Latest Marathi News Live Update: देश-विदेशासह राज्यात दिवसभरात काय घडलं? वाचा एका क्लिकवर

पुण्यातील टीडीआर प्रकरणात मुख्यमंत्री देवेंद्र फडणवीस यांनी चौकशीचे आदेश दिले आहेत..बच्चू कडू यांच्या आंदोलनानंतर राज्य सरकारने शेतकरी कर्जमुक्ती प्रकरणी उच्च अधिकार समिती स्थापन करण्याचा निर्णय घेतला आहे. येत्या सहा महिन्यात समितीला अहवाल सादर करण्याचे आदेश देण्यात आले आहेत..शेतकरी कर्जमाफीच्या मागणीसाठी बच्चू कडू आणि आंदोलक शिष्टमंडळाची बैठक सुरु झाली आहे..सरदार वल्लभभाई पटेल यांच्या जयंतीचे औचित्य साधून, मोहोळ पोलीस ठाण्याच्या वतीने शुक्रवार दि. 31 रोजी सकाळी साडेसहा वाजता "रन फॉर युनिटी" या उपक्रमाचे आयोजन केल्याची माहिती मोहोळ पोलीस ठाण्याचे पोलीस निरीक्षक हेमंत शेडगे यांनी दिली. .केज: बीडच्या केज तालुक्यातील बनसारोळा प्राथमिक आरोग्य केंद्राअंतर्गत असलेल्या ईस्थळ उपकेंद्रातील शासकीय निधीचा अपहार केल्याचे समोर आले आहे. या प्रकरणी वैद्यकीय अधिकारी, आरोग्य सेविका व आयडीबीआय बँकेच्या शाखा अधिकाधिरी यांच्या विरोधात तालुका आरोग्य अधिकाऱ्यांच्या तक्रारीवरून बुधवारी (ता.२९) युसुफवडगाव पोलीस ठाण्यात गुन्हा दाखल करण्यात आला आहे..पवई मध्ये आज मुलांना डांबून ठेवण्यात आले त्या माध्यमातून ब्लॅकमेल करण्याचा धक्कादायक प्रकार समोर आला आहे. रोहित आर्या याचे म्हणणे होते की त्याने पीएलसी स्वच्छता मॉनिटर आणि मुख्यमंत्री माझी शाळा,सुंदर शाळा या योजनेमध्ये काम केले होते.त्याचे पैसे त्याला मिळावे अशी त्याची मागणी होती.यासाठी आधी त्याने उपोषण देखील केले होते. आज पवई मध्ये ही घटना झाल्यावर त्याचे एन्काऊंटर देखील करण्यात आले.यातून मुंबईतील कायदा आणि सुव्यवस्था ढासळली आहे. यासाठी सरकार जबाबदार आहे..रोहित आर्या एन्काऊंटर प्रकरणाचा तपास आता मुंबई क्राईम ब्रांच कडे दिला आहे..सोलापूर जिल्ह्यातील माढा तालुक्यातील आलेगाव (बुद्रुक) येथील राजवी अॅग्रो पाॅवर प्रा. लि. या साखर कारखान्याने यंदाच्या गाळप हंगामात ३००१ रूपये प्रति मेट्रिक टन उस दर जाहीर केला असून सोलापूर जिल्ह्यातील ऊस दराची कोंडी फोडली आहे. सोलापूर जिल्ह्यात ४० कारखाने असून अंतिम दर सर्वप्रथम राजवी ऍग्रो पाॅवर इंडस्ट्रीज या साखर कारखान्याने जाहिर केला आहे. .मुंबईत पोलिस कारवाईदरम्यान मृत्यू झालेल्या पुणेकर ठेकेदार रोहित आर्या प्रकरणात नवे वळण आले आहे. सूत्रांच्या माहितीनुसार, हे प्रकरण आता वरिष्ठ स्तरापर्यंत जाण्याची शक्यता आहे. रोहित आर्याने यापूर्वी पुण्यातील काही मोठ्या व्यक्तींवर, पोलिस अधिकारी, मनपा अधिकारी आणि एका माजी मंत्र्यावर गंभीर आरोप केले होते. दोन कोटी रुपयांच्या बकायामुळे तो वारंवार उपोषण आणि आंदोलन करत होता. व्यवसायाने बँकर आणि डायरेक्टर राहिलेला रोहित अचानक मानसिकदृष्ट्या अस्वस्थ होता, हा दावा अनेकांना संशयास्पद वाटत आहे.