Latest Marathi News Updates : केसात गजरा माळणं अभिनेत्रीला पडलं महागात, ऑस्ट्रेलियात झाला दंड

मल्याळम अभिनेत्री नव्या नायरला ऑस्ट्रेलियात एक लाखाचा दंड करण्यात आलाय. मेलबर्न विमानतळावर केसात गजरा असल्याच्या कारणावरून तिच्यावर कारवाई केली गेलीय. ऑस्ट्रेलियात ताजी फुलं आणि झाडांचे अवशेष आयात करणं कायद्यानुसार गुन्हा आहे. ओनम सणानिमित्त अभिनेत्रीनं केसात गजरा माळला होता..सोलापूर जिल्हा परिषदेतील ग्रामपंचायत कर्मचाऱ्यांची दहा टक्के आरक्षण नुसार राखीव 86 पदे आहेत. ही पदे तत्काळ भरावीत अन्यथा 16 सप्टेंबर पासून पुणे विभागीय आयुक्त कार्यालयासमोर बेमुदत आमरण उपोषण करण्याचा इशारा ग्रामपंचायत कामगार युनियनेचे अध्यक्ष दिलीप जाधव यांनी दिला आहे. महाराष्ट्र शासनाने राज्यातील ग्रामपंचायत कर्मचाऱ्यांना जिल्हा परिषदेच्या सेवेत वर्ग तीन व चार च्या पदावर 2005 च्या अधिनुसचने नुसार रिक्त पदांच्या दहा टक्के आरक्षण मंजूर केले आहे. पण जिल्हा परिषद प्रशासन ग्रामपंचायत कर्मचाऱ्यांची फसवणूक व दिशाभूल करून 86 कर्मचाऱ्यांचे नुकसान करत आहे. सदर कर्मचाऱ्यांवर 2023 पासून हा अन्याय होत असल्याचंही कर्मचाऱ्यांनी म्हटलंय..विदर्भातील काही भागात पावसाची शक्यता असून हवामान विभागाने गोंदिया आणि भंडाऱ्यात पावसाचा इशारा दिलाय. गोंदिया व भंडारा जिल्ह्यात वीज व गडगडाटासह हलक्या सरी पडण्याची शक्यता आहे. नागपूर जिल्ह्यात ठिकठिकाणी हलक्या सरी पडतील असं हवामान विभागाने म्हटलंय..17 सप्टेंबरच्या आत मराठवाड्यात कुणबी प्रमाणपत्र वाटप सुरुवात झाली पाहिजे. हैदराबाद गॅझेट मधील नोंदीच्या आधारे प्रमाणपत्र द्यायला सुरुवात करा. आता यात सरकारने बदल करू नये. 17 सप्टेंबर पर्यंत प्रमाणपत्र वाटप करण्यात सुरुवात झाली पाहिजे. अन्यथा मला मोठा निर्णय घ्यावा लागेल, कोणाच एकूण आमची हेळसांड झाली नाही पाहिजे, असे मनोज जरांगे पाटील म्हणाले..हैदराबाद आणि सातारा गॅझेटिअर नंतर आता कोल्हापूर गॅझेट वरची चर्चा पुढे येऊ लागली आहे. आज कोल्हापुरात 'कोल्हापूर गॅझेटियर' संदर्भात महत्त्वाची पत्रकार परीषद होत आहे. कोल्हापूरचे गॅझेटियर हा महत्त्वाचा दस्तऐवज आहे. यातील कुणबी नोंदी संदर्भात माहिती आणि नंतरच्या गॅझेट मध्ये केलेली गफलतची महत्त्वाची पत्रकार परिषद आज दुपारी १वा कोल्हापुरातील मराठा समाजातील नेते घेणार आहेत. .हैदराबाद गॅझेटिअरनुसार कुणबी प्रमाणपत्र द्याहैदराबाद गॅझेटिअरच्या अंबलबजावणीची सुरुवात करावीअन्यथा दसरा मेळाव्याला मोठा निर्णय घ्यावा लागेलसरकारने हैदराबाद गॅझेट लवकर लागू नाही केलं, तर येणाऱ्या दसऱ्या मेळाव्यात आम्हाला भूमिका जाहीर करावी लागणार आहे- मनोज जरांगे पाटील .