतेला अनावश्यकपणे बाहेर न पडण्याचा सल्ला दिला आहे आणि सर्व विभागांना सतर्क राहण्यास सांगितले आहे. मत्स्यव्यवसाय विभागाने मच्छिमारांना समुद्रात न जाण्याचा इशारा दिला आहे आणि जे समुद्रात गेले आहेत त्यांनी ताबडतोब किनाऱ्यावर परत यावे. अराक्कोनम येथून ६० सदस्यांचे बचाव पथक पुद्दुचेरीत दाखल झाले आहे. वादळामुळे आज शाळा आणि महाविद्यालयांनाही सुट्टी जाहीर करण्यात आली आहे. या परिस्थितीत, आज सकाळपासून आकाश ढगाळ आहे आणि गेल्या एक तासापासून पुद्दुचेरीमध्ये मोठ्या प्रमाणात पाऊस पडत आहे..उद्या, ३० नोव्हेंबर रोजी सकाळी ११ वाजता सर्वपक्षीय बैठक बोलावण्यात आली आहे. लोकसभा आणि राज्यसभेच्या व्यवसाय सल्लागार परिषदेच्या बैठका उद्या दुपारी ४ वाजता बोलावण्यात आल्या आहेत..एका वरिष्ठ पोलिस अधिकाऱ्याने न्यायालयात हजेरी लावली आणि सांगितले की, २१ फेब्रुवारी रोजी हैदराबादमध्ये रॅडिकल स्टुडंट्स युनियनच्या कार्यक्रमात आरोपी उपस्थित असल्याचे दाखवणारा व्हिडिओ आहे. माओवाद्यांच्या समर्थनार्थ घोषणाबाजी करण्यात आली. आपल्याला हे सर्व सत्य पडताळून पाहण्याची गरज आहे, म्हणून आरोपींना ताब्यात घेणे आवश्यक आहे. न्यायालयाने पोलिसांना जामीन अर्जांवर नवीन उत्तर दाखल करण्यास सांगितले आहे. न्यायालय सोमवारी दुपारी २ वाजता जामीन अर्जांवर सुनावणी करेल..मुंबईतील घाटकोपरमध्ये राहणारे व्यापारी विशाल पंकज मेहता यांची ऋषभ सीलिंक अँड लॉजिस्टिक प्रायव्हेट लिमिटेड नावाची कंपनी आहे. या व्यवसायात त्यांची तब्बल 18.33 कोटी रुपयांची फसवणूक केली आहे. आर्थिक गुन्हे शाखेने या गुन्ह्याची नोंद केली आहे. ."सावंतवाडीत रुग्णालय नाही हा दोष राजकारणाचा आहे." अशी टीका शिवसेना नेते दीपक केसरकर यांनी केली असून भाजपच्या उमेदवार श्रद्धाराजे भोसले यांच्यावरही त्यांनी टीका केली..पुणे–मुंबई जुन्या एक्सप्रेस वेवर भीषण अपघातकार डिव्हायडरवर पलटी, ज्येष्ठ नागरिक बचावलेपुणे–मुंबई जुन्या एक्सप्रेस वेवर भीषण अपघाताची घटना कार पूर्णपणे डिव्हायडरवर पलटी गाडीत असलेले ज्येष्ठ नागरिक सुखरूप बचावले आहेतहा अपघात कामशेतजवळ झाल्याची माहिती समोर आली आहे.संतोष देखमुखांचं आज पहिलं पुण्यस्मरण आहे. यानिमित्त अजित पवार यांनी संतोष देखमुखांच्या कुटुंबीयांची भेट घेतली आहे. .- डॉक्टर बाबासाहेब आंबेडकरांनी याच मैदानात निवडणुकीची सभा केली होती...- ही निवडणूक लोकशाहीचा उत्सव आहे..- लोकशाहीमध्ये प्रत्येक व्यक्तीला एक मताच्या अधिकार आहे.- निर्णय घेण्याची अधिकार हे लोकशाहीने आपल्याला दिले आहेत आपल्या देशाचा प्रधानमंत्री कोण होईल याकरता लोकसभेत आपण मतदान करतो आपल्या राज्याचा मुख्यमंत्री कोण होईल याकरता विधानसभेत आपण मतदान करतो आणि आपल्या शहराचा अध्यक्ष कोण होईल याकरता आपण नगरपालिकेमध्ये मतदान करत असतो.