या सर्व प्रकरणावर मुंबई पोलिसांनी तपास सुरू केला असून, वरिष्ठ अधिकाऱ्यांचा सहभाग लक्षात घेता तपास अतिशय सावधपणे केला जात आहे. “आरोपींची यादी आणि संबंध लवकरच स्पष्ट होतील,” असे पोलिस सूत्रांनी सांगितले..बीड तालुक्यातील पाली येथे गुरुवारी पहाटे चोरट्यांनी कॅनरा बँकेत मोठी चोरी केली. या घटनेत जवळपास आठरा लाख रुपयांची रोकड चोरट्यांनी लंपास केली. चोरट्यांनी पहाटेच्या सुमारास बँकेच्या मागील बाजूची भिंत फोडून आत प्रवेश केला. त्यानंतर त्यांनी गॅस कटरच्या सहाय्याने लॉकर तोडून रोकड काढून नेली. बीड ग्रामीण पोलीस ठाण्याचे अधिकारी तसेच स्थानिक गुन्हे शाखेचे पथक घटनास्थळी दाखल झाले असून अधिक तपास सुरू आहे..नांदेडच्या माहूर तालुक्यातील सारखणी-भगवती रस्त्याची अनेक दिवसापासून दुरावस्था. रस्त्यावरील पाणीसाचलेल्या खड्ड्यात बसून शाळकरी मुले व गावकऱ्यांनी केले आंदोलन.आदिवासी बहुल भागात दहा वर्षापासून रस्त्याची दुरावस्था. छोट्या मोठ्या अपघातांना निमंत्रण, शाळकरी विद्यार्थी व रुग्णांना होतोय मोठा त्रास..अरबी समुद्रात निर्माण झालेल्या वादळामुळे समुद्रात लाटांचा जोर वाढला असून मच्छीमारांच्या सुरक्षेच्या दृष्टीने गुजरात राज्यातील जाफराबाद येथून निघालेल्या अनेक मासेमारीच्या बोटीने सध्या मीरा-भाईंदरचा उत्तन किनाऱ्यावर आश्रय घेतलेला आहे. वादळाचा धोका लक्षात घेऊन स्थानिक प्रशासन आणि मत्स्य व्यवसाय विभागाने मच्छीमारांना समुद्रात न जाण्याच्या सूचना दिल्या आहेत..डोंबिवलीत फेरीवाल्याचा एका व्यक्तीवर जीवघेणा हल्लारुग्णालयासमोर खराब नारळ विकण्यास विरोध केल्याने फेरीवाल्यांनी चाकूने केला जीवघेणा हल्लाहल्ल्यात फिर्यादी गंभीर जखमी, खाजगी रुग्णालयात उपचार सुरूडोंबिवली MIDC परिसरातील एम्स’ हॉस्पिटल परिसरातील घटनामानपाडा पोलीस ठाण्यात गुन्हा दाखल, आरोपीचा शोध सुरू.फलटणमधील डॉक्टर आत्महात्या प्रकरणी संशयित आरोपी प्रशांत बनकर, गोपाळ बदणे यांना २ दिवसाची पोलिस कोठडी सुनावण्यात आली आहे.पवईमध्ये लहान मुलांना ओलीस ठेवणाऱ्या आरोपी रोहित आर्य याचा पोलिसांच्या गोळीबारात मृत्यू झाला आहे..पवईमध्ये १७ मुलांना ओलीस ठेवणारा आरोपी रोहित आर्य याने कारवाईदरम्यान पोलिसांवर गोळीबार केला. त्याप्रत्युत्तरात पोलिसांकडून करण्यात आलेल्या गोळीबारात रोहित आर्य जखमी.अमरावतीत रा. सु. गवई यांच्या स्मारकाचं लोकार्पण महाराष्ट्राचे मुख्यमंत्री देवेंद्र फडणवीस यांच्या हस्ते सरन्यायाधीश भूषण गवई यांच्या उपस्थितीत झाले. .