ओबीसी आरक्षणाबाबत कागदपत्रांची जुळवाजुळव झाल्यानंतर छगन भुजबळ हे येत्या दोन दिवसांत उच्च न्यायालयात याचिका दाखल करणार आहेत. .नाशिक जिल्ह्यात मुसळधार पाऊस सुरुच असून गंगापूर धरणातून विसर्ग वाढविल्याने गोदावरी नदीच्या पाणी पातळीत वाढ झाली आहे. दरम्यान नदीकाठच्या गावांना सतर्कतेचा इशारा देण्यात आला आहे. .पालघरजवळील समुद्र किनारी तीन संशयित कंटेनर आढळून आले आहेत. प्रशांसने समुद्रकिनाऱ्यालगतच्या गावाना सतर्कता बाळगण्याच्या सूचना दिल्या आहे. .OBC Reservation Mumbai : पुढील दोन दिवस मुंबईत ओबीसी समाजाच्या महत्त्वाच्या बैठका आयोजित करण्यात आल्या आहेत. सरकारने मराठा आरक्षणाबाबत काढलेल्या जीआरमुळे साशंक असलेल्या ओबीसी नेत्यांची सोमवारी मुंबईत बैठक होणार आहे. तर, इतर मागास व बहुजन कल्याण मंत्र्यांनीही 9 सप्टेंबर रोजी ओबीसींच्या प्रलंबित मागण्यांसाठी बैठक बोलावली आहे. ओबीसी समाजाच्या प्रलंबित मागण्यांसाठी इतर मागास व बहुजन कल्याण मंत्री अतुल सावे यांच्या विभागातर्फे 9 सप्टेंबरला संध्याकाळी साडेचार वाजता मुंबईत विशेष बैठकीचे आयोजन केले आहे. .इचलकरंजी : गणेश आगमन मिरवणुकीनंतर आता विसर्जन मिरवणुकीतही साउंड सिस्टिमचा कानठळ्या बसवणारा आवाज शहरातील प्रमुख मार्गांवर दिवसभर घुमत राहिला. ध्वनी प्रदूषणाची मर्यादा झुगारून दिल्याचे चित्र ठिकठिकाणी दिसून आले. पोलिसांनी धडक मोहीम राबवून ९८ मंडळांवर कारवाई केली. .बेळगाव, खानापूर : गणपती विसर्जनाच्या जल्लोषात बेळगाव जिल्ह्यात दोन ठिकाणी दुर्दैवी घटना घडल्या. बेळगाव शहरातील जक्केरीहोंड तलावात एका ३२ वर्षीय तरुणाचा बुडून मृत्यू झाला, तर खानापूर तालुक्यातील यडोगा येथील २२ वर्षीय युवक मलप्रभा नदीत वाहून गेला. विसर्जनाच्या पार्श्वभूमीवर घडलेल्या या दुर्घटनांनी उत्सवी वातावरणावर शोककळा पसरली आहे..जगदीप धनखड यांच्या तडकाफडकी राजीनाम्यामुळे रिक्त झालेल्या उपराष्ट्रपती पदासाठी मंगळवार, 9 सप्टेंबर रोजी निवडणूक होत आहे. या पार्श्वभूमीवर राजधानी दिल्लीत हालचालींना वेग आला आहे. निवडणुकीच्या पार्श्वभूमीवर आज (सोमवार) इंडिया आघाडीच्या खासदारांची महत्त्वाची बैठक होणार आहे. या बैठकीत खासदारांचे ‘मॉक पोल’ (अभिरूप मतदान) घेण्यात येणार आहे..नवी दिल्ली : पंतप्रधान नरेंद्र मोदी मंगळवारी (ता. ९) पंजाबमधील पूरग्रस्त भागाचा दौरा करणार आहेत. पुराचा तडाखा बसलेल्या गुरुदासपूर भागात ते मदत व पुनर्वसन कार्याचा आढावा घेतील. यादरम्यान ते पंजाबसाठी आर्थिक मदतीची घोषणा करण्याची शक्यता आहे. याआधी केंद्रीय कृषिमंत्री शिवराजसिंह चौहान यांनी पंजाबमधील पूरपरिस्थितीची पाहणी केली होती. तसेच पुरामुळे झालेल्या हानीचा आढावा घेण्यासाठी आणि केंद्र सरकारला अहवाल सादर करण्यासाठी केंद्र सरकारची दोन पथकेही पंजबामध्ये पोहोचली होती. पंजाब भाजपतर्फे पंतप्रधानांच्या या दौऱ्याची सोशल मीडिया ‘एक्स’वरून घोषणा करण्यात आली. .