- एक काळ असा होता राणीच्या पोटी राजा जन्माला... आता लोकशाहीने सांगितलं मताच्या पेटीतून राजा जन्माला येईल..- या निवडणुकीच्या माध्यमातून पुढच्या पाच वर्षाकरिता आपल्या शहराचा कारभार कोणाच्या हातामध्ये द्यायचा याचा निर्णय करण्याची वेळ आहे, असे देवेंद्र फडणवीस यांनी म्हटले आहे. .डोंगराळे येथील साडेतीन वर्षांच्या बालिकेची झालेली निर्घृण हत्या संपूर्ण जिल्ह्याला हादरवून गेली आहे. या अत्याचाराविरोधात लासलगावात महिलांचा आणि विद्यार्थिनींचा संताप उसळला आहे. आरोपीला तात्काळ फाशीची शिक्षा द्यावी या मागणीसाठी आज लासलगावातून भव्य निषेध मोर्चा काढण्यात आला. नागरिकांनी दुकाने बंद ठेवून या मोर्चाला मोठा पाठिंबा दिला. .उदगीर तालुक्यातील शेल्लाळ या गावी आरोपी मारोती भिंगे याने गावठी कठयाचा वापर करुन जिवे मारण्याच्या उद्देशाने तानाजी मुळे यास गोळी झाडून जखमी केले होते. याप्रकरणी जिल्हा व अतिरिक्त सत्र न्यायाधीश डी.बी. म्हालटकर यांनी आरोपीस भादवी प्रमाणे सश्रम जन्मठेपेची शिक्षा व २ लाख रुपये दंड कलम १२० ब प्रमाणे १० वर्षे सश्रम कारावास अशी शिक्षा ठोठावली आहे.दंडाच्या रक्कमेपैकी १ लाख रुपये जखमीला देण्याचे आदेश दिले आहेत. तसेच दंड न भरल्यास १ वर्षे सश्रम कारावास अशी शिक्षा आरोपीस दिली आहे. यातील दुसरा आरोपीची सबळ पुराव्या अभावी निर्दोष मुक्तता केली आहे..बीडच्या माजलगाव मध्ये आज उपमुख्यमंत्री अजित पवार यांची सभा पार पडली. यानंतर एका शेतकऱ्याने ऊसाला भाव मिळत नाही म्हणत जय जवान, जय किसान अशा घोषणा दिल्या. यानंतर तात्काळ पोलिसांनी त्या व्यक्तीला ताब्यात घेतलं.सध्या माजलगावमध्ये ऊस उत्पादकांचे आंदोलन पेटलेले आहे. ऊसाला चार हजार रुपयांचा भाव देण्यासाठी ऊस उत्पादकांनी आंदोलन सुरू केलेले आहे..निम्न पैनगंगा प्रकल्प धरण विरोधी संघर्ष समितिची सकारात्मक चर्चा न झाल्याने पोलिस बंदोबस्त झुगारून समितीचे पदाधिकारी आता घुसलेपैनगंगा नदीवर तणावाची स्थितीविदर्भ पाटबंधारे विभागाच्या अधिकाऱ्यांनी काढला पळपोलिस बंदोबस्त वाढवला,तणावाची परस्थिती.विविध राजकीय घडामोडींच्या पार्श्वभूमीवर, निवडणूकीच्या काळात कायदा व सुव्यवस्था टिकून रहावी यासाठी, भोर शहरातील प्रमुख बाजारपेठ मार्गांवरून आणि संवेदनशील भागातून काढला रूटमार्चगुन्हेगारी प्रवृत्तीवर पोलिसांचा वचक असावा तसेच परिसरात निवडणूकीच्या काळात काही अनुचित घटना घडू नये या करिता भोर पोलिसांकडून या रूटमार्चचे आयोजनमतदार राजांनी कोणत्याही धमक्या तसेच कोणत्याही अफवांना बळी न पडता निर्भयपणे मतदानाचा हक्क बजावावा आणि निवडणूक प्रक्रिया शांततेत पार पाडावी, पोलिसांकडून नागरिकांना आवाहन...