डोंबिवलीतील MIDC परिसरात असलेल्या ‘एम्स’ हॉस्पिटलसमोर फेरीवाल्याने एका व्यक्तीवर जीवघेणा हल्ला केला. खराब नारळ विकण्यास विरोध केल्याने संतापलेल्या फेरीवाल्यांनी चाकूने हल्ला चढवला. यात फिर्यादी गंभीर जखमी झाला असून त्याच्यावर खाजगी रुग्णालयात उपचार सुरू आहेत. या घटनेची नोंद मानपाडा पोलीस ठाण्यात झाली असून पोलिसांनी आरोपीच्या शोधाला सुरुवात केली आहे..मुंबईतील पवई परिसरात स्टुडिओत ओलीस ठेवलेल्या मुलांची अखेर सुटका करण्यात आली आहे. आरोपी रोहित आर्यला पोलिसांनी ताब्यात घेतले असून, त्याने मुलांना ओलीस का ठेवले होते याबाबत चौकशी सुरू आहे..जालना जिल्ह्यातील पाथरूड गावात जुलै महिन्यात झालेल्या अतिवृष्टीमुळे शेतकरी अनिल खोत यांच्या कांदा पिकाचे मोठे नुकसान झाले. मात्र, तलाठी, ग्रामसेवक आणि कृषी सहाय्यक यांनी जाणूनबुजून पंचनामा न केल्याचा आरोप शेतकऱ्यांनी केला आहे. त्यामुळे शेतकरी अनुदानापासून वंचित राहण्याची शक्यता निर्माण झाली आहे. पाथरूड परिसरातील काही अधिकाऱ्यांनी गावात बसून बोगस पंचनामे केल्याचाही आरोप करण्यात आला असून, या प्रकरणाची चौकशी करून योग्य ती कारवाई करण्याची मागणी शेतकऱ्यांनी जिल्हाधिकाऱ्यांकडे निवेदनाद्वारे केली आहे..अमरावती उपमुख्यमंत्री अजित पवार यांच्या ताफ्याला दाखवले काळे झेंडे.. अमरावती जिल्ह्यातील तळेगाव दशासर येथे शेतकऱ्यांनी दाखवले काळे झेंडे..यवतमाळची सभा संपवून उपमुख्यमंत्री अजित पवार अमरावती येत असताना दाखवले काळे झेंडे..सकाळपासून अमरावतीच्या विविध भागात पाऊस सुरू असताना देखील शेतकऱ्यांनी पावसात उभे राहून दाखवले काळे झेंडे..सरकारने शेतकऱ्यांची कर्जमाफी करावी अशी मागणी यावेळी करण्यात आली..जोपर्यंत सरकार शेतकऱ्यांची कर्जमाफी करणार नाही तोपर्यंत वेगवेगळ्या पद्धतीने आंदोलन करणार असल्याचा शेतकऱ्यांचा इशारा..लातूर जिल्ह्यात काल झालेल्या मुसळधार पावसामुळे रेणा नदीला पूर आला होता, दरम्यान पुराचे पाणी ओसरल्यानंतर नदीत वाहून गेलेल्या सोयाबीनचा ढीग वाचवण्यासाठी शेतकऱ्याने धडपड केली आहे.नदीवरील लोखंडी पुलाला सोयाबीनचा ढीग अडकला होता ,, प्रवाह कमी झाल्याने वाहून गेलेल सोयाबीन वाचवण्यासाठी, रेनापुर तालुक्यातल्या गोविंद पाटील या शेतकऱ्याने पदरात काही ना काही तरी पडेल या आशेने, जेसीबीच्या साह्याने सोयाबीनचा ठीक बाजूला काढण्याचा प्रयत्न केला आहे..पुण्यातल्या मॉडेल कॉलनीत असलेल्या सेट हिराचंद नेमचंद दिगंबर जैन बोर्डिंग चा व्यवहार बेकायदेशीर झाल्याचा आरोप करण्यात येत होता. या विरोधात गेले पंधरा दिवसाहून अधिक काळ आंदोलन मोर्चे होत होते.आरोप प्रत्यारोप झाले. मात्र आज अखेर जैन बोर्डिंग व्यवहार धर्मादाय आयुक्त यांनी अखेर रद्द केला.याच बाबत जैन समाज आणि याचा लढा देणाऱ्यांची बातचीत केले आहे .