मुंबई/पुणे : ढोल-ताशांच्या गजरात पुण्यात निघालेली मिरवणूक, मुंबईत भाविकांनी केलेली अलोट गर्दी, डीजेमुक्तीचा संदेश देत सोलापुरात निघालेली मिरवणूक याबरोबरच राज्यभरातील सार्वजनिक गणेश मंडळांनी उत्साहात लाडक्या गणरायाला निरोप दिला. मुंबईत समुद्राला आलेल्या भरतीमुळे ‘लालबागचा राजा’ मंडळाच्या गणेशमूर्तीच्या विसर्जनाला झालेला विलंब आणि पुण्यातही लागलेला विक्रमी वेळ पाहता यंदाची विसर्जन मिरवणूक रेंगाळल्याचे चित्र पाहायला मिळाले. .रत्नागिरी : आगामी स्थानिक स्वराज्य संस्थांच्या निवडणुकीचे जोरदार वारे वाहू लागले आहेत. त्या पार्श्वभूमीवर जिल्ह्यात महायुतीमधील दोन दिग्गज नेत्यांनी महायुतीबाबत अस्पष्ट िटप्पणी केली. भाजपनेते प्रवीण दरेकर यांनी स्वबळाचा नारा दिला, तर शिवसेना नेते उदय सामंत यांनी महायुती म्हणून लढलो तर थंपिंग मेजॉरिटीने आम्ही स्थानिक स्वराज्य संस्था जिंकू. महायुतीने निवडणूक लढण्याची आमची स्पष्ट भूमिका आहे, तरीही प्रत्येक जागेची आम्ही तयारी केली आहे, अशी प्रतिक्रिया देत स्वबळाची तयारी दर्शवली. त्यामुळे महायुतीबाबत दोन्ही पक्षांची भूमिका सध्या तळ्यातमळ्यात असल्याचे चित्र आहे..Latest Marathi Live Updates 8 September 2025 : ढोल-ताशांच्या गजरात पुण्यात निघालेली मिरवणूक, मुंबईत भाविकांनी केलेली अलोट गर्दी, डीजेमुक्तीचा संदेश देत सोलापुरात निघालेली मिरवणूक याबरोबरच राज्यभरातील सार्वजनिक गणेश मंडळांनी उत्साहात लाडक्या गणरायाला निरोप दिला. मुंबईत समुद्राला आलेल्या भरतीमुळे ‘लालबागचा राजा’ मंडळाच्या गणेशमूर्तीच्या विसर्जनाला झालेला विलंब आणि पुण्यातही लागलेला विक्रमी वेळ पाहता यंदाची विसर्जन मिरवणूक रेंगाळल्याचे चित्र पाहायला मिळाले. तसेच आलमट्टी धरणाची उंची ५१८ मीटरवरून ५२४ मीटरपर्यंत वाढवण्याचा निर्णय आमच्या सरकारसाठी प्राधान्याचा असून, त्यासाठी आम्ही वचनबद्ध आहोत, असे उपमुख्यमंत्री डी. के. शिवकुमार यांनी स्पष्ट केले. म्हाडाच्या मास्टर लिस्टवरील विजेत्यांना हक्काचे घर देण्यासाठी म्हाडाच्या मुंबई इमारत दुरुस्ती आणि पुनर्रचना मंडळाने डिसेंबर २०२३ मध्ये २६५ घरांसाठी लॉटरी काढली होती. त्यापैकी जवळपास ७० लोकांनी दीड वर्षांनंतरही घराचा ताबा घेतलेला नाही. त्यामुळे म्हाडा ॲक्शन मोडवर आले आहे. संबंधितांना घराचा ताबा का घेतला जात नाही, यासाठी कारणे दाखवा नोटीस बजावली आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Updates : केसात गजरा माळणं अभिनेत्रीला पडलं महागात, ऑस्ट्रेलियात झाला दंड

Navya Nair : केसात गजरा माळणं अभिनेत्रीला पडलं महागात, ऑस्ट्रेलियात झाला दंड

Related Stories