नंदुरबार जिल्ह्यातील शहादा आणि तळोदा शहरांमध्ये मंत्री गिरीश महाजन यांनी भाजप उमेदवारांच्या प्रचारासाठी महासंकल्प सभा आयोजित केली होती. तळोदा नगर परिषदेमध्ये भाजपचे नगराध्यक्ष पदाचे उमेदवार जितेंद्र सूर्यवंशी,आणि शहादा पालिकेत नगरपाध्यक्ष पदाचे उकेदवार मकरंद पाटील यांच्या समर्थनार्थ त्यांनी ही सभा घेतली. विशेष म्हणजे, याच तळोदा शहरात, दोन दिवसांपूर्वी, भाजप उमेदवारीचा विरोध करणाऱ्यांसाठी उपमुख्यमंत्री एकनाथ शिंदे यांनी देखील एक जाहीर सभा घेतली होती. या पार्श्वभूमीवर, गिरीश महाजन यांच्या सभेला विशेष महत्त्व प्राप्त झाले आहे..सासवड नगर परिषदेसाठी दोन तारखेला मतदान होत आहे. सासवड नगरपरिषद ही देशात स्वच्छतेच्या बाबतीत प्रथम क्रमांकाने आलेली नगरपरिषद आहे. या ठिकाणच्या समस्या अजूनही सुटलेल्या नाहीत. सासवड नगर परिषदेमध्ये गेली वीस वर्ष जगताप यांची एक हाती सत्ता राहिली आहे. जगताप काँग्रेसमध्ये होते ते आता भाजपमध्ये गेले आहेत. भाजप विरुद्ध शिवसेना अशी लढत सासवडमध्ये पाहायला मिळत आहे. .देवेंद्र फडणवीस,एकनाथ शिंदेंची जोडी म्हणजे फेविकॉलचा जोड,एक विचाराने काम करतातसीएम म्हणजे चीफ मिनिस्टर नाही तर कॉमन मॅन समजत होतो,चीफ मिनिस्टर म्हटल्यावर सोन्याची शिंगे येतात का एकनाथ शिंदेंच्या वक्तव्याबाबत फडणवीसांवर रोख आहे का विचारलं असता भाष्यतर ऑपरेशन टायगर महाराष्ट्रात सुरूच आहे,परिवहनमंत्री प्रताप सरनाईक यांचं मोठं वक्तव्य.सांगलीतील अरुण–ईश्वरपूर नगर परिषद निवडणुकीत भाजप महायुतीच्या प्रचारासाठी राज्याचे उच्च व तंत्रशिक्षण तसेच सांगलीचे पालकमंत्री चंद्रकांतदादा पाटील यांनी दुचाकीवरून घराघरांत जाऊन मतदारांशी संवाद साधला. या दौऱ्यात प्रत्येक ठिकाणी त्यांचे उत्साहपूर्ण स्वागत करण्यात आले..भंडाऱ्यात अजित पवारांच्या राष्ट्रवादी काँग्रेसनं दिलेल्या एका उमेदवारीची सर्वत्र चर्चा रंगली आहे.अजित पवारांच्या राष्ट्रवादीनं एकाच प्रभागात पती-पत्नीला उमेदवारी दिली आहे.अरुण भेदे आणि त्यांची पत्नी अपर्णा भेदे या दोघांना राष्ट्रवादीने एकाच प्रभागातून उमेदवारी दिली.दोघेही पती-पत्नी एकमेकांसोबत नगराध्यक्षपदाच्या सुषमा साखरकर यांच्यासाठी मते मागत फिरत आहेत..बदलापूर नगरपालिकेच्या निवडणुकीत अजित पवार राष्ट्रवादीच्या दोन महिलांना पैशांची पाकीट वाटताना शिंदे गटाच्या कार्यकर्त्यांनी रगेहात पकडल्यानं राजकीय वर्तुळात एकच खळबळ उडाली.ही घटना बदलापूर पश्चिम भागतील पनवेलकर संकुल परिसरात घडली.याप्रकरणी बदलापूर पश्चिम पोलीस ठाण्यात विविध कलमानुसार गुन्हा दाखल करत पोलिसांनी तपास सुरु केलाय.