मंत्रालयासमोर फलटण येथील डॉक्टर महिला आत्महत्याप्रकरणी राष्ट्रवादी काँग्रेस शरद पवार गटानं मोर्चा पुकारला आहे. फलटण महिला डॉक्टर आत्महत्याप्रकरणी शरद पवार गटानं आंदोलन छेडलंय..पुणे शहरात टोळक्यांकडून दहशत माजवण्याचे प्रकार त्यासोबतच गुंडागर्दी करण्याचे प्रकार काही थांबत नाहीय. पुण्यातील मंगळवार पेठेत असलेल्या जुना बाजार चौकात एका टोळक्याने एका चार चाकी मध्ये असलेल्या व्यक्तीला बेदम मारहाण केल्याचा व्हिडिओ समोर आला आहे. ही घटना काल मंगळवारी रात्री उशिरा घडली असून, या व्हिडिओ मध्ये काही तरुण या चौकाजवळ असलेल्या एका चार चाकी वाहनात बसलेल्या तरुणाला बेली ने बेदम मारहाण करत असल्याचा दिसत आहे. सोशल मीडियावर व्हायरल झालेल्या मारहाणीचे करण समजू शकले नाही...ठाणे महानगरपालिका क्षेत्रातील वागळे प्रभाग समिती व लोकमान्य सावरकर नगर प्रभाग समिती अंतर्गत इंदिरानगर संप येथे पाणी पुरवठा करण्यासाठी नव्याने अंथरण्यात आलेले 1168 मि.मी व्यासाची जलवाहिनी कार्यान्वित करण्यात येणार आहे. यासाठी नितिन कंपनी जंक्शन येथे 750मि.मी व्यासाच्या जलवाहिनीवर व्हॉल्व्ह बसविण्याचे काम करणे आवश्यक असल्याने शनिवार दिनांक 1/11/2025 रोजी सकाळी 9.00 ते रविवार दिनांक 02/11/2025 रोजी सकाळी 9.00 वाजेपर्यत एकूण 24 तास पाणीपुरवठा बंद ठेवण्यात येणार आहे..प्रवाशांचा वाढता ताण लक्षात घेता लोकल आता बारा डब्यांच्या ऐवजी पंधरा डब्याची केली जाणार..भविष्यातील वाढणारी लोकसंख्या अंदाजात पाहता मध्य रेल्वे कडून.फलाट क्रमांक दोन ची रुंदी १६.१५ मीटर वाढण्यात येणार आहे. तर फलाट क्रमांक तीन आणि चारची रुंदी हे ४० मिटर वाढण्यात येणार आहे.प्रहार पक्षाचे नेते बच्चू कडू यांचे शेतकऱ्यांच्या कर्जमुक्ती साठी नागपूर येथे आंदोलन सुरू आहे . या आंदोलनाला पाठिंबा म्हणून मोताळा येथे शेतकऱ्यांनी भजन आंदोलन करत रस्ता रोको केलाय .शेतकऱ्यांनी मोताळा ते बुलढाणा रस्त्यावर बसून हे आंदोलन केले आहे . तर यावेळी सरकार विरोधात जोरदार घोषणाबाजी सुद्धा करण्यात आलीय .. .स्वाभिमानी शेतकरी संघटनेच्या माळशिरस तालुक्यातील पदाधिकाऱ्यांनी राजेवाडी येथील सद्गुरु साखर कारखान्याच्या मोळी पूजन प्रसंगी गोंधळ घालून हा कार्यक्रम उधळून लावण्याचा प्रयत्न केला.सद्गुरु साखर कारखान्याने मागील हंगामातील शंभर रुपये वाढीव थकीत ऊस बिल दिले नसल्यामुळे स्वाभिमानी शेतकरी संघटनेच्या पदाधिकाऱ्यांनी तालुकाध्यक्ष अजित बोरकर यांच्या नेतृत्वाखाली हे आंदोलन केलं यामुळे बराच वेळ त्या ठिकाणी गोंधळ निर्माण झालेला होता..माजी उपमुख्यमंत्री विजयसिंह मोहिते पाटील यांच्या घरात फुट चुलत बंधू हिंदूराव माने पाटील भाजपच्या वाटेवरऐन निवडणुकांच्या तोंडावर मोहिते पाटील यांना धक्काहिंदूराव माने पाटील व त्यांच्या कुटुंबीयांनी मुख्यमंत्री देवेंद्र फडणवीस यांची घेतली भेटलवकरच अकलूज येथे पक्ष प्रवेश सोहळ्याचे आयोजन राम सातपुते - मोहिते पाटील संघर्ष पेटण्याची शक्यता.साताऱ्यातील फलटण येथील उपजिल्हा रुग्णालयातील डॉक्टर महिलेने हातावर सुसाईड नोट लिहून आत्महत्या केली. या प्रकरणात एसटीची स्थापना करण्याची मागणी नातेवाईकांनी केली आहे, परंतु सरकार जाणीवपूर्वक दुर्लक्ष करत असल्याचा आरोप करत ग्रामस्थांनी कवडगाव येथील टाक्याच्या पानावर आंदोलन केले आहे. तात्काळ एस आय टी स्थापन करावी, अन्यथा आम्ही आंदोलन मागे घेणार नाही, असा निर्धार त्यांनी व्यक्त केला आहे. यावेळी शिवसेना ठाकरे गटाच्या उपनेत्या सुषमा अंधारे आंदोलन स्थळी पोहोचल्या आहेत..धनगर आंदोलनाचे दीपक बोऱ्हाडे बच्चू कडू यांच्या आंदोलनात सहभागी होण्यासाठी लवकरच जालन्यातून नागपूरकडे रवाना होणार आहेत. शेतकऱ्यांच्या कर्जमाफीच्या मागणीसाठी नागपूर येथे बच्चू कडू यांचे आंदोलन सुरू आहे. मराठा आंदोलक मनोज जरांगे पाटील यांच्या पाठोपाठ आता धनगर आंदोलक दीपक बोऱ्हाडे देखील बच्चू कडू यांना पाठिंबा देण्यासाठी जालन्यातून रवाना होणार आहेत..हवामान खात्याचा नंदुरबार जिल्ह्याला येलो अलर्ट.. नंदुरबार जिल्ह्यात सलग पाचव्या दिवशी पावसाचा जोर कायम.. अवकाळी पावसामुळे शेतात पाणी साचायला सुरुवात.... सततच्या पावसामुळे शेतकरी हैराण.....मुंबईतील KEM रुग्णालयात डॉक्टरवर चाकूने जीवघेणा हल्ला. हल्ला रुग्णालयातील महिला कर्मचाऱ्याच्या भावाने केल्याची माहिती. आरोपीला डॉक्टर आणि त्याच्या बहिणीतील संबंधांचा होता राग. संतापातून आरोपीने रुग्णालयातच डॉक्टरवर चाकूने वार केले. डॉक्टर गंभीर जखमी, त्यांच्यावर सध्या केईएममध्येच उपचार सुरू. हल्ल्यानंतर आरोपी आणि त्याचे दोन साथीदार घटनास्थळावरून फरार. पोलिसांनी हत्या करण्याच्या प्रयत्नाचा गुन्हा दाखल केला. भोईवाडा पोलिस ठाण्याकडून आरोपींच्या शोधासाठी विशेष पथक कार्यरत. घटनेमुळे रुग्णालय परिसरात तणावाचे वातावरण. या घटनेने रुग्णालय सुरक्षेवर मोठे प्रश्नचिन्ह उपस्थित झाले आहे..हवामान खात्याने दिलेल्या इशाऱ्यानुसार नांदेड जिल्ह्यात मुसळधार पावसाला सुरुवातनांदेड शहरासह जिल्हाभरात पावसाची जोरदार बॅटिंग.अनेक नदी नाल्यांना पावसामुळे पूर.बच्चू कडू हे आज शेतकऱ्यांच्या कर्जमाफीबाबत मुख्यमंत्री देवेंद्र फडणवीस यांच्याशी चर्चा करणार आहेत, त्यापूर्वी त्यांनी सांगितले की, धनदांडग्यांचे कर्जमाफ करण्यापेक्षा गरीब शेतकऱ्यांना कर्जमाफीची गरज आहे. .मराठा आंदोलक मनोज जरांगे यांनी बच्चू कडूंच्या शेतकरी कर्जमाफीच्या आंदोलनाला पाठिंबा दिला आहे. सरकारने जो शब्द दिला आहे तो पाळावा, असे मनोज जरांगे पाटील म्हणाले. .लाचखोरी प्रकरणी नायगाव पंचायत समितीचे 9 गृहनिर्माण अभियंता कार्यमुक्तघरकुल योजनेत लाच घेतल्याची आमदार राजेश पवार यांच्यासमोर दिली होती कबुली.