सीमा कबूल आणि सुनिता चौधरी असं गुन्हा दाखल झालेल्या महिलांची नावे आहेत.पैसे वाटपावरून प्रभाग क्रमांक 1चे शिवसेना उमेदवार तुकाराम म्हात्रे आणि राष्ट्रवादीचे उमेदवार प्रभाकर पाटील यांच्यात शाब्दिक बाचाबाचीही झाली होती..भाजप आमदार सुरेश धस यांच्या गळ्यात पडून धनंजय देशमुख धाय मोकलून रडलेसंतोष देशमुख यांचा आज प्रथम पुण्यस्मरण आहेनिमित्ताने भाजप आमदार सुरेश धस मस्सा जोग मध्ये दाखल झाले आहेतआमदार सुरेश धस यांच्यासमोर धनंजय देशमुख धाय मोकलून रडले.ओबीसींचे राज्यातील स्थानिक स्वराज्य संस्थांमधील आरक्षण २७ टक्क्यांवरून किमान ३७ टक्क्यांपर्यंत वाढले पाहिजे, अशी ठाम भूमिका हरिभाऊ राठोड माजी खासदार तथा ओबीसी आरक्षण अभ्यासक यांनी व्यक्त केली. बांटीया आयोगाच्या अहवालानुसार राज्यातील ओबीसींची लोकसंख्या तब्बल ३७.८८ टक्के असल्याचे त्यांनी नमूद करत, या प्रमाणावर आधारित न्याय्य प्रतिनिधित्व मिळणे आवश्यक असल्याचे सांगितले. ओबीसी समाजाचा हक्क अबाधित ठेवण्यासाठी सर्वोच्च न्यायालयात रिव्ह्यू पिटीशन दाखल करून आरक्षणाच्या लढ्याला नवी धार देणे अत्यावश्यक असल्याचेही राठोड यांनी स्पष्ट केले..अंधेरीतील गणेशनगर परिसरात घडलेल्या खुनाच्या गंभीर प्रकरणाचा वेगाने तपास करत अंधेरी पोलीस ठाणे आणि पश्चिम विभागाच्या गुन्हे शाखेच्या संयुक्त पथकाने अवघ्या ८ तासांत दोघा आरोपींना अटक करण्यात यश मिळवले. गुन्हा घडल्यानंतर तातडीने तपासाची चक्रे फिरवत पोलिसांनी मिळालेल्या धागेदोऱ्यांवर नेमकेपणाने काम करून आरोपींना जेरबंद केले. या जलद कारवाईमुळे परिसरातील भीतीचे वातावरण कमी झाले असून पोलिसांच्या तत्परतेचे कौतुक होत आहे..नागपूर पुस्तक महोत्सवात ‘भारत बोध’ या महत्त्वपूर्ण विषयांतर्गत सरसंघचालक डॉ. मोहन भागवत युवा लेखकांशी संवाद साधणार आहेत. रेशीमबाग मैदानावर होणाऱ्या या कार्यक्रमाला राष्ट्रीय पुस्तक न्यासचे अध्यक्ष मिलिंद मराठे यांची विशेष उपस्थिती लाभणार आहे. साहित्य, संस्कृती आणि नव्या पिढीच्या विचारमंथनाला चालना देणारा हा संवाद युवा लेखकांसाठी प्रेरणादायी ठरणार आहे..मुंब्रा देवी कॉलनीतील अर्थव संकुलातील गणेश मंदिरातील दानपेटीतील पैसे चोरण्याचा चोरट्याचा प्रयत्न अपयशी ठरला. देवासमोरच चोरीचा प्रयत्न करताना, दानपेटी उचलूनही पैसे न मिळाल्याने चोरट्याने ती जागेवर ठेवून गाभाऱ्यातून पळ काढला. मात्र, मंदिरातील सीसीटीव्ही फुटेजमध्ये त्याचे कृत्य स्पष्टपणे कैद झाले असून पोलिस या घटनेचा तपास करत आहेत..बेंगळुरू: कर्नाटकचे उपमुख्यमंत्री डीके शिवकुमार यांनी मुख्यमंत्री सिद्धरामय्या यांच्या निवासस्थानी नाश्त्यासाठी भेट घेतली..