नांदेड जिल्हा परिषदच्या मुख्य कार्यकारी अधिकारी मेघना कावली यांनी काढले कार्यमुक्तीचे आदेशआता आमदार राजेश पवार यांच्याकडून उमरी व धर्माबाद येथील कर्मचाऱ्यांना सावधानतेचा इशारा.सुदैवाने मोठा अनर्थ टळला, या घटनेत कोणतीही जीवित हानी झाली नाही.गेल्या चार ते पाच दिवसांपासून तालुक्यात अवकाळी पाऊस सुरू आहे.सुरू असलेल्या पावसामुळे कन्नड घाटात मोठी दरड कोसळली.यावेळी कुठलीही जीवित हानी झाली नसून मात्र काही काळ वाहतूक ठप्प झाली होती.महामार्ग पोलिसांनी तात्काळ घटनास्थळी धाव घेऊन दरड बाजूला सरकवून वाहतूक सुरळीत केली..पुणे महापालिका ऍक्शन मोडमध्ये, अतिक्रमण विरोधात जोरदार कारवाईपुण्यातील चंदननगर परिसरात महापालिकेची अतिक्रमणविरोधी कारवाईअतिक्रमण केलेल्या आस्थापनांवर महापालिकेचा बुलडोझर१७ हजार ५०० चौरस फूट क्षेत्रफळाचा भाग केला मोकळा.कोल्हापूर : यंदाच्या परतीच्या पावसाने मराठवाडा आणि विदर्भाला तडाखा दिला. तेथील अर्थकारणाला फटका बसला असून, सुटीचा आनंदही हिरावला आहे. परिणामी मराठवाडा आणि विदर्भातून कोल्हापूरला येणाऱ्या पर्यटकांची संख्या जवळपास निम्म्याने घटली आहे. परिणामी यंदाच्या दिवाळी सुटीत कोल्हापुरातील पर्यटन व्यवसायात दररोज एक ते दीड कोटींचा महसूल घटला आहे. पावसाने अनेकांच्या उदरनिर्वाहाचा घास हिरावला असून, ही स्थिती सुधारण्यासाठी वर्ष जाण्याची शक्यता आहे. यंदा पावसाळा मे महिन्यातच सुरू झाला. अपवादात्मक काही दिवस वगळता सप्टेंबरपर्यंत पावसाचा जोर कायम होता. त्यानंतर परतीच्या पावसाने मराठवाडा आणि विदर्भाला झोडपले. नदी, नाल्यांना महापूर आल्याने जनजीवन विस्कळीत झाले. गावे व पिके पाण्याखाली गेली. पुढे पावसाचा जोर ओसरला, पण घर व शेतीची स्वच्छता होईपर्यंत दिवाळी सण आणि मुलांच्या सुट्या सुरू झाल्या..पुण्यातील एचएनडी जैन बोर्डिंगचा व्यवहार रद्द होण्याचा आदेश आज होणार आहे. धर्मदाय आयुक्त यांच्या समोर आज सुनावणी होणार असून जैन बोर्डिंग व्यवहार रद्द होण्याबाबत बिल्डर आणि ट्रस्टी यांची सहमती आहे. आजच्या सुनावणीकडे जैन समाजातील सर्व बांधवांचे लक्ष लागले आहे..नवी दिल्ली : महर्षी दयानंद सरस्वती यांच्या २००व्या जयंतीनिमित्त आयोजित आंतरराष्ट्रीय आर्य शिखर परिषदेला पंतप्रधान नरेंद्र मोदी शुक्रवारी संबोधित करणार आहेत. या परिषदेत भारतासह परदेशातील आर्य समाज प्रतिनिधी सहभागी होतील. ‘सेवेची १५० सुवर्ण वर्षे’या प्रदर्शनात शिक्षण, सामाजिक सुधारणा आणि अध्यात्मातील आर्य समाजाचे योगदान दर्शविले जाणार आहे. हा उपक्रम ‘ज्ञान ज्योती उत्सवा’चा भाग असून, ‘विकसित भारत २०४७’ संकल्पनेशीही जोडलेला आहे..