नाशिककरांच्या आंदोलनाला आमचा पाठिंबा- झाडं आपले आई वडील- तपोवनातील एकही झाड तुटू देणार नाही- जगात एकच सेलिब्रिटी ते म्हणजे झाड- नाशिककरांच्या आंदोलनाला महाराष्ट्रातील सर्व पर्यावरणप्रेमींचा पाठिंबा- तुम्ही आवाज द्या आम्ही नाशिकला येऊ.महाराष्ट्राचे मुख्यमंत्री तसेच गडचिरोली जिल्ह्याचे पालकमंत्री यांची गडचिरोली येथे आज जाहीर प्रचार सभामुख्यमंत्र्यांची प्रचार तोफ आज गडचिरोली येथे धडाडणारगडचिरोली, आरमोरी आणि देसाईगंज येथील नगर परिषदेच्या निवडणुकीच्या पार्श्वभूमीवर होणार प्रचार सभामतदारांना देवेंद्र फडणवीस काय संबोधित करणार याकडे सर्वांचे लक्षमहायुती व महाविकास आघाडी यांनी एकला चलो चा नारा दिल्यामुळे फडणवीस मतदारांना काय आवाहन करणार याकडे सुद्धा सर्वांचे लक्षसुरक्षेच्या दृष्टिकोनातून पोलिसांचा चोख बंदोबस्तजिल्ह्याचे पालकमंत्री असल्यामुळे मुख्यमंत्र्यांच्या वक्तव्यांकडे सर्वांचे लक्ष.दोन भावांच्या भांडणात धाराशिव जिल्ह्याच नुकसानपालकमंत्री प्रताप सरनाईक यांचा खासदार ओमराजे निंबाळकर आणि आमदार राणाजगजीतसिंह पाटील यांच्यावर हल्लाबोलएक पाण्यात उतरून रील बनवतो,तर दुसरा सोशल मीडियावर स्वतः स्वतः ची पाठ थापटून घेतोउमरगा येथील शिवसेनेचे किरण गायकवाड यांच्या प्रचारसभेत बोलताना ओमराजे निंबाळकर आणि राणाजगजितसिंह पाटलांवर सरनाईक यांचा अप्रत्यक्ष निशाणा.पुण्यात थंडीचा पारा घटला आहे. मात्र, १ डिसेंबर पासून राज्यात थंडी वाढणार आहे. किमान तापमानात घट होण्याची शक्यता आहे. पुढील तीन दिवसांत २ ते ३ अंश सेल्सियसने तापमानात घट होणार आहे..बीड : सरपंच देशमुख यांच्या हत्या प्रकरणाला आज एक वर्ष पूर्ण होत आहे. प्रथम पुण्यस्मरणाच्या कार्यक्रमानिमित्त समाधान महाराज शर्मा यांचा मस्साजोगमध्ये किर्तनाचा कार्यक्रम ठेवला आहे. मस्साजोगमध्ये आज मनोज जरांगे पाटील, आमदार सुरेश धस, आमदार संदीप क्षीरसागर, खासदार बजरंग सोनवणे, आमदार विजयसिंह पंडित, आमदार प्रकाश सोळंके उपस्थित राहणार आहेत..मुंबई : भारतीय प्रशासकीय सेवेतील अधिकारी राजेश अग्रवाल यांची राज्याच्या मुख्य सचिवपदी नियुक्ती करण्यात आली आहे. सध्याचे मुख्य सचिव राजेश कुमार मीना हे ३० नोव्हेंबरला निवृत्त होत आहेत. त्यांच्या निवृत्तीनंतर एक डिसेंबरपासून अग्रवाल हे मुख्य सचिवपदाची सूत्रे हाती घेणार आहेत. अग्रवाल हे १९८९ च्या तुकडीचे आयएएस अधिकारी आहेत. राजेश अग्रवाल हे केंद्र सरकारमध्ये यापूर्वी दिव्यांग कल्याण विभागाचे सचिव म्हणून कार्यरत होते..कोल्हापूर : ‘टीईटी’ आणि संचमान्यतेचा १५ मार्च २०२४ चा आदेश रद्द करावा, यासह अन्य मागण्यांसाठी येत्या पाच डिसेंबरला जिल्ह्यातील सर्व प्राथमिक, माध्यमिक व उच्च माध्यमिक शाळांचे बंद आंदोलन यशस्वी करावे, असे आवाहन शिक्षक आमदार जयंत आसगावकर यांनी आज येथे केले. त्या दिवशी दसरा चौकातून जिल्हाधिकारी कार्यालयावर सकाळी अकरा वाजता मोर्चा काढण्यात येणार आहे. त्यात सर्वांनी सहभागी व्हावे, असेही ते म्हणाले..नवी दिल्ली : रशियाचे अध्यक्ष व्लादीमिर पुतीन हे वार्षिक शिखर परिषदेसाठी चार आणि पाच डिसेंबर या काळात भारत दौऱ्यावर येणार आहेत. परराष्ट्र मंत्रालयाने आज पुतीन यांच्या दौऱ्याची घोषणा केली. या दौऱ्यात त्यांची पंतप्रधान नरेंद्र मोदींसमवेत बैठक होईल. द्विपक्षीय संबंधांसह प्रमुख प्रादेशिक आणि जागतिक मुद्द्यांवर या बैठकीत चर्चा होणे अपेक्षित आहे..बंगळूर : कर्नाटकच्या राजकारणात अनपेक्षित घडामोडींची चिन्हे स्पष्टपणे दिसू लागली आहेत. ठरलेल्या करारानुसार मुख्यमंत्रिपद मिळविण्यासाठी दृढनिश्चयाने प्रयत्नरत असलेले उपमुख्यमंत्री डी. के. शिवकुमार आता निर्णायक पावले उचलत असल्याचे संकेत मिळत आहेत. शुक्रवारी (ता. २८) दुपारी शिवकुमार यांचे बंधू आणि खासदार डी. के. सुरेश यांनी दिल्ली गाठली असून, ते सत्ता वाटपाच्या चर्चांमध्ये सहभागी झाल्याची माहिती मिळत आहे. त्यामुळे त्यांची दिल्ली भेट महत्त्वाची ठरली आहे..Latest Marathi Live Updates 29 November 2025 : राज्यातील स्थानिक स्वराज्य संस्थांच्या निवडणुकीच्या मार्गातील कायदेशीर अडथळा अखेर दूर झाला. सर्वोच्च न्यायालयाने ज्या ५७ स्थानिक संस्थांमध्ये आरक्षणाची पन्नास टक्क्यांची मर्यादा ओलांडण्यात आली तेथील प्रक्रिया ही आगामी निकालाच्या अधीन ठेवतानाच उर्वरित ठिकाणी निवडणूक घेण्यास हिरवा कंदील दर्शविला आहे. तसेच रशियाचे अध्यक्ष व्लादीमिर पुतीन हे वार्षिक शिखर परिषदेसाठी चार आणि पाच डिसेंबर या काळात भारत दौऱ्यावर येणार आहेत. परराष्ट्र मंत्रालयाने पुतीन यांच्या दौऱ्याची घोषणा केली. भारतीय प्रशासकीय सेवेतील अधिकारी राजेश अग्रवाल यांची राज्याच्या मुख्य सचिवपदी नियुक्ती करण्यात आली आहे. सध्याचे मुख्य सचिव राजेश कुमार मीना हे ३० नोव्हेंबरला निवृत्त होत आहेत. त्यांच्या निवृत्तीनंतर एक डिसेंबरपासून अग्रवाल हे मुख्य सचिवपदाची सूत्रे हाती घेणार आहेत. ‘टीईटी’ आणि संचमान्यतेचा १५ मार्च २०२४ चा आदेश रद्द करावा, यासह अन्य मागण्यांसाठी येत्या पाच डिसेंबरला जिल्ह्यातील सर्व प्राथमिक, माध्यमिक व उच्च माध्यमिक शाळांचे बंद आंदोलन यशस्वी करावे, असे आवाहन शिक्षक आमदार जयंत आसगावकर यांनी केले. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Update: देश-विदेशात दिवसभरात काय काय घडलं? जाणून घ्या एका क्लिकवर...

Chhatrapati Samabhaji Nagar : वाळूज परिसरात बिअरचा ट्रक उलटला

Related Stories