नागपूर : संपूर्ण कर्जमाफीच्या मागणीसाठी राज्याची उपराजधानी असलेल्या नागपूरमध्ये शेतकरी आंदोलनाचा वणवा पेटल्याचे चित्र आज पाहायला मिळाले. माजी मंत्री आणि प्रहार जनशक्ती पक्षाचे अध्यक्ष बच्चू कडू आणि अन्य शेतकरी नेत्यांनी एक पाऊल मागे घेत आज (ता.३०) राज्य सरकारशी चर्चा करण्याची तयारी दर्शविली. बच्चू कडू हे मुंबईत मुख्यमंत्री देवेंद्र फडणवीस यांची भेट घेऊन चर्चा करणार आहेत. यादरम्यान शेतकऱ्यांचे आंदोलन मात्र सुरूच ठेवण्यात येईल. मुख्यमंत्र्यांनी कर्जमाफीची तारीख जाहीर करावी, यासाठी शेतकरी नेते आग्रही आहेत. .पुणे : प्रसिद्ध व्यंग्यचित्रकार आर. के. लक्ष्मण यांच्या स्मृततिनिमित्त त्यांच्या परिवाराने ‘आर. के. लक्ष्मण ॲवॉर्ड फॉर एक्सलन्स’ पुरस्काराची घोषणा केली आहे. हा पहिलाच पुरस्कार प्रसिद्ध अभिनेता, दिग्दर्शक आणि निर्माता अमीर खान यांना प्रदान करण्यात येणार आहे. भारतीय चित्रपटसृष्टीतील उत्कृष्ट योगदानाबद्दल अमीर खान यांना हा पुरस्कार २३ नोव्हेंबरला गहुंजे येथील एमसीए क्रीडांगणावर देण्यात येणार आहे, अशी माहिती आर. के. लक्ष्मण यांची स्नुषा उषा लक्ष्मण यांनी पत्रकार परिषदेत दिली..Latest Marathi Live Updates 30 October 2025 : संपूर्ण कर्जमाफीच्या मागणीसाठी राज्याची उपराजधानी असलेल्या नागपूरमध्ये शेतकरी आंदोलनाचा वणवा पेटल्याचे चित्र आज पाहायला मिळाले. माजी मंत्री आणि प्रहार जनशक्ती पक्षाचे अध्यक्ष बच्चू कडू आणि अन्य शेतकरी नेत्यांनी एक पाऊल मागे घेत आज (ता.३०) राज्य सरकारशी चर्चा करण्याची तयारी दर्शविली. बच्चू कडू हे मुंबईत मुख्यमंत्री देवेंद्र फडणवीस यांची भेट घेऊन चर्चा करणार आहेत. बंगालच्या उपसागरात निर्माण झालेल्या ‘मोंथा’ या चक्रीवादळाने बुधवारी संध्याकाळी आंध्र प्रदेशचा किनारा ओलांडला. या चक्रीवादळामुळे आंध्र प्रदेशात दोघांचा मृत्यू झाला आहे. तसेच सिद्ध व्यंग्यचित्रकार आर. के. लक्ष्मण यांच्या स्मृतीनिमित्त त्यांच्या परिवाराने ‘आर. के. लक्ष्मण ॲवॉर्ड फॉर एक्सलन्स’ पुरस्काराची घोषणा केली आहे. हा पहिलाच पुरस्कार प्रसिद्ध अभिनेता, दिग्दर्शक व निर्माता अमीर खान यांना प्रदान करण्यात येणार आहे. लडाखमधील हिंसक आंदोलनाच्या पार्श्वभूमीवर राष्ट्रीय सुरक्षा कायद्यान्वये (एनएसए) अटक करण्यात आलेले सामाजिक कार्यकर्ते सोनम वांगचूक यांना २४ नोव्हेंबरपर्यंत दिलासा देण्यास सर्वोच्च न्यायालयाने नकार दिला आहे. दानोळी व कवठेसार येथे विविध साखर कारखान्यांच्या ऊसतोडी स्वाभिमानीच्या कार्यकर्त्यांनी शेतकऱ्यांना गुलाब पुष्प देऊन बंद करण्याची विनंती करून थांबविल्या. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update: देश-विदेशासह राज्यात दिवसभरात काय घडलं? वाचा एका क्लिकवर

टीडीआर प्रकरणी चौकशी

Related Stories